មនុស្សស្រីឈានដល់វ័យកណ្ដាល បើនៅតែរក្សារឿង ៣ យ៉ាងនេះទៀត អ្នកនឹងក្លាយជាមនុស្សដែលអត់ប្រយោជន៍បំផុត
មនុស្សស្រីបើអ្នកចង់ក្លាយជាមនុស្សដែលមានតម្លៃ មានក្ដីសុខ និងសុភមង្គលក្នុងជីវិតរបស់ខ្លួនឯង អ្នកគួរតែបោះចោលនូវរឿងទាំង ៣ យ៉ាងនេះ បើមិនដូច្នោះទេ អ្នកនឹងក្លាយជាមនុស្សស្រីដែលអត់ប្រយោជន៍បំផុត គ្មានអ្នកណាចង់នៅក្បែរអ្នកនោះឡើយ។
១. តែងប្រៀបធៀបខ្លួននឹងអ្នកដទៃ ៖ ស្ត្រីដែលឈានដល់វ័យកណ្តាលជាច្រើនតែងតែប្រៀបធៀបខ្លួនឯងជាមួយនឹងអ្នកដទៃ តាំងពីអាជីព ការងារ រហូតដល់សមិទ្ធផលរបស់កូនៗ សូម្បីតែរូបរាង និងរបៀបរស់នៅរបស់ខ្លួន ក៏យកទៅប្រៀបធៀបជាមួយនឹងអ្នកផ្សេងដែរ។ អាកប្បកិរិយាបែបនេះមិនត្រឹមតែបង្កើតអារម្មណ៍មិនពេញចិត្តចំពោះខ្លួនឯងប៉ុណ្ណោះទេ ថែមទាំងបង្កើតអារម្មណ៍ធ្លាក់ទឹកចិត្តកាន់តែខ្លាំងទៀតផង។
២. សង្ស័យឥតល្ហែ ៖ ស្ត្រីវ័យកណ្តាលតែងតែរស់នៅក្នុងស្ថានភាពព្រួយបារម្ភអំពីសុវត្ថិភាពការងារ សុខភាព និងកូនៗ។ ទម្លាប់បែបនេះនឹងធ្វើឱ្យអ្នកកាន់តែស្មុគស្មាញ ព្រួយបារម្ភ គិតខ្វល់គ្រប់រឿង ដែលជារឿយៗមានការសង្ស័យអំពីចេតនារបស់អ្នកដទៃដោយគ្មានមូលហេតុថែមទៀតផង។
៣. ត្អូញត្អែរ ឆាប់ខឹង ៖ នៅក្រោមសម្ពាធនៃការងារ និងគ្រួសារ ពួកគេនឹងឆាប់ខឹង និងប្រតិកម្មខ្លាំងពេកចំពោះស្ថានភាពតូចតាច។ ការផ្ទុះអារម្មណ៍ញឹកញាប់នេះមិនត្រឹមតែបង្កភាពតានតឹងដល់ខ្លួនឯងប៉ុណ្ណោះទេ ថែមទាំងប៉ះពាល់ដល់បរិយាកាសជុំវិញខ្លួន ដែលនាំឱ្យកើតមានជម្លោះអត់ប្រយោជន៍។ ស្ត្រីដែលចង់មានសុភមង្គលត្រូវស្គាល់ពីតម្រូវការ និងអារម្មណ៍របស់ខ្លួនបានត្រឹមត្រូវ។ អ្នកអាចអនុវត្តការដើរ និងសមាធិ ដើម្បីបង្កើតថាមពលរបស់អ្នកឡើងវិញ។
ម៉្យាងវិញទៀត ចូរបណ្ដុះអាកប្បកិរិយាវិជ្ជមានជាប្រចាំ ហើយដឹងគុណចំពោះអ្វីដែលអ្នកមាន។ សូម្បីតែពេលប្រឈមមុខនឹងសម្ពាធក៏ដោយ អ្នកគ្រាន់តែត្រូវរៀនឱ្យតម្លៃចំពោះអ្វីដែលអ្នកមានទៅបានហើយ។ ជាចុងក្រោយ ត្រូវរក្សាទំនាក់ទំនងជាមួយក្រុមគ្រួសារ មិត្តភក្តិ និងមិត្តរួមការងារឱ្យបានល្អ។ ពេលជួបការលំបាក កុំទុកអ្វីគ្រប់យ៉ាងឱ្យខ្លួនឯងឡើយ ប៉ុន្តែត្រូវចែករំលែក និងស្វែងរកការគាំទ្រពីមនុស្សដែលនៅជុំវិញខ្លួន៕
ព័ត៌មានថ្មីៗ
