៤ យ៉ាងដែលស្រ្តីឆ្លាត មិននិយាយ រឹតតែមិនបង្ហាញចេញលើបណ្ដាញសង្គមផ្ដេសផ្ដាសឡើយ
មនុស្សស្រីកាន់តែឆ្លាត កាន់តែស្ងៀមស្ងាត់ អាថ៌កំបាំងកាន់តែច្រើន ព្រោះនាងដឹងថាអ្វីដែលគួរនិយាយ អ្វីដែលគួរបង្ហាញ និងអ្វីដែលគួរលាក់ទុក មិនអាចចេះតែបញ្ចេញ បង្អួត និយាយប្រាប់ឱ្យអ្នកដទៃដឹងគ្រប់រឿងនោះឡើយ ទោះជាមួយនឹងមនុស្សជិតស្និទ្ធយ៉ាងណាក៏ដោយ ក៏នាងតែងតែមានផែនការ និងរក្សាភាពឯកជន ដើម្បីការពារខ្លួននាងដែរ។
១. រឿងស្នេហាឯកជន ៖ មានមនុស្សរាប់មិនអស់ដែលម្នាក់ៗមានរបៀបរស់នៅផ្ទាល់ខ្លួន ហើយគ្មានពេលខ្វល់ពីអារម្មណ៍របស់អ្នកឡើយ។ មនុស្សដែលពិតជាយកចិត្តទុកដាក់នឹងអ្នក មិនចាំបាច់តាមអ្នកតាមបណ្ដាញសង្គមទេ។ មិនថាអ្នកនៅលីវ មានស្នេហា ឬរៀបការទេ កុំបង្ហោះអ្វីទាំងអស់នៅលើបណ្តាញសង្គម មិនថាអ្នកសប្បាយចិត្ត ឬពិបាកចិត្តនោះទេ យកល្អគួរតែធ្វើត្រាប់តាមខ្លួនឯង ឬល្អបំផុត ចែករំលែកវាជាមួយមនុស្សដែលអាចទុកចិត្តបាន។ អារម្មណ៍របស់អ្នកកាន់តែស្ងប់ស្ងាត់ អ្នកនឹងកាន់តែរឹងមាំ និងរីករាយ។
បើអ្នកចង់ដោះស្រាយជម្លោះ ឬវិវាទនោះ អ្នកអាចនិយាយតែពីរឿងនេះទល់មុខគ្នាប៉ុណ្ណោះ។ កាលណាអ្នកប្រាប់មនុស្សកាន់តែច្រើន វាកាន់តែគ្មានន័យ។ ត្រូវចាំថា មនុស្សប្រុសមិននិយាយច្រើនទេ តែគេគ្មានចិត្តអាណិតមនុស្សស្រីដែលមិនចេះតែរក្សារឿងឯកជននោះឡើយ។ បើអ្នកនិយាយកាន់តែច្រើន អ្នកនឹងត្រូវគេមើលងាយពីកាន់តែខ្លាំង។
២. រូបថតមិនល្អអំពីខ្លួនអ្នក ឬអ្នកដទៃ ៖ ស្ត្រីឆ្លាតនឹងមិនបង្ហោះរូបអាក្រក់ខ្លួនឯង ឬមនុស្សជុំវិញខ្លួននៅលើបណ្តាញសង្គមឡើយ។ បើមិនដូច្នេះទេ អ្នកដទៃនឹងមានអរិភាពខ្លាំងចំពោះអ្នក ដោយវិនិច្ឆ័យអ្នកថាមិនស្អាត មិនដឹងពីរបៀបរក្សាសុជីវធម៌ និងមិនគោរពសិទ្ធិឯកជនរបស់អ្នកដទៃ។
៣. រឿងកំប្លែងមិនសមរម្យ ៖ អ្វីដែលមានតម្លៃបំផុតចំពោះស្ត្រី គឺភាពឆើតឆាយ។ ដូច្នេះកុំឱ្យការលេងសើចបណ្ដោះអាសន្នបន្តិចបន្តួចប៉ះពាល់ដល់សេចក្តីថ្លៃថ្នូររបស់អ្នក។ ត្រូវចាំថា រឿងកំប្លែងអាចធ្វើឱ្យមនុស្សមួយចំនួនសើច ប៉ុន្តែប្រសិនបើវាធ្វើឱ្យខូចកិត្តិយសអ្នកដទៃ វាគួរឱ្យអស់សំណើច។
៤. ត្អូញត្អែរនៅកន្លែងធ្វើការ ៖ មិនថាស្ត្រីមានទេពកោសល្យយ៉ាងណាក៏ដោយ ក៏នាងមិនអាចចៀសផុតពីការលំបាកក្នុងការងារបានដែរ។ ឧទាហរណ៍៖ ការងារតានតឹង ការមិនចុះសម្រុងជាមួយមិត្តរួមការងារ និងថ្នាក់លើ។ កុំព្រោះតែការចឹងធ្បើវឱ្យបាត់បង់ប្រាជ្ញា ហើយបង្ហោះបង្ហាញអារម្មណ៍ក្នុងបណ្ដាញសង្គមផ្ដេសផ្ដាស៕
ព័ត៌មានថ្មីៗ
