៤ ឃ្លា ដែលប្រុសៗចូលចិត្តនិយាយបំផុត នៅពេលដែលគេធុញទ្រាន់ជាមួយនឹងប្រពន្ធ
ស្រីៗគួរសាកសង្កេតមើល នៅពេលដែលជីវិតប្ដីប្រពន្ធស្ថិតក្នុងស្ថានភាពស្ងៀមស្ងាត់ ត្រជាក់ បើស្វាមីរបស់អ្នកនិយាយពាក្យទាំង ៤ ឃ្លានេះចេញមក នោះបង្ហាញថា ពួកគេកំពុងតែធុញទ្រាន់ជាមួយនឹងអ្នក អស់ចិត្តចំពោះអ្នកបាត់ទៅហើយ។
១. កុំហួសហេតុខ្លាំងពេក
"កុំធ្វើរឿងហួសហេតុពេក" ថ្វីដ្បិតតែហាក់ដូចជាដំបូន្មានក៏ដោយ ប៉ុន្តែការពិតគឺនៅពេលដែលគាត់និយាយឃ្លានេះ អ្វីដែលគាត់ចង់សម្ដៅន័យដល់នោះគឺ "ខ្ញុំហត់ហើយមិនចង់ស្តាប់អ្នកត្អូញត្អែរទៀតទេ»។
២. តាមតែចិត្តរបស់អ្នកចុះ
កុំគិតថាគាត់នឹងលែងអ្នកនៅពេលគាត់និយាយថា "វាអាស្រ័យលើអ្នក" ជាពិសេសប្រសិនបើបញ្ហាពាក់ព័ន្ធនឹងអ្នកទាំងពីរ។ ត្រូវចាំថា បុរសម្នាក់ដែលស្រលាញ់ និងយកចិត្តទុកដាក់ចំពោះអ្នក តែងតែត្រៀមខ្លួន និងព្រមផ្តល់ដំបូន្មាននៅពេលដែលអ្នកត្រូវការ។ សូម្បីតែនៅក្នុងទំនាក់ទំនងផ្សេងទៀត ដូចជាមិត្តភ័ក្តិ ឬមិត្តរួមការងារក៏ដោយ ក៏មនុស្សកម្រនឹងប្រកាន់យកអាកប្បកិរិយានិយាយឃ្លានេះចេញមកណាស់។
៣. នោះជាទំនួលខុសត្រូវរបស់អ្នក មិនមែនជារបស់ខ្ញុំទេ
មិនថារឿង ឬចម្ងល់អ្វីដែលអ្នកសួរនោះទេ បើគាត់និយាយបែបនេះ វាមានន័យថា គាត់កំពុងបង្ហាញការមិនចាប់អារម្មណ៍ចំពោះអ្នកហើយ។ ចំណុចសំខាន់នៅទីនេះ គឺបុរសដែលស្រលាញ់អ្នក នឹងមិនទុកឱ្យអ្នកប្រឈមមុខ ដោះស្រាយការលំបាកក្នុងជីវិតតែម្នាក់ឯងនោះទេ។ ជាមួយគូស្នេហ៍ ឬស្វាមី រឿងនេះមិនគួរកើតឡើងទេ ហើយប្រសិនបើគាត់និយាយបែបនេះ វាបង្ហាញពីឆន្ទៈរបស់គាត់ក្នុងការផ្លាស់ប្តូរ និងធ្វើឱ្យទំនាក់ទំនងកាន់តែខិតដល់ផ្លូវបំបែក។
៤. មិនអីទេ បើអ្នកមិនអាចទទួលយកបាន អ្នកអាចរកអ្នកផ្សេងចុះ
នៅពេលដែលមនុស្សពីរនាក់មានទស្សនៈផ្សេងគ្នា និងគោលដៅជីវិតមិនដូចគ្នា ជម្លោះ និងការមិនចុះសម្រុងគ្នា គឺចៀសមិនរួចឡើយ។ ទោះជាយ៉ាងណាក៏ដោយ បុរសដែលស្រលាញ់អ្នកពិតប្រាកដនឹងស្តាប់យោបល់ និងទទួលយកគំនិតរបស់អ្នកដើម្បីរីកចម្រើនជាមួយគ្នា។ ប្រសិនបើគាត់ឆ្លើយតបនឹងកង្វល់របស់អ្នកដោយនិយាយថា "ខ្ញុំនៅទីនេះ ប្រសិនបើអ្នកមិនទទួលយកវា អ្នកអាចស្វែងរកអ្នកផ្សេងបាន" នោះមានន័យថា គាត់មិនចង់រីកចម្រើនជាមួយអ្នកឡើយ៕
ព័ត៌មានថ្មីៗ
