មនុស្សស្រី ៧ ប្រភេទនេះ ជាមនុស្សស្រីដែលមនុស្សប្រុសស្រឡាញ់ខ្លាំង អាចស្លាប់រស់ជាមួយពេញមួយជីវិត
មនុស្សស្រីដែលមានលក្ខណៈទាំង ៧ ចំណុចនេះហើយ ដែលធ្វើឱ្យមនុស្សប្រុសងប់ងល់ខ្លាំង ស្រឡាញ់ដកចិត្តមិនរួច ហើយក៏ជាមនុស្សស្រីដែលបុរសចង់រួមរស់ ស្លាប់រស់ជាមួយពេញមួយជីវិតផងដែរ។
១. មនុស្សស្រីមានហេតុផល
បុរសតែងតែគោរព និងឱ្យតម្លៃបំផុតដល់មនុស្សស្រីដែលមានហេតុផល យល់ការ ចេះបែងចែកបញ្ហាបានច្បាស់លាស់។ នេះបង្ហាញថាស្ត្រី ជាមនុស្សសដែលមានការយល់ចិត្តយ៉ាងជ្រាលជ្រៅ។ ស្ត្រីដែលមិនចេះរករឿងឈ្លោះទាស់ខុសទំនង បុរសណាក៏ងប់ងល់ដែរ។ លើសពីនេះ មនុស្សស្រីប្រភេទនេះ ក៏មនុស្សប្រុសខ្លាចក្រែងចិត្តផងដែរ។
២. មត់ចត់ ល្អិតល្អន់
បុរសនឹងដឹងនៅពេលដែលមនុស្សស្រីមានភាពមត់ចត់ ទោះបីជាវាជាព័ត៌មានលម្អិតតូចតាចក៏ដោយ ទោះបីជាវាគ្រាន់តែជាសារមួយក៏ដោយ។ នៅពេលអ្នកពិនិត្យមើលរាល់អត្ថបទនីមួយៗដែលនាងផ្ញើ អ្នកនឹងសម្គាល់ឃើញថាមានការយកចិត្តទុកដាក់យ៉ាងល្អិតល្អន់ក្នុងគ្រប់ពាក្យ គ្រប់ប្រយោគ សូម្បីតែព័ត៌មានលម្អិតតូចបំផុតក៏ដោយ។
៣. ស្មោះត្រង់
មនុស្សស្រីម្នាក់នេះ មិនថាមិត្តភ័ក្តិភេទផ្ទុយប៉ុន្មានទេ មិនថាប្រុសប៉ុន្មាននាក់ តាមនាងនោះឡើយ តែនារីម្នាក់នោះ នៅតែស្មោះត្រង់ចំពោះដៃគូតែម្នាក់គត់ នាងនឹងសារភាពគ្រប់យ៉ាងចំពោះអ្នក មិនដែលលាក់លៀម បិទបាំងនោះឡើយ។
៤. ចេះប្រចណ្ឌតិចតួច
បើមានស្នេហាហើយនឹងមានការប្រច័ណ្ឌ ជួនកាលពេលបុរសត្រូវហ៊ុំព័ទ្ធដោយមនុស្សស្រីច្រើន ស្ត្រីនឹងមានការព្រួយបារម្ភបន្តិចបន្តួច ដោយពួកគេនឹងបង្ហាញការខឹងសម្បារ អន់ចិត្ត ឬបង្ហាញអារម្មណ៍ប្រចណ្ឌចំពោះដៃគូ។ គំនិត និងការសង្ស័យក្នុងចិត្តរបស់នាង វាគឺដោយសារតែនាងស្រឡាញ់ ហួងហែងតែប៉ុណ្ណោះ។ ពេលនោះ អ្នកគួរតែអត់ធ្មត់ ហើយយកចិត្តទុកដាក់លើអារម្មណ៍របស់នាងឱ្យបានច្រើន។
៥. មាននាងនៅក្បែរ ជាពេលដែលមានសុភមង្គលខ្លាំង
បុរសណាក៏សង្ឃឹមដែរថា មនុស្សស្រីនឹងជឿជាក់ គាំទ្រដល់គាត់អស់ពីចិត្ត។ មិនថាក្នុងពេលជោគជ័យ ឬបរាជ័យ នាងតែងតែនៅក្បែរអ្នក លើកទឹកចិត្តអ្នក លួងចិត្តអ្នក ចែករំលែកជាមួយអ្នក និងរក្សាភាពស្ងៀមស្ងាត់ជួយអ្នកឱ្យឆ្ពោះទៅមុខបន្តទៀត។
៦. នៅក្នុងភ្នែករបស់នាងអ្នកគឺល្អបំផុត
នាងប្រាកដជានឹងមិនព្រងើយកន្តើយ ចំពោះព័ត៌មានណាមួយដែលទាក់ទងនឹងអ្នកឡើយ ពួកគេនឹងបញ្ចូលទៅក្នុងជីវិតរបស់អ្នកជានិច្ច។ ពួកគេតែងតែចង់បង្កើតមិត្តជាមួយមិត្តភក្តិរបស់អ្នក។ នោះដោយសារតែពួកគេចង់យល់ពីអ្នកកាន់តែច្រើន ស្រលាញ់អ្នកកាន់តែខ្លាំង និងចែករំលែកជាមួយអ្នកកាន់តែច្រើន។
៧. ទទួលយកកំហុសរបស់អ្នក
អ្នកណាក៏ធ្លាប់ខុស តែមានមនុស្សតិចណាស់ ដែលព្រមទទួលយកកំហុសរបស់យើង យ៉ាងណាមិញសម្រាប់មនុស្សស្រីដែលទទួលយកកំហុស ឬចំណុចអវិជ្ជមានរបស់អ្នក ជាស្ត្រីដែលមានចិត្តទូលាយ ហើយតែងតែជួយកែលម្អអ្នក ទោះយ៉ាងណា អ្នកតែងតែល្អឥតខ្ចោះចំពោះនាងជានិច្ច៕
ប្រភព ៖ បរទេស / Knongsrok
ព័ត៌មានថ្មីៗ
