៣ យ៉ាង ដែលឪពុកម្ដាយតែងរំពឹងចង់បាន ចង់ឃើញបំផុត ពេលចាស់ទៅ
ធ្លាប់សួរខ្លួនឯងទេថា តើឪពុកម្តាយរបស់យើងគាត់រំពឹងចង់បានអ្វីពីយើង? តើអ្នកធ្លាប់ឆ្ងល់ទេថា ឪពុកម្តាយចង់បានអ្វីពីកូនៗ? ប្រហែលជាការដឹងរឿងនេះ នឹងធ្វើឱ្យអ្នកមានអារម្មណ៍យល់កាន់តែច្រើនជាមួយឪពុកម្ដាយរបស់អ្នក ហើយក៏សង្ឃឹមថា កូនៗទាំងឡាយ នឹងផ្ដល់ឱ្យលោកអ្នកមានគុណ នូវបំណង និងសេចក្ដីចង់បានដ៏សាមញ្ញនេះរបស់គាត់។
១. កូនៗរស់នៅដោយសុខដុមរមនា និងចេះស្រលាញ់គ្នា
គ្រួសារគឺជាការគាំទ្រដ៏សំខាន់ ហើយក៏ជាជីវិតរបស់ឪពុកម្តាយទាំងមូលផងដែរ។ ឪពុកម្តាយគ្រប់រូបចង់ឱ្យកូនប្រុសកូនស្រីរបស់ខ្លួនមានភាពសប្បាយរីករាយ កក់ក្តៅ និងបង្កើតបរិយាកាសស្និទ្ធស្នាលជាមួយគ្នា។ ឱ្យតែសមាជិកគ្រួសារមានភាពរួសរាយរាក់ទាក់ សប្បាយ និងទុក្ខព្រួយ ចេះចែករំលែកជាមួយគ្នា ចេះជួយគ្នាទៅវិញទៅមក ឪពុកម្តាយនឹងមានអារម្មណ៍រីករាយ ស្រណុកចិត្តណាស់។
កូនគ្រប់រូបជាកូន បើមានជម្លោះ ឪពុកម្តាយនៅកណ្តាល ពិបាកធ្វើអាជ្ញាកណ្តាល ក៏មានអារម្មណ៍ព្រួយបារម្ភ និងបាក់ទឹកចិត្តផងដែរ។ ព្រោះក្រៅពីឪពុកម្ដាយហើយ ក្នុងលោកនេះ មនុស្សដែលជិតស្និទ្ធបំផុត គឺបងប្អូនក្នុងគ្រួសារ។ នៅពេលដែលឪពុកម្តាយចាស់ជរា និងចុះខ្សោយ បងប្អូនប្រុសស្រីនឹងត្រូវពឹងផ្អែកលើគ្នាទៅវិញទៅមក ដែលជាភាពរីករាយ សុភមង្គល ហើយក៏ជាសេចក្តីសុខដ៏មហាសាលផងដែរ។
២. ចេះរកចិញ្ចឹម និងលូតលាស់ដោយខ្លួនឯង
មិនបាច់ទៅណាឆ្ងាយទេ យកបាយឆ្ងាញ់ៗ ខោអាវស្អាតៗ មកជូនពុកម៉ែ បងប្អូន ចង់បានបុណ្យល្អ បន់ស្រន់ឱ្យធំធាត់ និងមានសុខភាពល្អ។ ព្រោះកូនជាទ្រព្យមិនអាចកាត់ថ្លៃបានរបស់មាតាបិតា ឱ្យតែឃើញកូនមានសេចក្តីសុខ សុភមង្គល និងរកស៊ីមានបានកូននឹងតបស្នងគុណមាតាបិតាវិញមិនខានឡើយ។
ព្រះបានបង្រៀនថា ការកុំឱ្យឪពុកម្តាយរំខានអ្នក គឺជាការគោរពកោតខ្លាច។ ការទុកឱ្យឪពុកម្ដាយរបស់អ្នកបារម្ភអំពីអ្នក គឺជារឿងមិនគួរគប្បី។ ជីវិតរបស់ឪពុកម្តាយដែលបំពេញបានច្រើនបំផុត គឺជោគជ័យរបស់កូនៗ។ គុណធម៌ សុជីវធម៌ ខ្ពង់ខ្ពស់ ធ្វើជាមនុស្សល្អ ត្រឹមតែ ៣ ប្រការនេះ គ្រប់គ្រាន់ហើយ។
ឪពុកម្តាយលះបង់ដើម្បីកូន កូនៗក៏ត្រូវលះបង់ដើម្បីឪពុកម្ដាយវិញដែរ។ នោះហើយជាឫសគល់ ជាប្រភព និងសីលធម៌ដ៏ពិតប្រាកដនៃជីវិតនេះ។ តែងតែរស់នៅដើម្បីបំពេញសេចក្តីគោរពដល់ឪពុកម្តាយ និងចិញ្ចឹមកូនតាមការគោរពបូជា។
៣. មានគ្រួសារពេញលេញ និងសុភមង្គល
យុវវ័យជាច្រើនធំឡើង រៀនចប់ ទៅធ្វើការ ហើយឈ្លក់វង្វេងនឹងគ្រួសាររបស់ខ្លួន ភ្លេចឪពុកម្តាយ និងមនុស្សជុំវិញខ្លួន។ ចំពោះឪពុកម្តាយវិញ នៅពេលដែលកូនមានវ័យចំចាស់ទុំ រៀនចប់ ហើយមានមុខរបរ មានស្ថិរភាព គ្រាន់ចង់ឃើញកូនប្ដីល្អប្រពន្ធល្អ ឪពុកម្ដាយសប្បាយចិត្តណាស់ហើយ។
លើសពីនេះទៅទៀត ឪពុកម្ដាយតែងតែជាអ្នកចង់ឱ្យកូនៗដោះស្រាយគ្រប់យ៉ាងក្នុងជីវិតបានដោយរលូន។ មិនថាអ្នកមានភាពមិនច្បាស់លាស់អំពីអ្វីនោះទេ ឪពុកម្តាយរបស់អ្នកនឹងមានការព្រួយបារម្ភ និងមិនស្ងប់។
ឪពុកម្តាយ គឺជាមនុស្សដ៏អស្ចារ្យបំផុតនៅក្នុងពិភពលោក ជាពិសេសនៅពេលដែលអ្នកមានបញ្ហា អ្នកនឹងយល់កាន់តែច្រើនជាងនេះ។ អ្វីដែលឪពុកម្តាយត្រូវការពីអ្នក គឺមិនមែនជាអ្នកមានទេ តែមានកូនដែលល្អ ចេះដឹងគុណ។ អ្វីដែលឪពុកម្តាយអ្នកត្រូវការពីអ្នក គឺគ្រាន់តែជាការរំពឹងទុកដ៏សាមញ្ញប៉ុណ្ណោះ។ ជាកូនត្រូវព្យាយាមធ្វើខ្លួនបន្តិច ធ្វើយ៉ាងណាឱ្យខ្លួនឯងមានសុខភាពល្អ ស្ថិរភាព តែងតែមានសេចក្តីសុខ សុភមង្គល អ្នកត្រូវតែរស់នៅឱ្យបានល្អ ឪពុកម្តាយអ្នកក៏ដូច្នោះដែរ៕
ប្រភព ៖ បរទេស / Knongsrok
ព័ត៌មានថ្មីៗ
