បុរសជោគជ័យ ថ្លៃថ្នូរ ខ្ពង់ខ្ពស់ ព្រោះតែហេតុនៃទង្វើប្រព្រឹត្តិចំពោះភរិយា
អាពាហ៍ពិពាហ៍ប្រៀបបាននឹងថូសេរ៉ាមិក ដែលផុយស្រួយ ងាយនឹងបែកណាស់។ រាល់ប្រយោគដែលធ្វើឱ្យដៃគូឈឺចាប់ គឺជាការកាត់ផ្ដាច់ចំណងក្នុងអាពាហ៍ពិពាហ៍។ ហើយនៅពេលដែលគ្រួសារត្រូវបានបាក់បែកហើយនោះ សុភមង្គលក៏មិនអាចនឹងជួលជុលផ្សះផ្សាវិញបានដែរ។
១. ប្រុសៗចាំទុក ៖ កុំនិយាយពាក្យគំរោះគំរើយ អសុរោះចំពោះប្រពន្ធ
បុរសជោគជ័យ មានការអប់រំ ជំនួសឱ្យការខ្លាចរអានឹងកំហុសឆ្គង ហើយតែងតែជ្រើសរើសការអត់ឱនឱ្យគ្នាទៅវិញទៅមក ជាពិសេសប្រពន្ធរបស់គាត់។ ដោយសារគាត់យល់ថាតម្លៃរបស់ប្រពន្ធ គឺមិនអាចកាត់ថ្លៃបាន នាងជារបស់គាត់ មិនមែនជារបស់អ្នកណាឡើយ។
ជីវិតអាពាហ៍ពិពាហ៍ពិបាកចៀសរឿងជម្លោះ ទាស់ទែងគ្នាណាស់។ គ្មានភាពល្អឥតខ្ចោះណាមួយក្នុងលោកនេះទេ។ ពាក្យដែលបុរសនោះបាននិយាយនៅពេលដែលគាត់មិនអាចគ្រប់គ្រងអារម្មណ៍បាន ក៏បង្ហាញពីបុគ្គលិកលក្ខណៈទាំងមូលរបស់គាត់ដែរ។
ណាប៉ូឡេអុងធ្លាប់បាននិយាយថា "អ្នកណាដែលចេះគ្រប់គ្រងអារម្មណ៍របស់ខ្លួន គឺធំជាងមេទ័ពដែលទើបតែបំផ្លាញបន្ទាយមួយ"។ បុរសជោគជ័យម្នាក់ពេលខឹង តែងតែប្រយ័ត្នពាក្យសម្ដី និងកាយវិការ ដោយមិនគិតតែពីអារម្មណ៍មួយភ្លែតទេ គឺធ្វើបាបប្រពន្ធដែលឧស្សាហ៍ព្យាយាម និងលះបង់គ្រប់យ៉ាងដើម្បីគាត់។
២. ៤យ៉ាងដែលស្វាមីគួរមានចំពោះភរិយា
- ការយកចិត្តទុកដាក់ ៖ ស្ត្រីក្នុងអាពាហ៍ពិពាហ៍មិនត្រូវការអ្វីធំដុំនោះទេ ដរាបណាស្វាមីរបស់នាងយកចិត្តទុកដាក់ចំពោះនាងយ៉ាងពិតប្រាកដ វាគ្រប់គ្រាន់ហើយ។
- ភាពស្មោះត្រង់ ៖ ស្ត្រីអាចនៅជាមួយប្តីក្រីក្រ ប៉ុន្តែមិនអាចទទួលយកប្ដីក្បត់ចិត្តបានឡើយ។
-គោរព ៖ ស្ត្រីមិនថាជ្រើសរើសនៅផ្ទះ ឬធ្វើការទេ គឺត្រូវការការគោរព និងការឱ្យតម្លៃពីស្វាមីជាចាំបាច់។
- សេរីភាព ៖ មិនថារៀបការ ស្ត្រី ឬបុរស ត្រូវការសេរីភាព ហើយត្រូវការការគោរព និងការការពារពីដៃគូផងដែរ៕
ប្រភព ៖ បរទេស / Knongsrok
ព័ត៌មានថ្មីៗ
