ចៀសឱ្យឆ្ងាយ! មនុស្សស្រីមានចរិតទាំង ៥ នេះ មិនសមនឹងមានគ្រួសារឡើយ
មនុស្សស្រីដែលមានចរិតលក្ខណៈទាំង ៥ យ៉ាងនេះ មិនសក្តិសមនឹងរៀបការ សាងគ្រួសារ ក្លាយជាប្រពន្ធជាម្ដាយគេនោះឡើយ។ ដូច្នេះប្រុសៗល្អៗ ត្រូវតែមើលឱ្យមែនទែន ប៉ះមនុស្សស្រីប្រភេទនេះ គួរចៀសឱ្យឆ្ងាយ កុំយកខ្លួនពាក់ព័ន្ធឱ្យសោះ។
១. អសន្តិសុខ គ្មានទំនុកចិត្ត
ក្នុងចំណងអាពាហ៍ពិពាហ៍ ការទុកចិត្តគ្នាទៅវិញទៅមក ជារឿងដែលសំខាន់បំផុតសម្រាប់ជីវិតជាប្ដីប្រពន្ធ។ បើមនុស្សស្រីព្រួយបារម្ភគ្រប់ពេល ចេះតែកើតចិត្តសង្ស័យថាដៃគូលួចលាក់មានស្រីខាងក្រៅ នោះអាពាហ៍ពិពាហ៍នឹងក្លាយជាគ្រោះថ្នាក់ខ្លាំងណាស់។
ប្រសិនបើពេលខ្លះស្វាមីមកផ្ទះយឺត ព្រោះតែជាប់ការងារ។ ដោយសារតែគ្មានការទុកចិត្ត ខាងស្រីមិនប្រយ័ត្នបានទូរស័ព្ទទៅរំខានខាងប្រុសជាបន្តបន្ទាប់។ ធ្វើបែបនេះនឹងធ្វើឱ្យប្រុសៗធុញទ្រាន់ នាំឱ្យប្ដីប្រពន្ធឈ្លោះគ្នាមិនខាន។ ដូច្នេះប្រសិនបើស្ត្រីមានលក្ខណៈអសន្តិសុខខ្លាំងបំផុត សម្រាប់បុរស វាមិនស័ក្តិសមក្នុងជីវិតអាពាហ៍ពិពាហ៍នោះទេ។
២. តាំងខ្លួនខ្លួនឯងជាព្រះនាង
អាពាហ៍ពិពាហ៍គួរតែជាទំនាក់ទំនងដែលមានតុល្យភាព ដែលមនុស្សទាំងពីរជួយគ្នា ចែករំលែកការលំបាក និងសុភមង្គលរួមគ្នា។ ប៉ុន្តែស្ត្រីជាច្រើនគិតថាខ្លួនជាម្ចាស់ក្សត្រី តាំងខ្លួនជាព្រះនាង បញ្ជា ត្រួតត្រាប្ដីតាមតែអំពើចិត្ត។ នេះធ្វើឱ្យទំនាក់ទំនងគូស្នេហ៍កាន់តែយ៉ាប់យ៉ឺន ទីបំផុតក៏ទ្រាំលែងបាន។
ដូចក្នុងជីវិតប្រចាំថ្ងៃ យើងនឹងឃើញមនុស្សស្រីជាច្រើនកើតជំងឺព្រះនាង។ ការពិតមនុស្សស្រីទាំងនេះអាចធ្វើកិច្ចការជាច្រើនដោយខ្លួនឯង ប៉ុន្តែដើម្បីបង្ហាញពីអភិជនរបស់ខ្លួន នាងតែងតែតម្លើងឫកពារ ចង់ឱ្យដៃគូផ្គាប់ផ្គន់តាមទ្រ។ មនុស្សស្រីប្រភេទនេះ ពេលដែលគេមិនលួង មិនតាមចិត្ត ក៏លើកយករឿងលែងលះមកនិយាយ។ បើបុរសរៀបការជាមួយមនុស្សស្រីបែបនេះ ជីវិតប្រៀបដូចធ្លាក់នរក។
៣. ពូកែតែតែងខ្លួន ខ្ជិលច្រអូសរឿងកិច្ចការងារផ្ទះ
មានសុភាសិតមួយបានពោលថា ៖ ភាពជោគជ័យរបស់មនុស្សស្រី គឺស្ថិតនៅលើរូបរាងរបស់នាង ហើយភាពជោគជ័យរបស់បុរស គឺស្ថិតនៅក្នុងអាជីពរបស់គាត់។ ក្នុងទំនាក់ទំនងអាពាហ៍ពិពាហ៍ វាមានសារៈសំខាន់ ជាពិសេសសម្រាប់ស្ត្រីដែលចេះស្លៀកពាក់បានត្រឹមត្រូវ ដើម្បីឱ្យស្វាមីស្រឡាញ់នាង។
ប៉ុន្តែស្ត្រីដែលខ្ជិលច្រអូសក្នុងការមើលថែទាំផ្ទះសម្បែងពេលរៀបការរួច នោះជីវិតប្តីប្រពន្ធនឹងមានតែរឿងឈ្លោះប្រកែកគ្នា។ បើបុរសរៀបការជាមួយស្ត្រីប្រភេទនេះ អ្វីដែលគាត់ឃើញពេលត្រឡប់មកពីធ្វើការវិញ គឺប្រពន្ធដេកលើគ្រែ លេងទូរស័ព្ទ ផ្ទះរញ៉េរញ៉ៃ មិនធ្វើម្ហូបអាហារចាំស្វាមីឡើយ ចរិតបែបនេះ គ្មានបុរសណាដែលអាចទ្រាំទ្របានឡើយ មិនយូរមិនឆាប់គង់តែលែងលះ។
៤. មិនគោរពប្តី និងម្ដាយក្មេក
នៅក្នុងដំណើរការនៃការស្វែងរក ប្រសិនបើអ្នករកឃើញថាអ្នកដទៃមិនគោរពអ្នក វាជាការល្អបំផុតសម្រាប់បុរសត្រូវនៅឱ្យឆ្ងាយ។ ដើម្បីឱ្យសេចក្តីស្រឡាញ់របស់ស្វាមីភរិយាកាន់តែងប់ងល់ ភរិយាត្រូវគោរពស្វាមី និងគ្រួសាររបស់ស្វាមី ។ ដូចនៅក្នុងដំណើរការនៃការស្គាល់មនុស្សស្រី ប្រសិនបើនាងរកឃើញកំហុសរបស់ដៃគូ នាងនឹងចង្អុលប្រាប់ដោយត្រង់ៗនៅចំពោះមុខមនុស្សគ្រប់គ្នា ដោយធ្វើឱ្យក្មេងប្រុសស្ថិតក្នុងស្ថានភាពអាម៉ាស់។
៥. មិនចេះទុកដាក់លុយកាក់
មនុស្សស្រីចូលចិត្តដើរផ្សារ ទិញរបស់របរជារឿងធម្មតា ប៉ុន្តែស្ត្រីដែលចាយលុយត្រូវចេះគ្រប់គ្រង កំណត់ការចំណាយ ការចាយលុយលើរបស់របរ នឹងបង្កការលំបាកដល់សេដ្ឋកិច្ចគ្រួសារ។ មនុស្សស្រីបែបហ្នឹង ខ្ជះខ្ជាយ ចាយវាយលុយគ្មានគោលដៅត្រឹមត្រូវ ទោះបីប្ដីពូកែរកប៉ុនណា ក៏មិនគ្រាន់នឹងនាងចាយដែរ៕
ប្រភព ៖ បរទេស / Knongsrok
ព័ត៌មានថ្មីៗ
