” ការហើយ ពេលបើកប្រាក់ខែបាន ឱ្យលុយទៅប្រពន្ធ ឬឱ្យលុយទៅម៉ែ ” ជាសំណួរដ៏ចាក់ដោត ដែលមនុស្សប្រុសខ្លះ មិនហ៊ាននឹងឆ្លើយ
ជាការពិត ក្នុងជីវិតគូ ឬប្ដីប្រពន្ធ បើសួរនាំគ្នាថា ការហើយឱ្យលុយទៅអ្នកណា ឱ្យប្រពន្ធ ឬឱ្យម៉ែ? សំណួរនេះ ស្ដាប់ហើយវាពិតជាហួសហេតុណាស់ ជាពិសេស បើខាងស្រីជាអ្នកសួរទៀត ប្រាកដជាគេគិតថាមនុស្សស្រី មើលឃើញតែលុយ ចង់ឱ្យគេឱ្យលុយទៅប្រពន្ធ មិនឱ្យទៅអ្នកមានគុណគេមែនទេ តែបើក្រឡេកមកមើលការបកស្រាយពីនារីរូបស្រស់ម្នាក់បានបកស្រាយវិញ វាពិតជាសមហេតុសមផលណាស់។
នាងរីម្នាក់ បានសរសេររៀបរាប់ពីអ្វីដែលខ្លួនបានគិត តាំងពីដំបូងឡើង នៅពេលដែលនាងមានគេចូលស្ដី នាងតែងតែសួរទៅសមីរខ្លួនខាងប្រុសនូវសំណួរមួយនេះ " តេីពេលបេីកប្រាក់ខែ ឱ្យលុយទៅប្រពន្ធ ឬឱ្យទៅម៉ែ ? “ តែនាងបានបកស្រាយយ៉ាងសមហេតុ និងត្រឹមត្រូវ វាជាអ្វីដែល មនុស្សស្រី ក៏ដូចជាដៃគូដែលត្រូវរួមរស់នឹងគ្នាគួរតែដឹង និងពិចារណា ដោយនាងបានលើកឡើងថា ៖
កាលពីមុន ពេលមានគេចូលសួរស្ដីដណ្ដឹង សំនួរដែលខ្ញុំសួរទៅសាមីខ្លួនខាងប្រុសមុនគេគឺ " តេីពេលបេីកប្រាក់ខែ ឱ្យលុយទៅប្រពន្ធ ឱ្យទៅម៉ែ ? "
ជាទូទៅ 50% គឺតែងតែតបជា សំនួរមកវិញថា " ម៉េចបានសួរបែបនេះ ? " 30% ឆ្លើយថា " ឱ្យទៅប្រពន្ធ “ (ព្រោះខ្លាចគេមិនលេីកកូនឱ្យ) 20% ឆ្លើយថា " ដកលុយឱ្យម៉ែខ្លះ ហេីយបានឱ្យទៅប្រពន្ធតាមក្រោយ " (ព្រោះខ្លាចចិត្តម៉ែ) 10% ឆ្លើយថា “ ឱ្យទៅម៉ែ " (ព្រោះខ្លាចខាងប្រពន្ធជាមនុស្សកំណាញ់ដល់ខាងគ្រួសារខ្លួន)។
" សំនួរនេះស្ដាប់ទៅវាដូចជាមិនសម ដោយសារតែវាជាសំនួរត្រង់ជ្រុល តែសម្រាប់ខ្ញុំ ខ្ញុំសួរសំណួរនេះពីព្រោះរាល់ពេលដែលយេីងសួរសំនួរអវិជ្ជមានទៅកាន់នរណាម្នាក់ មនុស្ស90% ដែលកំពុងស្ថិតក្នុងស្ថានភាពចំពោះមុខ នឹងបញ្ចេញកាយវិការនិងនិយាយការពិត។ ចំពោះខ្ញុំ គឺត្រូវការប្ដីដែលបេីកប្រាក់ខែមកភ្លាម ត្រូវអោយប្រពន្ធមុនគេ ហេីយពិភាក្សាគ្នា ថាត្រូវបែងចែកលុយយ៉ាងម៉េច ត្រូវជូនអ្នកមានគុណយ៉ាងម៉េច។ ខ្ញុំមុខលុុយណាស់មែនទេ? ថាយ៉ាងម៉េចក៏បានព្រោះខ្ញុំមិនអាចកែប្រែការគិតរបស់អ្នកណាម្នាក់បានទេ តែអ្នកត្រូវចាំថា ប្ដីប្រពន្ធ មុន និងក្រោយ ម្នាក់ៗមុខតែបញ្ចេញចរិកពិតចេញពីក្នុងខ្លួនដូចគ្នា , ការរស់នៅមិនចុះសម្រុងគ្នាដោយសារញាតិមិត្ត មុខតែជៀសមិនផុត ទោះចង់រឺមិនចង់ ។
សម្រាប់មនុស្សស្រីគ្រប់រូប មិនថាខ្ញុំ មិនថាគេ គឺចិត្តដូចគ្នា តែងតែចង់បានប្ដីដែលគិតថាយេីងសំខាន់ជាងគេ ស្រលាញ់យេីងជាងគេ គិតដល់យេីងមុនគេ ខ្វល់ពីយេីងគ្រប់ពេល ។ ដូចនឹងការបែងចែកលុយ ការផ្ដល់មកអោយប្រពន្ធជាមនុស្សទីមួយជាអ្នកចាត់ចែង គឺដូចជាផ្ដល់កិត្តិយសដល់ប្រពន្ធ ប្រសិនបេីមនុស្សប្រុសដែលអ្នកកំពុងតែសេពគប់ គិតដូច្នេះ ចេះផ្តល់សារ:សំខាន់ដល់អ្នកមួយភាគធំ នោះគឺជាភាពប្រាកដចិត្តមួយ ដែលអ្នករកបានមនុស្សប្រុសពិត ដែលចេះគិត លេីកទុកដាក់ចិត្តគេ ហេីយអ្នកអាចរស់នៅជាមួយគេបានយ៉ាងមានក្ដីសុខ ដោយមិនខ្វែងគំនិតគ្នា។
ចឹងហើយ កុំគិតថាកូនស្រីគេចង់បានតែលុយ ខាងប្រុសពេក អោយដឹងផងថាគេរស់នៅ បង្កើតកូនជាមួយមនុស្ស មិនមែន លុយ ។ ហេីយបេីប្រុសៗខ្លះ រឿងអីតិចសួរម៉ែ ចង់ធ្វើអីតិចមិនហ៊ានព្រោះម៉ែមិនព្រម ស្ដាប់ម៉ែជ្រុល មិនបាច់យកមកធ្វើប្ដីទេ ព្រោះប្ដីចឹងៗមិនទាន់ផ្ដាច់ដោះម៉ែទេ យកមកនាំអំពល់ទុក្ខ អត់ប្រយោជន៍ ។ "
#truestoryofmine
ដោយក្នុងនោះ ក៏មានមិត្តៗក្នុងហ្វេសប៊ុគរបស់នាង បានបញ្ចេញមតិពេញចិត្តយ៉ាងខ្លាំង នូវអ្វីដែលនាងបានលើកឡើង អ្នកខ្លះក៏បាននិយាយថា ចាក់ដោតណាស់ នេះក៏បង្ហាញឱ្យឃើញមួយផ្នែកថា អ្វីដែលនាងបានរៀបរាប់ វាពិតជាត្រឹមត្រូវមែន៕
ប្រភព ៖ Pagnara Ly
ព័ត៌មានថ្មីៗ
