៣ ចំណុចដ៏សំខាន់របស់ មនុស្សស្រីចាស់ទុំ
មនុស្សស្រីដែលមាន ៣ ចំណុចនេះ បញ្ជាក់ថា នាងបានវិវត្តន៍ខ្លួនកាន់តែចេះដឹង និងចាស់ទុំ ហើយចំណុចទាំងនេះ ក៏ជាចំណុចដ៏ទាក់ទាញមនុស្សនៅជុំវិញខ្លួននាងបានកាន់តែច្រើនផងដែរ។
១. ភាពចាស់ទុំនៅក្នុងចរិត និងរូបរាង
ស្ត្រីបានឆ្លងកាត់វ័យជំទង់ ពួកគេបានឆ្លងផុតដំណាក់កាលនៃរូបរាងក្មេងវ័យនៅក្នុងជីវិត។ ក្រោយពេលសម្រាលកូនរួច រាងកាយមនុស្សស្រីលែងមានភាពស្រស់ស្អាតបែបយុវវ័យទៀតហើយ ប៉ុន្តែបង្កើតភាពទាក់ទាញដែលមិនអាចពិពណ៌នាបាន។
នៅ "កម្រិតនេះ" ស្ត្រីដឹងថារចនាប័ទ្មសម្លៀកបំពាក់ និងម៉ូដសក់បែបណាដែលសមនឹងពួកគេបំផុត។ ពួកគេដឹងពីរបៀប "លើកតម្កើងភាពស្រស់ស្អាត និងលាក់បាំងចំណុចខ្វះខាត" ហើយបានបង្កើតស្ទីលឆើតឆាយផ្ទាល់ខ្លួនរបស់ពួកគេ។
បុរសតែងតែមានអារម្មណ៍មិនស្រួលជាមួយនឹងបុគ្គលិកលក្ខណៈ "ផ្លាស់ប្តូរដូចជាអាកាសធាតុ" របស់ស្ត្រី។ ប៉ុន្តែជាមួយនឹងស្ត្រីដែលបានឆ្លងកាត់បទពិសោធន៍ជាច្រើន ពួកគេមានស្ថិរភាព និងស្ងប់ស្ងាត់ជាងនៅក្នុងចរិត ការគិត និងសកម្មភាព។ ជាងនេះទៅទៀត ដោយសារបទពិសោធន៍ជីវិតដ៏សម្បូរបែប ស្ត្រីពេញវ័យក៏អាចស្រលាញ់គ្នាខ្លាំងជាងមុនដែរ។
២. ទំនុកចិត្ត និងការសម្រេចចិត្ត
ស្ត្រីបានឆ្លងកាត់ការឡើងចុះជាច្រើនក្នុងជីវិត ហើយពួកគេក៏ធ្លាប់ឆ្លងកាត់ពេលដែលពួកគេដួល វាហាក់ដូចជាពិបាកនឹងក្រោកឡើងវិញជាខ្លាំង។ ទោះយ៉ាងណាក៏ដោយ ពួកគេបានបន្តដើរ ដោយព្យាយាមធ្វើវាម្តងទៀត ហើយទោះបីជាពួកគេមិនបានក្លាយទៅជានាគក៏ដោយ ក៏ពួកគេបានក្លាយជាហ្វូនីក។ ពួកគេមានសេរីភាព និងសន្តិភាព។
មនុស្សស្រីបែបនេះស្គាល់ខ្លួនឯងច្បាស់ និងយល់ពីជីវិត។ ពួកគេបានកំណត់គោលដៅ និងប្តេជ្ញាថានឹងសម្រេចឱ្យបាន។ ពួកគេមានទំនុកចិត្តលើអ្វីដែលខ្លួនមាន ហើយមានភាពក្លាហាន និងការតាំងចិត្តដើម្បីធ្វើឱ្យជីវិតរបស់ពួកគេកាន់តែប្រសើរឡើង។ នៅពេលនៅជាមួយមនុស្សស្រីបែបនេះ បុរសមានអារម្មណ៍ត្រេកអរ ហើយតែងមានចិត្តសុទិដ្ឋិនិយម និងស្រលាញ់គ្នាជាង។
៣. ដឹងពីរបៀបគ្រប់គ្រងអារម្មណ៍
ស្ត្រីពេញវ័យបានឆ្លងផុតដំណាក់កាលនៃកំហឹង ឆាប់ខឹងគ្មានេហតុផល។ ឥឡូវនេះ ពួកគេយល់ថា ស្នេហាប្រៀបដូចជាគ្រាប់ខ្សាច់ កាន់តែក្ដាប់នៅក្នុងដៃ ខ្សាច់ក៏កាន់តែរសាត់ទៅឆ្ងាយ។
ជំនួសឱ្យការត្អូញត្អែរ ពួកគេបានរៀនគោរពភាពឯកជនរបស់ដៃគូ។ ពួកគេរៀនចែករំលែក និងយកចិត្តទុកដាក់ចំពោះបុរស ជាជាងផ្តោតលើអារម្មណ៍ខ្លួនឯងច្រើនពេក៕
ប្រភព ៖ បរទេស / Knongsrok
ព័ត៌មានថ្មីៗ
