ឪពុកមានលក្ខណៈ ៣ យ៉ាងនេះ ប៉ះពាល់ដល់អនាគតកូនយ៉ាងធ្ងន់ធ្ងរ ឪពុកគ្រប់រូបសូមចៀសវាង
ភាពជាគំរូល្អ និងភាពជាដៃគូរបស់ឪពុកគឺចាំបាច់សម្រាប់ការលូតលាស់របស់កុមារ។ ទោះជាយ៉ាងណាក៏ដោយ ឪពុក ៣ ប្រភេទខាងក្រោមនេះអាចបង្កគ្រោះថ្នាក់ដល់កូនៗរបស់ពួកគេនៅពេលពួកគេចម្រើនវ័យ។
១. ឪពុកព្រងើយកណ្តើយចំពោះគ្រួសារ
ឪពុកជាអ្នកចិញ្ចឹមគ្រួសារ តែងតែខ្វល់ខ្វាយច្រើនអំពីលុយកាក់ ឋានៈ កេរ្តិ៍ឈ្មោះ របៀបអប់រំកូន។ល។ ទំនួលខុសត្រូវទាំងនេះគ្មានអ្នកណាធ្វើបានល្អជាងតួនាទីឪពុកឡើយ។ ឪពុកត្រូវតែដឹងពីអ្វីដែលកំពុងកើតឡើងនៅពិភពខាងក្រៅ និងអ្វីដែលកូនរបស់គាត់អាចធ្វើបាន។ នៅពេលកូនដើរលើផ្លូវត្រូវ ឪពុកម្តាយគួរសង្កេតដោយស្ងៀមស្ងាត់។ ប្រសិនបើកូនដើរផ្លូវខុស ឪពុកត្រូវតែធ្វើអន្តរាគមន៍ភ្លាមៗ ដើម្បីបង្វែរស្ថានភាព។
ឪពុកដែលមានចក្ខុវិស័យតូចចង្អៀតច្រើនតែដឹងពីរបៀបឱ្យកូន ៗ របស់គាត់ឆាប់រកប្រាក់ដើម្បីផ្គត់ផ្គង់គ្រួសារ។ ពួកគេមិនគិតពីរបៀបដែលកូនរបស់ពួកគេអាចអភិវឌ្ឍបន្ថែមទៀត។ ជាឧទាហរណ៍ ឪពុកជារឿយៗសង្កត់ធ្ងន់លើកូនរបស់គាត់ថាពួកគេនឹងនៅផ្ទះធ្វើស្រែចំការនៅពេលពួកគេធំឡើង។ កុមារនោះជាប់គាំងនៅជនបទរហូតមិនដឹងថាពិភពលោកធំប៉ុណ្ណាទេ។
ឪពុកខ្លះចូលចិត្តរស់នៅសុខស្រួលរកចំណូលគ្រាន់តែមួយរស់ៗ។ ជាលទ្ធផល កូនៗរបស់ពួកគេក៏ក្លាយជាមនុស្សសាមញ្ញដែរ។ ក្នុងវ័យកុមារ កុមារតែងតែឈរនៅលើស្មាឪពុករបស់ពួកគេ ដើម្បីមើលឃើញពិភពលោក។
២. ឪពុកជាមនុស្សក្រអឺតក្រទម ចូលចិត្តប្រើអំពើហិង្សា
ឪពុកខ្លះអសមត្ថភាព ពួកគេឆាប់ខឹង ហើយប្រើហិង្សាជាមួយកូន។ មិនថាកូនធ្វើអ្វីក៏មិនពេញចិត្តដែរ។ កុមារទទួលបានពិន្ទុខ្សោយ ពួកគេគិតថា ការសិក្សាគឺជាការខ្ជះខ្ជាយលុយ ហើយពិន្ទុរបស់កូនបានច្រើនជាអាទិភាព គឺពួកគេគិតថា ការមិនជាប់ចំណាត់ថ្នាក់កំពូលគឺមិនល្អទេ។
ពួកគេមានទំនោរនាំអារម្មណ៍អវិជ្ជមានពីការងារមកផ្ទះ ហើយបញ្ចេញកំហឹងមកលើកូនៗ នាំឲ្យមានជម្លោះក្នុងគ្រួសារ។ ឪពុកបែបនេះនឹងធ្វើឲ្យកូនតូចចិត្ត។ ពេលដល់កម្រិតហើយ រឿងអកុសលអាចកើតឡើង។
ពេលកូននៅក្មេងឃើញឪពុកខឹងនឹងខ្លាចមិនហ៊ានតទល់។ កូនធ្វើអ្វីក៏តែងតែឃើញមុខឪពុក។ នៅពេលដែលពួកគេឈានដល់វ័យពេញវ័យ ពួកគេក៏បានក្លាយជាមនុស្សកំសាក។
៣. គ្រប់គ្រង តឹងតែងខ្លាំងជ្រុលហួសហេតុ
បន្ទាប់ពីរៀបការហើយ មនុស្សជាច្រើននៅតែមិនអាចមានឯករាជ្យ ហើយត្រូវពឹងលើឪពុកម្តាយដើម្បីចិញ្ចឹមជីវិត។ មូលហេតុគឺឪពុកម្តាយតែងតែជ្រៀតជ្រែកក្នុងកិច្ចការរបស់កូន ពេលកូនមិនស្តាប់ ម្តាយយំ ហើយឪពុកផ្តាច់ការផ្តល់យោបល់។ ឪពុកចង់គ្រប់គ្រងខ្លាំង កូនមិនហ៊ានធ្វើជាខ្លួនឯង។ យូរ ៗ ទៅកុមារមានទម្លាប់មិនអាចបែកចេញពីគ្រួសារ។
មុនអាយុ 18 ឆ្នាំជីវិតរបស់កុមារត្រូវបានរៀបចំដោយឪពុកម្តាយ។ បន្ទាប់ពីអាយុ 18 ឆ្នាំវាអាស្រ័យលើអ្នកក្នុងការសម្រេចចិត្ត។ កូនប្រុសអាចទទួលមរតកជំនួញរបស់ឪពុក ប៉ុន្តែបន្ទាប់ពីកូនៗបានកាន់កាប់ ពួកគេគួរតែមានវិធីសាស្រ្តគ្រប់គ្រងរបស់ពួកគេ ហើយមិនអាចស្តាប់គ្រប់អ្វីដែលឪពុកពួកគេនិយាយនោះទេ។
សរុបមក ឪពុកមានតួនាទីសំខាន់ក្នុងការអភិវឌ្ឍន៍កូន។ ប្រសិនបើឪពុកចង់ឱ្យកូនអភិវឌ្ឍខ្លួនបានល្អ គួរតែរៀនស្រូបយកអ្វីថ្មីៗ និងធ្វើអ្វីដែលផ្តល់ប្រយោជន៍ដល់កូន៕
ប្រែសម្រួល៖ វីរៈ(Knongsrok)
ព័ត៌មានថ្មីៗ
