ចេះដកដង្ហើម ៣ក្បាច់នេះ ជួយឲ្យងងុយគេងលឿន និងគេងលក់ស្កប់
វិធីដ៏ល្អបំផុតមួយក្នុងការជួយខ្លួនឯងឱ្យគេងលក់គឺជាវិធីសាមញ្ញបំផុត ដោយអ្នកអាចធ្វើវាបានតាមរយះការដកដង្ហើម។ ប៉ុន្តែអ្នកក៏ត្រូវចេះដកដង្ហើមអោយបានជ្រៅ និងត្រឹមត្រូវផងដែរ មិនតែប៉ុណ្ណោះ បើអ្នកចេះដកដង្ហើម ៣ក្បាច់នេះ ធានាថាអាចជួយឲ្យងងុយគេងលឿន និងគេងលក់ស្កប់ជាក់ជាមិនខាន!
១.ដកដង្ហើមតាមរយះសាច់ដុំសួត
Diaphragm គឺជាសាច់ដុំដ៏ធំមួយមានមូលដ្ឋាននៅបរិវេណសួតរបស់អ្នក ដែលទទួលបន្ទុកចម្បងសម្រាប់ការដកដង្ហើម។ ការដកដង្ហើមតាមរយះសាច់ដុំសួតបែបនេះ អាចបង្កើតសម្ពាធអវិជ្ជមាននៅក្នុងប្រហោង pleural របស់អ្នក ដែលចន្លោះស្រទាប់សួត។ នៅពេលដែលសម្ពាធនេះអវិជ្ជមាន វានឹងបង្កើនលំហូរឈាមទៅកាន់បេះដូង កាត់បន្ថយអត្រាបេះដូងរបស់អ្នក និងជួយឱ្យអ្នកមានអារម្មណ៍ស្ងប់ និងសម្រាកបានស្រួល។
+ របៀបធ្វើ៖
អ្នក ដើម្បីចាប់ផ្តើមដកដង្ហើមក្បាច់នេះ សូមផ្តោតលើការដកដង្ហើមចូលទៅក្នុងពោះរបស់អ្នក ជាជាងទ្រូងរបស់អ្នក។ អ្នកអាចដាក់ដៃនៅលើពោះរបស់អ្នក ដូច្នេះអ្នកអាចមានអារម្មណ៍ថាវាពើតឡើងចុះ។ អ្នកអាចធ្វើបែបនេះដោយការគេង ឬ អង្គុយបាន។ ដកដង្ហើមវែងៗ ហើយសង្កត់វាពីរបីវិនាទីមុនពេលដកដង្ហើមចេញ រួចធ្វើវាម្តងហើយម្តងទៀត។ បន្តលំនាំនេះរយៈពេល 5 ទៅ 10 នាទី ឬយូរប៉ុណ្ណាក៏វានាំឱ្យអ្នកមានអារម្មណ៍ងងុយគេង។
២.ស្កេនរាងកាយ
ការស្កេនរាងកាយគឺជាប្រភេទនៃការធ្វើសមាធិក្នុងការចងចាំ ដែលត្រូវបានបង្ហាញថាធ្វើអោយបញ្ហាដំណេកប្រសើរឡើង។ បច្ចេកទេសនេះ រួមបញ្ចូលគ្នានូវការផ្តោតទៅលើដង្ហើមរបស់អ្នកជាមួយនឹងការបន្ធូរសាច់ដុំរបស់អ្នក។
+ របៀបធ្វើ៖
ស្កេនតាមរាងកាយរបស់អ្នក ដោយកត់សម្គាល់ពីអារម្មណ៍របស់វា។ ការធ្វើសមាធិស្កេនរាងកាយចាប់ផ្តើមពីក្បាល ហើយធ្វើការចុះទៅចុងជើង ឬ ផ្ទុយត្រឡប់មកវិញ។
នៅពេលអ្នកសម្គាល់ឃើញតំបន់នៃភាពតានតឹង សូមដឹកនាំដង្ហើមរបស់អ្នកទៅកាន់កន្លែងនោះ។ មើលថាតើអ្នកអាចមានអារម្មណ៍ថាភាពតានតឹងបានចាកចេញ ហើយផ្នែករាងកាយបានធូរស្រាលដែរឬទេ?
អ្នកស្រាវជ្រាវបានរកឃើញថា ការស្កេនរាងកាយនេះអាចកាត់បន្ថយភាពតានតឹង លើកកម្ពស់ការសម្រាក និងកែលម្អគុណភាពនៃការគេង។
៣.ការដកដង្ហើម Pranayama ក្បួន 4-7-8
អ្នកជំនាញផ្នែកវេជ្ជសាស្រ្ដមួយចំនួនបានបញ្ជាក់ពីអត្ថប្រយោជន៍នៃការដកដង្ហើម 4-7-8 ដែលជាបច្ចេកទេស ពាក់ព័ន្ធនឹងការដកដង្ហើមចូលរយៈពេល 4 វិនាទី សង្កត់ដង្ហើមរបស់អ្នករយៈពេល 7 វិនាទី និងដកដង្ហើមចេញរយៈពេល 8 វិនាទី។
+ របៀបធ្វើ៖
ដកដង្ហើមចូលតាមច្រមុះរបស់អ្នករយៈពេល 4 វិនាទី ខណៈពេលរាប់ដល់បួន រក្សាអណ្តាតរបស់អ្នកទល់នឹងផ្នែកខាងលើនៃមាត់របស់អ្នក។ បន្ទាប់មក សង្កត់ដង្ហើមនោះរួចរាប់អោយគ្រប់ចំនួន7 វិនាទី និងដកដង្ហើមចេញរយៈពេល 8 វិនាទី។
ការដកដង្ហើម 4-7-8 នេះគឺជាប្រភេទនៃ Pranayama ដែលបង្រៀននៅក្នុងមេរៀនយូហ្គា និងប្រពៃណីភាគខាងកើតផ្សេងទៀត។ ការដកដង្ហើម Pranayama អាចជួយបន្ថយសម្ពាធឈាម និងចង្វាក់បេះដូងរបស់អ្នក ដែលសម្រួលដល់ការសម្រាក និងអាចជួយឱ្យអ្នកគេងលក់ស្រួល៕
ប្រភព ៖ បរទេស
ព័ត៌មានថ្មីៗ
