បើកបង្ហាញទំនាក់ទំនងជាមួយសង្សារចាស់ ដោយគ្រាន់តែរើសកាតមួយសន្លឹក
នរណាក៏ធ្លាប់មានសង្សារចាស់ដែរ ព្រោះតែកាលៈទេសៈមិនអំណោយផល ព្រោះតែមិនចុះសម្រុងគ្នា ឬ មានបញ្ហាដែលតម្រូវអោយមានការបែកគ្នារាប់មិនអស់! តែតើអ្នកធ្លាប់សង្កេតដែរឬទេ ថាកាលពីមានទំនាក់ទំនងជាមួយសង្សារចាស់ តើអ្នកបានរៀនមេរៀនអ្វីខ្លះពីពួកគេ? តោះ ចូររើសកាតមួយរួចមកមើលចម្លើយទាំងអស់គ្នា!
១.កាត A
មេរៀនដែលអ្នករៀនពីទំនាក់ទំនងអតីតកាលគឺការគ្រប់គ្រងអារម្មណ៍របស់អ្នក។ ដោយសារតែអ្នកជាមនុស្សម្នាក់ដែលអារម្មណ៍ប្រែប្រួល ដូច្នេះហើយអ្នកតែងតែបញ្ចេញអារម្មណ៍មិនសប្បាយចិត្ត ទៅកាន់បុគ្គលនោះ ធ្វើឱ្យគេធុញទ្រាន់នឹងអ្នកបន្តិចម្តងៗ។ បន្ទាប់ពីឆ្លងកាត់ទំនាក់ទំនងជាច្រើន អ្នកគួរតែដឹងថាអ្នកត្រូវគ្រប់គ្រងអារម្មណ៍អវិជ្ជមានរបស់អ្នក។ ពេលខ្លះគ្រាន់តែដោយសារតែភាពរសើប ទើបអ្នកក្លាយជាមនុស្សដែលភ័យខ្លាចថាអ្នកដ៏ទៃលែងស្រលាញ់អ្នក ពេលនោះអ្នកនឹងសុំគូស្នេហ៍របស់អ្នកបំពេញរាល់តម្រូវការផ្លូវចិត្តរបស់អ្នក បើមិនដូច្នេះទេ អ្នកនឹងបែកចិត្ត ឬ ឈ្លោះជាមួយគេ។
២.កាត B
អ្នកនិយាយចាក់ដោតណាស់ ប៉ុន្តែពេលខ្លះវាដោយសារតែពាក្យសម្ដីត្រង់បែបនេះ នឹងធ្វើឱ្យគូស្នេហ៍របស់អ្នកខូចចិត្ត។ អ្វីដែលអ្នកត្រូវរៀនក្នុងទំនាក់ទំនងគឺការប្រើភាសារបស់អ្នកឱ្យបានសមរម្យ និងប្រាស្រ័យទាក់ទងគ្នាកាន់តែទន់ភ្លន់ជាមួយអ្នកដទៃ។ អ្នកមិនគួរបញ្ជា ឬ បន្ទោសដៃគូរបស់អ្នកនៅពេលដែលពួកគេមិនអាចធ្វើអ្វីមួយសម្រាប់អ្នក ឬ ពួកគេមិនអាចប្តូរតាមបំណងប្រាថ្នារបស់អ្នកនោះទេ។ ផ្ទុយទៅវិញ អ្នកត្រូវតែផ្លាស់ប្តូរពីការគិត និងអាកប្បកិរិយាផ្ទាល់ខ្លួនរបស់អ្នក ដើម្បីអាចរក្សាទំនាក់ទំនងយូរអង្វែង។
៣.កាត C
អ្នកយល់យ៉ាងច្បាស់ពីអ្វីដែលគូស្នេហ៍របស់អ្នកចូលចិត្ត និងត្រូវការ ដូច្នេះរាល់ពេលដែលអ្នកទៅវិស្សមកាល អ្នកទិញរបស់ដែលពួកគេចូលចិត្ត។ ទោះជាយ៉ាងណាក៏ដោយ ប្រសិនបើគូស្នេហ៍របស់អ្នកផ្តល់ឱ្យអ្នកនូវអ្វីដែលផ្ទុយនឹងការចូលចិត្តរបស់អ្នក អ្នកនឹងមានការខកចិត្ត ហើយសង្ស័យថាពួកគេលែងស្រលាញ់អ្នកទៀតហើយ។ រឿងនេះក៏កើតឡើងជារៀងរាល់ថ្ងៃផងដែរ ប្រសិនបើអ្នកម្ខាងទៀតមិនយល់ពីគំនិតរបស់អ្នក អ្នកតែងតែបន្ទោសពួកគេបន្តិចម្តងៗ។ អ្នកគួរតែប្រឈមមុខនឹងសេចក្តីប្រាថ្នា និងតម្រូវការ ហើយនិយាយដោយត្រង់ៗជាមួយគូស្នេហ៍របស់អ្នក ដើម្បីឱ្យគាត់យល់កាន់តែច្បាស់។
៤.កាត D
អ្នកជាមនុស្សស្ងាត់ស្ងៀម ហើយខ្វះការចាប់អារម្មណ៍លើគូស្នេហ៍របស់អ្នក ដូច្នេះគេកម្រមានអារម្មណ៍ស្រលាញ់ពេលនៅជាមួយអ្នកណាស់។ មេរៀនរបស់អ្នកពីទំនាក់ទំនងពីមុន គឺការខ្វល់ខ្វាយពីតម្រូវការផ្លូវចិត្តរបស់អ្នកដ៏ទៃ ក៏ដូចជាបង្ហាញក្តីស្រលាញ់របស់អ្នកឱ្យកាន់តែច្រើន ប្រសិនបើអ្នកមិនបង្ហាញថាពួកគេសំខាន់ប៉ុណ្ណាទេ ស្នេហានឹងកាន់តែអាក្រក់ទៅៗ ហើយទីបំផុតអ្នកទាំងពីរនឹងចែកផ្លូវគ្នា៕
ប្រភព ៖ បរទេស
ព័ត៌មានថ្មីៗ
