មនុស្សស្រីខ្ជិល ៣ យ៉ាង ជួយឱ្យប្ដីរកស៊ីមានបាន គ្រួសារសុខសាន្ត រុងរឿង ត្រជាក់ត្រជុំ
ពេលខ្លះមនុស្សស្រីក៏ត្រូវរៀន "ខ្ជិល" បន្តិច ដើម្បីកុំឱ្យហត់នឿយចិត្តខ្លាំងពេក ក៏អាចជួយឱ្យ គ្រួសារកក់ក្តៅ និងមានសុភមង្គលផងដែរ។ យ៉ាងណាមិញ មនុស្សស្រី ត្រូវចេះខ្ជិលក្នុងរឿងទាំង ៣ ចំណុចខាងក្រោមនេះ។
១. ខ្ជិលឈ្លោះជាមួយប្តី
ក្នុងជីវិតអាពាហ៍ពិពាហ៍ វាពិបាកណាស់ក្នុងការចៀសវាងជម្លោះរវាងប្ដីប្រពន្ធ។ ជារឿយៗនៅពេលឈ្លោះគ្នា បុរសជ្រើសរើសនៅស្ងៀម ចំណែកស្ត្រីនឹងលើកយករឿងចាស់ទាំងអស់មកនិយាយ ហើយបន្ទាប់មកក៏ស្តីបន្ទោសប្តីដដែលៗ។ សូម្បីនៅចំពោះមុខឪពុកម្តាយទាំងសងខាង ក៏និយាយរឿងនេះធ្វើឱ្យប្តីបាក់មុខផងដែរ។
ពេលគាត់មានអារម្មណ៍ថាប្រពន្ធមិនគោរពគាត់ យូរៗទៅគាត់ក៏អស់អារម្មណ៍ពីប្រពន្ធបន្តិចៗ។ ដូច្នេះពេលប្តីប្រពន្ធឈ្លោះគ្នា ភាគីម្ខាងទៀតត្រូវចេះគ្រប់គ្រងចិត្ត គ្រប់គ្រងអារម្មណ៍ បើខឹងខ្លាំងណាស់ ទៅងូតទឹកឱ្យត្រជាក់ខ្លួនសិនទៅ កុំអាលនិយាយអ្វី។ អ្នកនិយាយត្រូវការអ្នកស្តាប់ ប៉ុន្តែពេលដែលអ្នកទាំងពីរកំពុងតែក្តៅ វាដូចជា "ភ្នំភ្លើងកំពុងផ្ទុះ"។
ពេលត្រូវប្តីរិះគន់ ស្ត្រីគ្រាន់តែជ្រើសរើសនៅស្ងៀម វិធីនេះនឹងមានប្រសិទ្ធភាពជាង។ ត្រង់ចំណុចនេះ បុរសនឹងទៅទឹកសុំទោសអ្នកជាមុន។ មនុស្សស្រីកាន់តែនិយាយច្រើន បុរសកាន់តែធុញទ្រាន់ សូម្បីតែប្តីជាច្រើនក៏លែងចាប់អារម្មណ៍នឹងប្រពន្ធដែរ ហើយចាប់តាំងពីពេលនោះមក ការផិតក្បត់តែងតែកើតឡើង។
២. ខ្ជិលទើស ខ្ជិលមើលបំណាំប្ដី
ការទើស គឺជាទម្លាប់អាក្រក់ដែលស្ត្រីស្ទើរតែគ្រប់រូបមាន។ មិនថាប្តីធ្វើអ្វីក៏ប្រពន្ធមិនពេញចិត្តដែរ ចូលចិត្តជេរប្តីមិនឈប់។
ជាការពិតណាស់ មនុស្សស្រីនៅតែមានទម្លាប់ និងចូលចិត្តនិយាយច្រើន។ ប៉ុន្តែនេះមិនមែនមានន័យថា អ្នកជេរប្តីពេញមួយថ្ងៃទេ យ៉ាងហោចណាស់គាត់នឹងស្តាប់ ប៉ុន្តែប្រសិនបើប្រពន្ធរបស់អ្នកត្អូញត្អែរជារៀងរាល់ថ្ងៃនោះ គ្មាននរណាម្នាក់អាចទ្រាំបានទេ។ យូរៗទៅគេធុញនឹងប្រពន្ធ ហើយមិនចង់ទៅផ្ទះទៀតផង។
មូលហេតុទៅធ្វើការហត់នឿយហើយ មកដល់ផ្ទះត្រូវស្តាប់ប្រពន្ធទេសនាដាក់ត្រចៀកពេញមួយថ្ងៃទៀត តើបុរសទ្រាំមិនបាន? ក្នុងនាមជាស្ត្រីត្រូវដឹងថា ពេលណាគួរនិយាយ ពេលណាគួរនៅស្ងៀម ដើម្បីឱ្យស្វាមីបានសេចក្ដីសុខ និងគ្រួសារមានភាពសុខដុមរម្យនា។ មានតែពេលនោះទេ ទើបអាពាហ៍ពិពាហ៍អាចមានសន្តិភាព។
៣. ខ្ជិលសួរនាំ ដេញដោលជីកឫសជីកគល់
អ្វីដែលធ្វើឱ្យបុរសស្អប់បំផុតនោះគឺ ប្រពន្ធរបស់គាត់តែងសួរដេញដោល ជ្រៀតជ្រែកជ្រៅពេកក្នុងជីវិតឯកជន និងរឿងលុយកាក់។ ដូច្នេះហើយត្រូវចាំថា កុំសួរនាំដេញដោលច្រើនដូចជា សួរថា ប្តីរបស់អ្នកថ្ងៃនេះទៅជាមួយនរណា ចាយលុយអីខ្លះជាដើម។
សួរកាន់តែច្រើន អ្នកកាន់តែនឿយហត់។ បុរសមិនចូលចិត្តប្រពន្ធរបស់ខ្លួនដែលត្រូវគ្រប់គ្រងតឹងពេកទេ។ ដូច្នេះហើយទើបប្រពន្ធខ្ជិលខ្វល់ពីជំនួញប្តីបន្តិច។ ប្ដីរបស់អ្នក នឹងប្រាប់អ្នកគ្រប់រឿងដោយខ្លួនគេ៕
ប្រភព ៖ បរទេស / Knongsrok
ព័ត៌មានថ្មីៗ
