ប្រុសស្រីត្រូវចាំ! មនុស្សស្រី មិនរៀបការ ជាមួយ បុរស ៣ ប្រភេទ មនុស្សប្រុស មិនរៀបការ ជាមួយមនុស្សស្រី ២ ប្រភេទ
អាពាហ៍ពិពាហ៍ គឺជារឿងសំខាន់បំផុតក្នុងជីវិតរបស់មនុស្ស។ បុរាណតែងរំឭកថា «ស្ត្រីមិនគួររៀបការជាមួយនឹងបុរស ៣ ប្រភេទ បុរសមិនគួររៀបការជាមួយនឹងស្ត្រី ២ប្រភេទ» តើប្រយោគនេះមានន័យដូចម្តេច?
មានពាក្យពេញនិយមនាពេលបច្ចុប្បន្ននេះថា ការរៀបការជាការចាប់កំណើតលើកទីពីររបស់មនុស្ស បើនិយាយតាមហេតុជាក់ស្ដែង ជម្រើសនៃដៃគូជីវិត គឺពិតជាទាក់ទងយ៉ាងជិតស្និទ្ធទៅនឹងសន្ទស្សន៍សុភមង្គលនៃជីវិតពិតមែន។
ថ្វីដ្បិតតែពេលនេះអាចលែងលះគ្នាបានមែន តើជីវិតនៅសល់រយៈពេលប៉ុន្មាន ហើយតើអ្នកអាចស៊ូទ្រាំនឹងការរៀបការបានប៉ុន្មានដង? សម្រាប់មនុស្សភាគច្រើន ចំណងមួយការបែកគ្នា គឺគ្រប់គ្រាន់ដើម្បីកាត់ភាពយុវវ័យរបស់ខ្លួន។
តាំងពីយូរយារណាស់មកហើយ នៅតែមានមតិផ្សេងគ្នាជាច្រើនអំពីលក្ខណៈវិនិច្ឆ័យជ្រើសរើសប្រពន្ធ និងជ្រើសរើសស្វាមី។ តាមពិតទៅ នេះជាប្រធានបទដ៏ស្មុគស្មាញមួយ… មានពាក្យចាស់មួយពោលថា “ស្ត្រីមិនគួររៀបការជាមួយនឹងបុរស ៣ ប្រភេទ បុរសមិនគួររៀបការជាមួយនឹងស្ត្រី ២ប្រភេទ”។ អត្ថន័យនៃប្រយោគនេះ មិនពិបាកយល់ពេកទេ។ មនុស្សប្រុសបីប្រភេទដែលអ្នកមិនគួររៀបការ និងមនុស្សស្រីពីរប្រភេទដែលអ្នកមិនគួររៀបការ។ ខាងក្រោមនេះ គឺជាការបកស្រាយយ៉ាងលម្អិត។
១. បុរស ៣ ប្រភេទ ដែលមនុស្សស្រីមិនគួររៀបការជាមួយ
- បុរសគ្មានការងារ មិនចេះរកលុយ មិនគួររៀបការជាមួយឡើយ
ទោះបីជាសង្គមសម័យទំនើបនាពេលបច្ចុប្បន្ននេះ បុរស និងស្ត្រីមានសិទ្ធិស្មើគ្នាក្នុងការអប់រំ និងកន្លែងធ្វើការក្ដី។ ប៉ុន្តែជារឿយៗ ស្ត្រីត្រូវលះបង់ការងារមួយរយៈដើម្បីមានផ្ទៃពោះ សម្រាលកូន ហើយវានឹងត្រូវការពេលវេលាដើម្បីឱ្យពួកគេជាសះស្បើយឡើងវិញ ក្រោយពេលសម្រាលកូន។ ក្នុងអំឡុងពេលនេះ ការចំណាយលើគ្រួសារស្ទើរតែទាំងអស់ធ្លាក់លើស្មារបស់បុរស។
ដូច្នេះប្រសិនបើបុរសមិនមានការងារ និងប្រាក់ចំណូលស្ថិរភាព ប៉ុន្តែទំនេរពេញមួយថ្ងៃ មិនធ្វើការរកស៊ីអ្វីសោះ នោះនឹងជាបញ្ហាដ៏គ្រោះថ្នាក់សម្រាប់គ្រួសារ។ ជាងនេះទៅទៀត មនុស្សភាគច្រើនដែលមិនធ្វើការ តែងតែមានទម្លាប់អាក្រក់ដូចជា ផឹកស្រាច្រើន លេងល្បែងស៊ីសង ជាដើម សរុបមក ពួកគេមិនចង់ធ្វើការរកស៊ីឡើយ។
សម្រាប់គ្រួសារ ផលវិបាកនៃអំពើអាក្រក់ក្នុងសង្គមដូចជា ពេស្យាចារ ល្បែងស៊ីសង គ្រឿងញៀន ការញៀនហ្គេមជារឿងគួរឱ្យសង្វេគណាស់។ ជារៀងរាល់ឆ្នាំ មានគ្រួសាររាប់មិនអស់ ត្រូវបែកបាក់ដោយសារហេតុផលទាំងនេះ។ បើស្ត្រីរៀបការជាមួយបុរសណាដែលធ្វើការងារមិនសមរម្យ មិនបំពេញតួនាទីក្នុងគ្រួសារ នោះស្ត្រីនឹងរងទុក្ខ។ ដូច្នេះប្រសិនបើអ្នកមានទំនាក់ទំនងជាមួយបុរសដូចនោះ វិធីល្អបំផុត គឺកាត់រឿងចោល ហើយបែកគ្នាឱ្យទាន់ពេលវេលា។
- បុរសដែលគ្មានទំនួលខុសត្រូវ
ក្នុងគ្រួសារ បុរសជាសសរស្តម្ភ បុរាណក៏និយាយថា «បុរសសង់ផ្ទះ ស្ត្រីធ្វើសម្បុក» ។ បុរសដែលមានទំនួលខុសត្រូវ នឹងមិនយកការងារលំបាករបស់ភរិយាខ្លួន ទៅជាប្រយោជន៍ឡើយ។ ពួកគេនឹងចែករំលែកការងារយ៉ាងសកម្មជាមួយប្រពន្ធ និងផ្តល់ការគាំទ្រយ៉ាងពេញទំហឹង។ ប្រសិនបើបុរសមិនមានការងារមានស្ថិរភាពនោះបន្ទុកនឹងធ្លាក់លើស្មារបស់ស្ត្រី ពួកគេត្រូវបំពេញការងារផ្ទះភាគច្រើន បន្ថែមពីលើការងារចម្បងរបស់ពួកគេ ប្រសិនបើអាច។ នេះនឹងធ្វើឱ្យអាពាហ៍ពិពាហ៍ពិបាកនឹងមានសុភមង្គលក្នុងរយៈពេលវែង។
ជាងនេះទៅទៀត បន្ទាប់ពីស្ត្រីរៀបការរួច វាស្មើនឹងការចាកចេញពីគ្រួសាររបស់នាង ដើម្បីទៅបង្កើតគ្រួសារថ្មី។ នៅក្នុងដំណើរការនេះ ចៀសមិនរួចនឹងមានបញ្ហា ការលំបាក។ ប្រសិនបើស្វាមីមិនទទួលខុសត្រូវ និងជួយជ្រោមជ្រែង នោះជីវិតរៀបការធ្វើឱ្យស្ត្រីមានអារម្មណ៍មិនសប្បាយចិត្ត និងងាយបែកបាក់បំផុត។
- បុរសថោកទាប
មនុស្សសម័យថ្មី មានភាពផ្អែមល្ហែម និងស្រលាញ់គ្នាខ្លាំងណាស់ ពេលមានស្នេហា។ ប៉ុន្តែអ្វីគ្រប់យ៉ាង បានផ្លាស់ប្តូរយ៉ាងឆាប់រហ័សបន្ទាប់ពីរៀបការរួច។ ការផ្លាស់ប្តូរនេះកើតចេញពីភាពខុសគ្នារវាងចំណុចទាបបំផុត និងចំណុចខ្ពស់បំផុតនៃភាពក្លាហានរបស់បុរស។ អ្នកដែលល្អចំពោះអ្នកអាចល្អខ្លាំង ប៉ុន្តែអ្នកអាក្រក់ក៏អាចអាក្រក់ខ្លាំងដែរ។
ការរៀបការជាមួយបុរសដែលមានសីលធម៌អាក្រក់ គឺជាការចាញ់ល្បែង។ ព្រោះមនុស្សដែលមានសីលធម៌មិនល្អ គ្មានគោលការណ៍ និងច្បាប់វិន័យ។ ហើយសម្រាប់ពួកគេ គ្មានអ្វីអាចជាករណីលើកលែងនោះទេ សូម្បីតែប្រពន្ធរបស់ពួកគេក៏ដោយ។
២. មនុស្សស្រី ២ ប្រភេទ ដែលបុរសមិនគួររៀបការជាមួយ
- មនុស្សស្រីមិនល្អមិនគួររៀបការ
មានគូស្នេហ៍ដែលមើលទៅចុះសម្រុងនឹងគ្នាខ្លាំង ប៉ុន្តែគុណវិបត្តិនឹងបង្ហាញក្នុងការរួមរស់ប្រចាំថ្ងៃ។ បើប្រៀបធៀបទៅនឹងបុរស ស្ត្រីច្រើនតែស្មុគស្មាញ ហើយស្ត្រីភាគច្រើនចូលចិត្តគ្រប់គ្រងអ្វីគ្រប់យ៉ាងដែលប្តីធ្វើ។
បើស្ត្រីមានចិត្តទូលាយ ចេះអត់ឱនចំពោះអ្នកដទៃ ជារឿយៗនឹងសើចចំអកចំពោះកំហុសអចេតនាមួយចំនួនរបស់ស្វាមីនាង ហើយនឹងចង្អុលបង្ហាញពីកំហុសក្នុងលក្ខណៈធូរស្រាល និងរីករាយ។ ប៉ុន្តែសម្រាប់ស្ត្រីដែលរអ៊ូរទាំ និងអាត្មានិយម វានឹងពិបាកទ្រាំនឹងប្តីខ្លាំងណាស់។ ពួកគេជ្រើសរើសដោះស្រាយបញ្ហាយ៉ាងព្រហើន ហើយធ្វើឱ្យវារឹតតែស្មុគស្មាញ។
លើសពីនេះទៅទៀត ស្ត្រីដែលមិនចេះអត់ឱន ច្រើនតែមានការយល់ចិត្តខ្សោយខ្លាំង។ អាចធ្វើឱ្យបុរសកាន់តែអស់កម្លាំង។ ពេលប្ដីពិបាកចិត្ត នាងនៅតែមិនចេះលួងចិត្ត ក៏បន្តប្រោះអំបិលលើមុខរបួស។ ហត់ណាស់រស់នៅជាមួយមនុស្សស្រីបែបនេះ។
- ស្ត្រីមិនចេះដឹងគុណ
ស្ត្រីណាដែលមិនគោរពឪពុកម្តាយ មិនចេះតបស្នង នឹងមិនអាចធ្វើជាភរិយាល្អបានឡើយ ។ ក៏មិនអាចគ្រប់គ្រងគ្រួសារបានល្អដែរ។ រៀបការជាមួយមនុស្សស្រីបែបនេះគ្មានសុភមង្គល គ្រួសារគ្មានភាពកក់ក្ដៅនោះឡើយ៕
ប្រភព ៖ Phunutoday / Knongsrok
ព័ត៌មានថ្មីៗ
