បុរសដែលមិនល្អ មិនស្មោះចំពោះប្រពន្ធ នឹងរងទុក្ខទារុណ វិនាស ៤ យ៉ាង
សម្រាប់បុរសដែលមិនល្អចំពោះភរិយា មិនយល់ពីអត្ថន័យពិតនៃសុភមង្គលគ្រួសារ អាចនឹងត្រូវប្រឈមមុខនឹងបញ្ហាវិនាសទាំង ៤ នៅថ្ងៃអនាគត។
១. គ្រួសារអន្តរាយ ខ្ចាត់ខ្ចាយ បែកបាក់
គ្រួសារ និងអ្វីៗមានភាពចម្រុងចម្រើន ស្ត្រីខិតខំថែរក្សាគ្រួសារ។ បុរសគួរតែចាត់ទុកស្ត្រីជាខ្លួនឯង ត្រូវតែគោរពនាង ស្រឡាញ់ និងយល់ពីនាងឱ្យបានច្រើន។
បើក្នុងគ្រួសារប្តីល្អហើយចេះថ្នាក់ថ្នមប្រពន្ធ នោះស្ត្រីនឹងកាន់តែលះបង់ចំពោះគ្រួសារ ។ បើអ្នកប្រព្រឹត្តមិនបានល្អ នាងនឹងកើតទុក្ខ គ្រួសារក៏ត្រូវអន្តរាយ បើគ្រួសារមិនចុះសម្រុងនឹងមានជម្លោះជានិច្ច។
២. រស់នៅឯកា គ្មានប្រពន្ធកូនមើលថែដល់ចាស់
ស្ត្រីសព្វថ្ងៃនេះមានសេដ្ឋកិច្ចឯករាជ្យ មានសមិទ្ធផលជាច្រើនក្នុងជីវិត និងអាជីព។ នោះហើយជាមូលហេតុដែលនៅពេលដែលត្រូវបានប្រព្រឹត្តអាក្រក់ ស្ត្រីសម័យទំនើបជាច្រើនលែងស៊ូទ្រាំនឹងទុក្ខសោក ដើម្បីចិញ្ចឹមគ្រួសារដោយស្ងាត់ស្ងៀម។ ជាពិសេសនៅពេលដែលពួកគេត្រូវបានប្តីក្បត់ ពួកគេភាគច្រើនប្រហែលជាជ្រើសរើសលែងលះដើម្បីបញ្ចប់អាពាហ៍ពិពាហ៍របស់ពួកគេ។
នៅពេលនេះ បុរសនឹងរស់នៅឯកោតែម្នាក់ឯង។ ប្រសិនបើបុរសរៀបការជាមួយប្រពន្ធថ្មី ប៉ុន្តែនៅតែមិនចេះទទួលស្គាល់បញ្ហា មិនផ្លាស់ប្តូរខ្លួនឯង ដើម្បីមើលថែប្រពន្ធ និងគ្រួសារឱ្យបានល្អ លទ្ធផលដដែលអាចនឹងកើតឡើងម្តងហើយម្តងទៀត។ ហើយអ្នកនឹងបញ្ចប់តែម្នាក់ឯងពេញមួយជីវិតរបស់អ្នក។
៣. ត្រូវកូនៗស្អប់ គ្មានអ្នកហែសពថ្ងៃក្រោយ
ប្រសិនបើទំនាក់ទំនងប្ដីប្រពន្ធមិនល្អ ឈ្លោះគ្នាជារៀងរាល់ថ្ងៃ កូនដែលធំឡើងក្នុងបរិយាកាសបែបនេះ នឹងទទួលផលអវិជ្ជមានផ្លូវចិត្តនៅពេលក្រោយ។ ក៏ដូចជាប៉ះពាល់ដល់គ្រួសាររបស់ពួកគេផងដែរ។
បុរសដែលធ្វើបាបប្រពន្ធខ្លួន ក៏គួរចាត់ទុកថាជាមនុស្សមិនល្អចំពោះម្ដាយកូនដែរ។ ពេលកូនឃើញទង្វើក្បត់របស់ឪពុក គាត់មិនភ្លេចថាឪពុកធ្វើបាបម្ដាយយ៉ាងណានោះឡើយ។ ទោះបីជាអ្នកប្រព្រឹត្តចំពោះកូនរបស់អ្នកបានល្អក៏ដោយ ក៏ពួកគេនឹងមិនលុបបំបាត់អាកប្បកិរិយាដែលពួកគេបានឃើញនោះដែរ ហើយពួកគេអាចនឹងបន្ទោស ហើយក៏ស្អប់ឪពុកអស់មួយជីវិត។
៤. កេរ្តិ៍ឈ្មោះបាត់បង់ គ្មានអ្នកគោរព ឱ្យតម្លៃ
គ្រួសារដែលមានជម្លោះ តែងតែក្លាយជាពាក្យចចាមរាមសម្រាប់អ្នកជិតខាង។ ទោះបីជាប្រពន្ធរបស់អ្នកមិនត្អូញត្អែរក៏ដោយ ក៏អាកប្បកិរិយារបស់អ្នក នឹងត្រូវគេមើលឃើញ និងរិះគន់ពីអ្នកដទៃ។
បុរសដែលធ្វើបាបប្រពន្ធ បើមានអ្នកណាដឹង អ្នកនោះនឹងនិយាយដើមពីក្រោយខ្នង។ មនុស្សផ្សេងទៀតក៏នឹងមានគំនិតខុសពីអ្នកដែរ ដោយធ្វើឱ្យអ្នកដាច់ឆ្ងាយពីអ្នកបន្តិចម្តងៗ មិនចង់ទំនាក់ទំនងជាមួយអ្នក។
ស្នេហារវាងប្ដីប្រពន្ធ គឺជារឿងសំខាន់បំផុតនៅក្នុងទំនាក់ទំនងរបស់មនុស្សទាំងអស់។ ព្រោះថា មានតែដៃគូជីវិតរបស់អ្នកទេ ដែលនៅជាមួយពេលអ្នកចាស់។ ឪពុកម្តាយក៏ទៅមុន កូនក៏មានជីវិតក្រោយ។ នៅពេលអនាគត ដៃគូជីវិតរបស់អ្នកនឹងនៅជាមួយអ្នក ដើម្បីជួយថែរក្សាគ្នាទៅវិញទៅមក និងចំណាយពេលពេញមួយជីវិតជាមួយគ្នា។ ដូច្នេះហើយ ប្រុសៗ ត្រូវចេះថែទាំ ថ្នាក់ថ្នមប្រពន្ធឱ្យបានល្អ៕
ប្រភព ៖ Phunutoday / Knongsrok
ព័ត៌មានថ្មីៗ
