មើលឃើញបែបនេះហើយ ហ៊ានពេបជ្រាយតារាថៃកាន់ស្វាយលើឆាកទៀតទេ
តារា Rap របស់ថៃដ៏ល្បីលំដាប់អន្តរជាតិ Malli ( Dhanupha Mill Khanatheerakul ) បានទទួលទានបាយដំណេីបស្វាយទុំ ជាសាធារណៈនៅលេីឆាកមហោស្រពសិល្បៈ Coachella Valley Music and Arts Festival ក្នុងសហរដ្ឋអាមេរិក បានធ្វើឱ្យស្វាយទុំនៅក្នុងប្រទេសថៃត្រូវបានគេប្រមូលទិញអស់ រហូតមិនអាចរកផ្លែស្វាយផ្គត់ផ្គង់ទៀតផង។
បន្ទាប់ពីបានឃើញទង្វើតារាស្រីថៃវ័យក្មេងរូបនេះ បានធ្វើឱ្យបណ្តាញសង្គមថៃមួយចំនួន និងប្រជាជនខ្មែរបានពេបជ្រាយនឹងទង្វើនេះថាមិនសមគួរលើសាធារណៈ និងជាទង្វើបង្ករភាពអាម៉ាស់ផងដែរ តែយ៉ាងណាមិញទង្វើនេះបានធ្វើឱ្យកសិករថៃរីកមុខរីកមាត់មិនស្ទើរនោះឡើយ។
តែងាកមកមើលប្រទេសកម្ពុជាយើងវិញ កសិករខ្មែរកំពុងតែត្អូញត្អែររឿងដំណាំស្វាយគ្មានទីផ្សារ ដោយគណនីហ្វេសប៊ុក Sen Phonn បានរៀបរាប់ថា ៖ « មានអារម្មណ៍យ៉ាងមិចដែលខំធ្វើបានផលហើយអត់អ្នកទិញបងប្អូនចាក់ចោលប្រហែល30តោនអ្នកធ្វើចំការដូចខ្ញុំ ឃើញទន់ខ្លួនអស់ដើរអត់ចង់ទៅមុខ. ២៣ ០៤. ២២ចំការរង្វង់មូលធំបន្ទាយស្រី » ។
ដូច្នេះអ្នកដែលតែងតែអួតខ្លួនខ្មែរស្រលាញ់ខ្មែរ សូមកាត់បន្ថយការរិះគន់អ្នកដទៃ យើងគួរតែនាំគ្នាគាំទ្រទីផ្សារកម្ពុជា និងជួយដល់ផលិតផលក្នុងស្រុកឱ្យកាន់តែច្រើនប្រសើរជាងកុំឱ្យពាក្យគេថា « និយាយបានតែមាត់ » តែមិនធ្វើ៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
