របស់អពមង្គល ៥យ៉ាង ដែលមិនគួររក្សាទុកនៅក្នុងឡាន
ថ្ងៃនេះយើងនឹងនិយាយអំពី ជំនឿ លើរថយន្ត ដោយគេជឿថា រថយន្តគឺជាផ្នែកមួយដែលមនុស្សប្រើប្រាស់ច្រើនក្នុងជីវិតប្រចាំថ្ងៃ ហើយការរៀបចំរថយន្តឱ្យមានផាសុកភាព អាចនាំសំណាងដល់ម្ចាស់រថយន្តផងដែរ។ តែយ៉ាងណាមិញតាមជំនឿ ក៏មានរបស់មួយចំនួនដែលមានការហាមប្រាម ក្នុងការរក្សាទុកក្នុងរថយន្តទៀតផង ដែលគេជឿថារបស់ទាំងនោះជារបស់អពមង្គល មិនមានសំណាង ដែលមិនគួរមានវត្តមាននៅក្នុងឡាននោះទេ។
តោះទៅមើលទាំងអស់គ្នាថាតើរបស់ដែលហាមមាននៅក្នុងឡានមានអ្វីខ្លះ ៖
១. របស់ដែលបាក់បែក
គេជឿថា ការរក្សារបស់ខូច ឬបែកបាក់ អាចបង្កឱ្យមានការឃ្លាតឆ្ងាយចេញពីមនុស្សជិតស្និទ្ធ មានរឿងទុកសោក និងស្រក់ទឹកភ្នែកបាន។
២. នាឡិកាខូច
គេជឿថា ការរក្សានាឡិកាខូច ឬងាប់ទ្រនិច នៅក្នុងឡាននឹងនាំតែទុក្ខវេទនា សំណាងអាក្រក់ និងការបាត់បង់។
៣. ភួងផ្កាស្ងួត ឬក្រៀម
បើទិញកម្រង ផ្កាស្រស់ ទៅព្យួរក្នុងឡាន គឺជារឿងល្អ តែប្រសិនជាផ្កាស្ងួត ក្រៀម ឬរលួយ មិនគួររក្សាវាទុកទៀតទេ ព្រោះក្រៅពីសោភណ្ឌភាពមិនល្អហើយ គេមានជំនឿថា អាចធ្វើឱ្យការធ្វើដំណើរទៅមកមានឧបសគ្គ ពិបាក និងមិនរលូនឡើយ ។
៤. របស់អ្នកស្លាប់
ការរក្សារបស់អ្នកស្លាប់ គេជឿថាវានឹងធ្វើឱ្យមានអ្វីមួយខុសប្រក្រតី មានបញ្ហា និងស្ថិតក្នុងភាពតានតឹងទៀតផង។
៥. លុយជ្រុះក្នុងឡាន
ការរក្សាលុយក្នុងឡានជារឿងល្អ តែប្រសិនជាមានលុយជ្រុះក្នុងរថយន្តហើយ គេមានជំនឿថាមិនគួររើសមកចាយវិញទេ វាជាសញ្ញាថាលុយនឹងចាយចេញច្រើនជាងការរកបាន។
ទោះជាយ៉ាងណាក៏ដោយ ទាំងនេះគ្រាន់តែជាជំនឿផ្ទាល់ខ្លួនប៉ុណ្ណោះ បើវាជាវត្ថុពិសិដ្ឋអាចជួយយើងឱ្យមានអារម្មណ៍ស្រួលនៅពេលបើកបរ ក៏រក្សាទៅចុះសំខាន់លើអារម្មណ៍ផ្ទាល់ខ្លួន ពិសេសកុំជឿលើជំនឿខ្លាំងពេក សំខាន់ត្រូវតែចេះពិនិត្យស្ថានភាពរថយន្តមុនចេញដំណើរនោះទើបជាការល្អ៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
