ហេតុអ្វី ត្រឹមទំនុកចិត្តក្នុងរឿងស្នេហា ការជឿជាក់ ក៏អ្នកមិនអាចធ្វើឱ្យខ្ញុំបានបែបនេះ?
ទំនុកចិត្តជាគ្រឹះមួយរបស់ស្នេហា ស្រឡាញ់គ្នាត្រូវទុកចិត្តគ្នា ពាក្យនេះខ្ញុំតែងតែប្រាប់ខ្លួនឯងជានិច្ច រហូតដល់ពលមួយទំនុកចិត្តខ្ញុំត្រូវបានបំផ្លាញ ខ្ញុំដឹងថាខ្លួនឯងត្រូវគេបោកមករហូត ខ្ញុំក៏ចាប់ផ្តេីមក្លាយជាមនុស្សប៉ិនតាមដាន ពូកែសង្ស័យ ខ្ញុំលែងហ៊ានទុកចិត្តគេតទៀត ក្លាយជាមនុស្សដែលគិតច្រើន រហូតដល់ថ្នាក់ ធ្វើខ្លួនគួរឱ្យធុញទៀតផង។
ខ្ញុំខ្លាចនឹងជឿសម្តីគេ ព្រោះសូម្បីតែទង្វេីគេនៅជឿមិនបានផង ខ្ញុំក៏ធុញថប់នឹងអារម្មណ៍បែប ស្រឡាញ់គ្នាតែត្រូវតាមស៊េីបពីគ្នា ខ្លាចគេធ្វេីអីក្រោយខ្នង ខ្លាចត្រូវគេកុហកទៀត ទំនុកចិត្ត និងអារម្មណ៍ល្អៗជារបស់ដែលបាត់បង់ទៅហេីយ វាពិតជាំពិបាកនឹងយកមកវិញខ្លាំងណាស់។
កុហកហេីយ បោកប្រាស់ហេីយក៏សុំទោស ពាក្យសុំទោសមិនបានស្តារការជឿទុកចិត្ត និងអារម្មណ៍ល្អៗដែលខ្ញុំមានឱ្យអ្នកមកវិញបានគ្រប់ពេលនោះទេ។ អ្នកអាចបន្ទោសខ្ញុំថា ស្រឡាញ់គ្នាម៉េចមិនទុកចិត្តគ្នា? តាមដានដូចជនល្មេីសរហូតចឹងហត់ណាស់ អ៊ីចឹងជួយសួរខ្លួនឯងវិញផងថា កន្លងមកអ្នកបានធ្វេីអ្វីឱ្យខ្ញុំទុកចិត្តអ្វីខ្លះហើយ? មិនមែនព្រោះតែអ្នកទេមែនទេ ដែលធ្វេីឱ្យខ្ញុំលែងទុកចិត្តហេីយជឿសម្តីអ្នកបែបនេះ?
អ្នកបានកុហកខ្ញុំជាច្រេីនលេីកច្រេីនសារមកហេីយ ហើយអ្នកស្រែកសួរថាម៉េចខ្ញុំមិនទុកចិត្តអ្នក? ខ្ញុំធ្លាប់ទុកចិត្ត តែអ្នកបានបំផ្លាញទំនុកចិត្តរបស់ខ្ញុំខ្លួនឯងទេ បេីចង់បន្ទោសអ្នកត្រូវបន្ទោសខ្លួនឯង ដែលធ្វេីឱ្យខ្ញុំខ្លាចរអានឹងការទុកចិត្តអ្នកម្តងទៀត។
ចំពោះខ្ញុំ បើនិយាយពីពាក្យថាស្នេហា វាពិតជាមានតម្លៃណាស់ ហើយខ្ញុំក៏ដាច់ខាតត្រូវតែជឿជាក់ និងទុកចិត្តលើមនុស្សដែលខ្ញុំស្រឡាញ់ដែរ ប៉ុន្តែការជឿជាក់ និងទំនុកចិត្តដែលខ្ញុំបានផ្ដល់ឱ្យអ្នក ត្រូវបានរលាយគ្មានសល់ ព្រោះតែពាក្យកុហក លាក់បាំង ធ្វើអ្វីក៏អ្នកតែងតែលឹបលលួចលាក់ក្រោយខ្នងខ្ញុំដែរ បើតែបែបនេះ អ្នកចង់ឱ្យខ្ញុំធ្វើជាមនុស្សល្ងង់ដល់ពេលណាទៀត? ខ្ញុំធ្វើមិនបាន ខ្ញុំក៏ហត់នឿយជាមួយនឹងស្នេហាដែលខ្វះទំនុកចិត្ត រឹតតែដែលហត់ចិត្ត ជាមួយនឹងស្នេហាដែលមានតែការលាក់បាំងគ្នាគ្រប់ពេលវេលាបែបនេះ វាពិតជាហត់ខ្លាំងណាស់៕
អត្ថបទ ៖ អេដមីន ហត់ / Knongsrok
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
