ទេសភាពត្រកាលមែន! រមណីយដ្ឋានចំការដូងក្រអូបតាសម្បត្តិនៅមុខកំពូល
ថ្ងៃចុងសប្តាហ៍ មិនដឹងថាគួរតែកម្សាន្តលេងនៅកន្លែងណាស្អាត ស្រស់ស្រាយ ហើយនៅជិតៗភ្នំពេញនេះ លោកអ្នកអាចទៅកម្សាន្តបាននៅ « រមណីយដ្ឋានចំការដូងក្រអូបតាសម្បត្តិ » ។
ដោយ « រមណីយដ្ឋានចំការដូងក្រអូបតាសម្បត្តិ » ជារមណីយដ្ឋានដែលមានទីតាំងស្ថិតនៅក្នុងខេត្តកណ្ដាល ដែលជាកន្លែងបែបជនបទដែលអ្នកទាំងអស់គ្នាអាចទៅកំសាន្តជាមួយគ្រួសារ ឬមិត្តភក្តិបាន មានទេសភាពស្រស់ត្រកាល ផ្ការីកស្គុះស្គាយ ទីធ្លារមណីយដ្ឋានធំទូលំទូលាយ ខ្យល់ត្រជាក់របៀបធម្មជាតិ។ ដោយមានអាហារកម្មង់បែបជនបទស្រុកស្រែមានរសជាតិឆ្ងាញ់ តម្លៃសមរម្យ មិនតែប៉ុណ្ណោះថែមទាំងអាចកំសាន្តលេងជាច្រើនកន្លែងមានដូចជា ទាទឹក ទូកកាយ៉ាក់ កង់កំសាន្ត ម៉ូតូកង់បួន (Quad bike) ឡាន (ATV quad bike) ផងដែរ ។
គួរឱ្យដឹងផងដែរថា « រមណីយដ្ឋានចំការដូងក្រអូបតាសម្បត្តិ » មានទីតាំងស្ថិតនៅក្នុង ភូមិអន្លង់ស្លែង ឃុំសំបូរមាស ស្រុកមុខកំពូល ខេត្តកណ្ដាល ឬអាចមើលតាមរយៈ Google Map: https://goo.gl/maps/u4PEaZEQiMSvUmeK9 ។ ដោយបើកដំណើរការចាប់ពីម៉ោង ១០ព្រឹក ដល់ម៉ោង ៥ល្ងាច ហើយសម្រាប់ព័ត៌មានបន្ថែមអាចសាកសួរតាមរយៈលេខទូរស័ព្ទ 099 556 655 / 093 828 855 ៕
Credit ៖ រមណីយដ្ឋានចំការដូងក្រអូបតាសម្បត្តិ
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
