បើមិនចង់បាត់ប្តី ស្រ្តីកុំដាក់ខ្លួនឲ្យសោះ! នេះជាអាយុបុរសដែលស្ទើ ១០០% តែងផិតប្រពន្ធ ពិសេសហេតុផលលេខ១
យោងតាមការស្ទង់មតិមួយ បង្ហាញថា អត្រានៃភាពមិនស្មោះត្រង់បុរសគឺមានកម្រិតខ្ពស់ជាងស្ត្រី ពាពិសេសបុរសដែលមានអាយុចន្លោះពី ៣៣ និង ៤៩ ឆ្នាំ (វ័យកណ្ដាល)។ កម្រិតសុភមង្គលរបស់មនុស្សមានកម្រិតទាបជាងនៅពេលដែលពួកគេមានអាយុចន្លោះពី ៤០ ទៅ ៤២ ឆ្នាំ។ ខាងក្រោមនេះ ជាមូលហេតុសំខាន់ដែលជាដើមហេតុ ចម្បងធ្វើឲ្យបុរសមានចិត្តផិតក្បត់ប្រពន្ធ៖
១. ប្រពន្ធកាន់តែចាស់ទៅ សម្រស់ក៏ស្រពោន
សម្ពាធអាយុ និងជីវិត ការងារ លុយកាក់ កូនៗ និងទំនួលខុសត្រូវក្នុងគ្រួសារ ជួនកាលអាចបណ្តាលឱ្យស្រ្តីធ្វេសប្រហែស ភ្លេចខ្លួន ក្នុងការថែរក្សារូបរាងជាក់ជាមិខាន។ ជាពិសេស ការផ្តើមចេញពីភាពខ្ជិលច្រអូសបន្តិចម្ដងៗ ប្ដីប្រហែលជាលែងមានភាពទាក់ទាញដូចពីមុនហើយ ដោយជៀសមិនរួច នៅពេលដែលជនទីបីមានរូបរាងទាក់ទាញជាង រហូតបង្កើនជាហានិភ័យនៃការផិតក្បត់កើតឡើងខ្ពស់ទៀតផង។
២. ជីវិតរៀបការគួរឱ្យធុញពេក
បុរសភាគច្រើនចូលចិត្តមានអារម្មណ៍ថា ត្រូវការអ្នកដទៃជំនួស ប្រសិនបើដៃគូមិនបានចាប់អារម្មណ៍ពីខ្លួនទៀត។ លើសពីនេះ បុគ្គលទីបីជាមនុស្សម្នាក់ដែលអាចបំពេញអារម្មណ៍ ផ្ដល់ក្ដីសុខឲ្យបានយ៉ាងពេញលេញ ជួយបំបាត់ភាពអផ្សុក បញ្ឆេះតណ្ហា និងដាស់អារម្មណ៍ឲ្យកាន់តែរំភើបឡើង។ ហេតុដូច្នេះ កាលដែលបុរសជាប្តីតែងតែមានចិត្តផិតក្បត់ អាចបណ្ដាលមកពីភាពធុញទ្រាន់នៅក្នុងផ្ទះជាពិសេស។
៣. មានអារម្មណ៍មិនពេញចិត្តនឹងខ្លួនឯង
មិនថាវាជាតម្រូវការសម្រាប់ការធ្វើឱ្យខ្លួនឯងពិតប្រាកដ ឬបំណងប្រាថ្នាចង់មានអារម្មណ៍ទាក់ទាញក្នុងវ័យកណ្តាលនោះទេ មនុស្សជាច្រើនប្រព្រឹត្តអំពើផិតក្បត់ដើម្បីបំពេញចិត្តខ្លួនឯង។ ខណៈពេលដែលអ្វីដែលពួកគេត្រូវធ្វើគឺរកមើលអ្វីដែលកំពុងកើតឡើង និងដោះស្រាយ ពួកគេហាក់កំពុងស្វែងរកនរណាម្នាក់នៅខាងក្រៅដើម្បីធ្វើឱ្យពួកគេមានអារម្មណ៍ប្រសើរឡើងផងដែរ។
៤. ជីវិតគ្មានន័យ
នៅអាយុជាក់លាក់មួយ បុរសម្នាក់ស្រាប់តែមានអារម្មណ៍ថា ជីវិតខ្វះអត្ថន័យ ឬអាចដោយសារតែភាពឆ្អែតឆ្អន់ជាមួយនឹងការពិត ទោះបីជាការងារ ឬគោលដៅដែលបានកំណត់ក្នុងជីវិតមានស្ថេរភាព និងពេញចិត្តក៏ដោយ។ នៅពេលនេះមនុស្សប្រុសតែងតែចង់ស្វែងរករឿងថ្មី ឬមនោសញ្ចេតនា ហើយក៏ជាមូលហេតុ វ័យកណ្តាល ១០០% ចង់មានស្នេហា ដោយអំពើផិតក្បត់។
ប្រភព៖ បរទេស
ព័ត៌មានថ្មីៗ
