តើគំនិតចិត្តថ្លើមរបស់អ្នកនឹងដឹកនាំជីវិតទៅផ្លូវបែបណានៅថ្ងៃអនាគត? ខំធ្វើការងារត្រុកៗរាល់ថ្ងៃ ជីវិតនឹងបានសុខស្រួលដូចគេឬអត់?
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីធ្វើតេស្តចិត្តសាស្ត្រ មួយទៀតមកឲ្យប្រិយមិត្តពិនិត្យមើលអនាគត តាមរយៈការជ្រើសរើសស្លឹកប្រទាលមួយដែលអ្នកចូលចិត្តបំផុត ហើយអានចម្លើយខាងក្រោម ។
ស្លឹកប្រទាលទី ១
និយាយរួមវាសនារបស់អ្នក ប្រៀបដូចជាពរជ័យដ៏ធំមួយ អ្នកគឺជាមនុស្សម្នាក់ដែលខិតខំធ្វើការរកប្រាក់ណាស់ ។
ថែមទាំងដឹងពីរបៀបដំណើរការជីវិតឲ្យរីករាយ អ្នកថែមទាំងមានថាមពល និងរឹងមាំ មិនចេះរត់គេចពីបញ្ហា មិនចេះប្រើល្បិចកិច្ចកល់ ឬទាញយកផលប្រយោជន៍ពីអ្នកដទៃឡើយ ។
លើសពីនេះអ្នកក៏ឱ្យតម្លៃគុណភាពជីវិត និងខិតខំកែលម្អគុណភាពជីវិតដែរ ម្ល៉ោះហើយគ្មានថ្ងៃទេដែលអ្នកនឹងរងទុក្ខធ្ងន់ធ្ងរ ។
ស្លឹកប្រទាលទី ២
អ្នកគឺជាមនុស្សឆ្លាត ហើយតែងតែរៀបចំផែនការលុយកាក់យ៉ាងប្រុងប្រយ័ត្ន អ្នកមានទំនោរប្រើទស្សនៈការគិតខុសពីអ្នកដទៃ ។
ដូច្នេះអ្នកនឹងរកឃើញឱកាសការងារបន្ថែមទៀត ហើយតែងតែឃើញវិធីរកលុយ ស្របពេលដែលអ្នកផ្សេងមើលមិនឃើញទាល់តែសោះ ។
ប៉ុន្តែប្រសិនបើអ្នកមានគោលដៅច្បាស់លាស់ មិនបោះបង់ចោលឱកាស ជីវិតរបស់អ្នកនឹងធូរធាររហូតដល់ចាស់ ។
ស្លឹកប្រទាលទី ៣
ជោគវាសនាស្ថិតក្នុងដៃរបស់អ្នកផ្ទាល់ ត្បិតមិនបានកើតមកជាមួយជីវិតជាកូនអ្នកមានក៏ពិតមែន ប៉ុន្តែជីវិតរបស់អ្នកគឺជាចំណុចចាប់ផ្តើមដ៏ល្អ និងចំណុចបញ្ចប់ដ៏ស្រស់ស្អាត ហើយទោះបីជាពិបាកយ៉ាងណាក៏ដោយ ប៉ុន្តែបន្ទាប់ពីអ្នកបានប្រឹងប្រែងអស់ពីសមត្ថភាព ហើយអ្នកអាចធ្វើបាន អ្វីដែលអ្នកប្រាថ្នានឹងសម្រេចនៅទីបំផុត។
ទន្ទឹមនឹងនោះ អ្នកមានភាពស្មោះត្រង់និងទទួលខុសត្រូវចំពោះភារកិច្ចការងាររបស់ខ្លួន បើមើលពីសំបកក្រៅ អ្នកដូចជាចូលចិត្តនៅជាប់នឹងអ្វីដែលអ្នកដទៃគិតថាគ្មានប្រយោជន៍ ប៉ុន្តែនៅពេលអ្នកធ្វើវាជោគជ័យ អ្នកដទៃនឹងភ្លឺភ្នែកមិនខាន ។
ស្លឹកប្រទាលទី ៤
ការសិក្សា ការងារ លុយកាក់ របៀបរស់នៅគឺល្អទាំងព្រម ហើយជីវិតបន្ទាប់ពីរៀបការហើយក៏នឹងដំណើរការដោយរលូនដែរ ។
អ្នកមិនចូលចិត្តប្រើជីវិតលោភលន់ទេ អ្នកតែងតែពេញចិត្តនូវអ្វីដែលខ្លួនមាន ពេញចិត្តរស់នៅបែបសាមញ្ញៗ មានសុភមង្គលជាង ។
អ្នកគ្រាន់តែចង់នៅក្នុងគ្រួសារដ៏កក់ក្តៅមួយ ផ្តល់ក្តីស្រឡាញ់ឱ្យគ្នាទៅវិញទៅមក ហេតុនេះវាធ្វើឱ្យអ្នកក្លាយជាមនុស្សម្នាក់ ដែលតែងតែរីករាយនៅក្នុងភ្នែកអ្នកដទៃ។
ចំណែករឿងលុយកាក់វិញក៏ធូធារគ្រាន់បើដែរ ព្រោះអ្នកជាមនុស្សចូលចិត្តភាពសាមញ្ញ មិនចូលចិត្តប្រើលុយខ្ជះខ្ជាយ ម្ល៉ោះហើយអ្នកគ្មានថ្ងៃខ្វះខាតឡើយ ៕
ប្រភព៖ Knongsrok
ព័ត៌មានថ្មីៗ
