៤ ជំហ៊ាននេះស្រ្តីឆ្លាតគួរតែមាន ដើម្បីក្លាយជាភរិយាល្អ និងទទួលបានការគោរពពីស្វាមីដោយគ្មានលក្ខណ្ឌ
គ្រប់ស្រ្តីទាំងអស់ក្នុងពិភពលោកនេះ មិនថាខ្លួនកំពុងស្ថិតក្នុងស្ថានភាពបែបណា ឬករណីណាមួយនោះទេ តែងតែមានចិត្តនិងបំណងប្រាថ្នាទាមទារចង់ឲ្យស្វាមីផ្ដល់ក្ដីស្រឡាញ់ពេញលេញ ក៏ដូចជាការគោរព ដោយគ្មានលក្ខណ្ឌដែរ។ ដូច្នោះ ដើម្បីទទួលបានអ្វីដូចដែលធ្លាប់រំពឹង អ្នកគួរសង្គេតមើលគន្លឹះចម្បងដូចខាងក្រោមឲ្យបានល្អ៖
១.ធ្វើជាមិត្តល្អបំផុតរបស់ប្តី
ក្នុងនាមជាប្រពន្ធម្នាក់គួរតែជាមនុស្សដែលប្តីមានអារម្មណ៍រីករាយបំផុតក្នុងការនៅក្បែរជំនួសឱ្យមិត្តល្អបំផុតឬនរណាម្នាក់។ ជាពិសេសនោះ ត្រូវដឹងពីរបៀបបង្កើតអារម្មណ៍ដោយស្មោះ និងការទទួលយកដោយគ្មានលក្ខខណ្ឌ ចែករំលែកភាពរីករាយ និងទុក្ខសោកក្នុងជីវិតនេះជាមួយស្វាមី។
២.បំពេញតម្រូវការប្តី ប៉ុន្តែកុំភ្លេចខ្លួនឯងផ្ទាល់
ជាទូទៅ ប្រសិនបើស្វាមីរបស់អ្នកមានតម្រូវការផ្លូវភេទខ្ពស់ជាងអ្នក ចូរគិតអំពីវាឲ្យបានច្បាស់លាស់។ ហើយស្ត្រីគួរបំពេញសេចក្តីត្រូវការរបស់ស្វាមី ឬរបស់តិចតួច ដែលមិនបានធ្វើឱ្យអ្នកមានអារម្មណ៍មិនស្រួលឡើយ។ ប៉ុន្តែ អ្វីដែលសំខាន់ កុំភ្លេចអំពីខ្លួនអ្នក គោរព និងស្រឡាញ់ខ្លួនឯងជាដាច់ខាត។
៣.ត្រូវចេះរក្សាអត្តសញ្ញាណរបស់ខ្លួន
ស្ត្រីដែលបានរៀបការហើយក៏គួរធ្វើតាមចំណង់របស់ខ្លួនដែរ បើទោះបីជាប្រហែលមិនអាចបន្តទាំងស្រុងក៏ដោយ។ ចូរដឹងថាត្រូវផ្តល់ឱ្យខ្លួនឯងនូវការងារដែលសមហេតុផលបំផុត នោះអ្នកនឹងក្លាយជាដៃគូដ៏ល្អនៅពេលនិយាយអំពីចំណង់ចំណូលចិត្តក៏ដូចជាបទពិសោធន៍ឯកជនផ្សេងៗ។
៤.ត្រូវចេះប្រឈមមុខនឹងភាពតានតឹងជាមួយគ្នា
មនុស្សគ្រប់រូប ទាំងបុរស ក៏ដូចជាស្ត្រី តែងតែមានការប្រឈមមុខនឹងភាពតានតឹងប្រចាំថ្ងៃ។ ហើយប្រសិនបើអ្នកអាចដោះស្រាយភាពតានតឹងរបស់ខ្លួនឯងបាន ច្បាស់ណាស់នឹងជួយអ្នកឱ្យយកឈ្នះសម្ពាធក្នុងអាពាហ៍ពិពាហ៍ជាក់ជាមិនខាន។ ផ្ទុយទៅវិញ ប្រសិនបើប្តី ឬប្រពន្ធធ្លាក់ក្នុងស្ថានភាពស្ត្រេស អ្នកទាំងពីរត្រូវចេះប្រឈមមុខជាមួយគ្នា បើមិនដូច្នេះទេនឹងជួបបញ្ហាធំរហូតបែកបាក់គ្នាហើយ។
ប្រភព៖ បរទេស
ព័ត៌មានថ្មីៗ
