ទម្លាប់ដែលអ្នកក្ដាប់ដៃ បកស្រាយបានច្រើនពីបុគ្គលិកលក្ខណៈ និងអត្តចរិតពីធម្មជាតិរបស់អ្នក
ជាធម្មតា អ្នកមានទម្លាប់ក្ដាប់ដៃរបៀបណាដែរ? របៀបដែលអ្នកក្ដាប់ដៃ នឹងអាចបកស្រាយបានយ៉ាងច្បាស់ពីចរិត និងបុគ្គលិកពីធម្មជាតិរបស់អ្នក ថាអ្នកជាមនុស្សបែបណា?
១. ក្ដាប់ដៃរបៀបទី ១
អ្នកជាមនុស្សដែលមានភាពរសើប និងមានការស្រមើលស្រមៃខ្លាំង។ អ្នកចង់ការពារ និងព្យាបាលមនុស្សដែលនៅជុំវិញខ្លួនអ្នក ដោយចិត្តស្មោះ។ អ្នកចូលចិត្តជួយមនុស្សក្បែរខ្លួន ដោយមិនខ្វល់ពីការតបស្នងអ្វីឡើយ។ អ្នកក៏ជាមនុស្សដែលមានភាពរីករាយ ចង់ដឹងចង់ឃើញ ចូលចិត្តប្រើជីវិតបែបផ្សងព្រេង និងរីករាយជាមួយនឹងភាពឯករាជ្យ។
ពេលខ្លះអ្នកចង់ក្លាយជាផ្នែកមួយដ៏សំខាន់ចំពោះមនុស្សក្បែរខ្លួន ដើម្បីឱ្យមានការទទួលស្គាល់ និងទទួលយកគ្រប់យ៉ាងដែលជាអ្នក។ ប៉ុន្តែអ្នកប្រថុយនឹងការត្រូវបានអ្នកដទៃយកចំណេញខ្លាំងណាស់។ លើសពីនេះ វាពិបាកសម្រាប់អ្នកក្នុងការបញ្ចេញអារម្មណ៍របស់អ្នក។
២. ក្ដាប់ដៃរបៀបទី ២
អ្នកគឺជាមនុស្សដែលមានទេពកោសល្យខ្លាំងក្លា មានគំនិតច្នៃប្រឌិត និងមានការទាក់ទាញពិសេស។ អ្នកមានចិត្តទូលាយ ឆ្លាតវៃ មានទំនុកចិត្ត និងតែងតែជឿជាក់លើខ្លួនឯខ្ពស់។ អ្នកធ្វើការលំបាក ពេលខ្លះក៏មានចរិតរឹងរូស និងគោរពតាមគំនិតខ្លួនឯង។ ពេលខ្លះអ្នកមានបេះដូងផុយស្រួយដែលរារាំងអ្នកមិនឱ្យចូលទៅជិតមនុស្ស។
អ្នកខ្លាចបរាជ័យខ្លាំងណាស់ ហើយអ្នកត្រូវការការលើកទឹកចិត្តពីអ្នកដទៃ។ នៅក្នុងស្នេហា អ្នកហាក់ដូចជាគិតថាកំហុសរបស់អ្នកអាចធ្វើឱ្យអ្នកសោកសៅ។ អ្នកស្រឡាញ់ដៃគូរបស់អ្នក ប៉ុន្តែអ្នកខ្លាចថាគាត់នឹងធុញទ្រាន់នឹងអ្នក ហើយធ្វើដូចគាត់មិនចង់បានអ្នក។ នេះធ្វើឱ្យអ្នក "រឹង" ជាមួយគាត់។
៣. ក្ដាប់ដៃរបៀបទី ៣
អ្នកជាមនុស្សដែលមានភាពច្នៃប្រឌិត រហ័សរហួន ពូកែទំនាក់ទំនង មានមនោសញ្ចេតនាជ្រាលជ្រៅ និងពេញចិត្តចំពោះសិល្បៈ និងភាពស្រស់ស្អាតនៃជីវិត។ អ្នកមានចរិតឆេវឆាវ និងរសើបនៅពេលខ្លះ។ អ្នកពូកែគ្រប់គ្រងមនុស្ស និងឆ្លាតណាស់។ យ៉ាងណា អ្នកក៏ជាមនុស្សដែលស្ងប់ស្ងាត់ ចូលចិត្តប្រើជីវិតរស់នៅក្នុងពិភពរបស់ខ្លួនឯង មិនចូលចិត្តសភាពអ៊ូអរ មនុស្សច្រើននោះឡើយ។
អ្នកក៏ជាមនុស្សដែលតែងតែខិតខំ និងពឹងលើខ្លួនឯងជាមុន មុននឹងហាមាត់ពឹង ឬសុំជំនួយពីអ្នកដទៃ។ អ្នកមានភាពបត់បែនហើយជាញឹកញាប់រស់នៅក្នុងសុបិនរបស់អ្នក។ នៅក្នុងសេចក្ដីស្រឡាញ់អ្នកចង់ស្ងប់ស្ងាត់។ ភាពទន់ខ្សោយបំផុតរបស់អ្នក គឺការមានបេះដូងផុយស្រួយ តែងតែអត់ទោសឱ្យអ្នកដែលធ្វើបាបអ្នក៕
ប្រភព ៖ Phunutoday / Knongsrok
ព័ត៌មានថ្មីៗ
