ទម្រង់ជើង ៣ ប្រភេទរបស់មនុស្សប្រុស ដែលនាំលាភសំណាង និងទ្រព្យស្ដុកស្ដម្ភមួយជីវិត
មនុស្សស្រីណាដែលបានបុរសដែលមានទម្រង់ជើងទាំង ៣ ខាងក្រោមនេះ ជាដៃគូជីវិត នាងនឹងមានសំណាងយ៉ាងច្រើន លើសពីការរំពឹងទុក។
១. បាតជើងប៉ោង ជ្រៅ
ក្នុងហោរាសាស្ត្រ បានពោលថា បើមនុស្សប្រុសមានជើងប៉ោងជ្រៅ និងបាតជើងទន់ ច្រើនតែជាមនុស្សដែលមានឆន្ទះខ្លាំង តែងឈានទៅមុខជានិច្ច ដូច្នេះហើយទើបមនុស្សទាំងនេះ មានសំណាងច្រើននៅក្នុងអាជីពការងារ។ បុរសភាគច្រើនដែលមានសញ្ញាជើងនេះ ជាមនុស្សខ្លាំងទាំងចរិត ខ្លាំងទាំងគំនិត ដូច្នេះពួកគេអាចរកបានទ្រព្យសម្បត្តិច្រើនដោយខ្លួនឯង។
ជាពិសេស ជាប្រភេទជើងសំណាង បុគ្គលនេះ មានលាភ មានជ័យ ទាំងសុភមង្គល ទាំងទេពកោសល្យ ទើបងាយក្លាយជាមហាសេដ្ឋី។ បុរសវ័យកណ្តាលរូបនេះ នឹងមានទ្រព្យសម្បត្តិគួរឱ្យកត់សម្គាល់ដែលអ្នករាល់គ្នាសរសើរ។
២. បុរសដែលមានម្រាមជើងធំមូល
តាមនរវិទ្យា បើមនុស្សមិនថាប្រុស ឬស្រីមានជើងមូលមេជើងធំ នោះពិតជាសំណាងណាស់។ ជាពិសេសប្រសិនបើក្រចកជើងមានរាងការ៉េ និងរឹងមាំ ផ្លូវនៃសំណាងរបស់មនុស្សនេះ គឺធំទូលាយជាងអ្នកដទៃ។ លើសពីនេះ បុរសទាំងនេះមានសុខភាពល្អ និងរស់នៅបានយូរ និងងាយស្រួលធ្វើកិច្ចការអស្ចារ្យ។
ជាពិសេស បើជើងមនុស្សប្រុសមានលំនាំច្បាស់ដូចប៉ាក់ នោះនឹងក្លាយជាម្ចាស់ទ្រព្យដ៏មហាសាល កាន់តែចាស់ នឹងកាន់តែមានទ្រព្យមហាសាល។ មនុស្សភាគច្រើនដែលមានសរសៃរាងដូចសត្វស្លាប ត្រូវបានគេជឿទុកចិត្ត ជាមនុស្សមានឥទ្ធិពលនៅក្នុងសង្គម ដែលអាចទទួលបានសុភមង្គលពេញមួយជីវិត។
៣. បុរសដែលមានជើងធំ
តាមនរវិទ្យា បើបុរសមានជើងធំ នោះសុខភាពរបស់ពួកគេនឹងល្អគួរសម ដោយមានជំងឺតិចតួចណាស់។ ជាពិសេសបុរសប្រភេទនេះក៏មានបុគ្គលិកលក្ខណៈរឹងមាំ ហ៊ានប្រឈមមុខនឹងការលំបាក និងឧបសគ្គផងដែរ។ បុរសទាំងនេះអាចបង្កើតអាជីពដ៏រុងរឿង ទោះស្ថិតក្នុងស្ដានភាពលំបាកយ៉ាងណា ក៏អាចជម្នះបានយ៉ាងងាយស្រួល ពួកគេអាចធ្វើជាមេទ័ព ហើយក្នុងសន្តិភាព ពួកគេអាចជាអ្នកដឹកនាំដែលកាន់មនុស្សរាប់ម៉ឺននាក់។
ដូច្នេះហើយ ក្នុងជីវិតមនុស្សទាំងនេះ ពិតជាសម្បូរសប្បាយ និងពោរពេញដោយសុភមង្គល។ បុរសម្នាក់នេះក៏ជាមនុស្សស្មោះស្ម័គ្របំផុត មុន និងក្រោយជាអ្នកដែលអាចជួយសមាជិកគ្រួសារគាត់បានយ៉ាងរឹងមាំ។ ដូច្នេះ អ្នកណាបានបុរសនេះនឹងមានសុភមង្គលជាខ្លាំង៕
(*) ព័ត៌មាននេះគឺសម្រាប់គោលបំណងបង្ហាញតែប៉ុណ្ណោះ!
ប្រភព ៖ Phunutoday / Knongsrok
ព័ត៌មានថ្មីៗ
