បើមិនពូកែរកលុយច្រើនទេ ស្រ្តីគួរមាន ៣ ចំណុចនេះ ដើម្បីចងចិត្តស្វាមីដកចិត្តមិនរួច!
ជាការពិតណាស់ដែលគេតែងលើកឡើងថា ទ្រព្យសម្បត្តិ លុយកាក់ ជារបស់មានតម្លៃនិងមានសារសំខាន់ណាស់សម្រាប់គ្រួសារម្នាក់ៗលើពិភពលោកនេះ។ ប៉ុន្តែទោះបីជាយ៉ាងនេះក្ដី វាក៏គ្រាន់ជាសម្បត្តិក្រៅកាយប៉ុណ្ណោះ ដែលមិនអាចមានតម្លៃស្មើនឹងសុភមង្គល ការគោរព ផ្ដល់តម្លៃឲ្យគ្នាទៅវិញទៅមករវាងប្តីប្រពន្ធក្នុងគ្រួសារឡើយ។
យ៉ាងណាមិញ ស្រ្តីដែលជាប្រពន្ធ គួរចងចាំថា ប្រសិនបើអ្នកមិនមែនជាមនុស្សពូកែធ្វើការរកប្រាក់ចូលក្នុងគ្រួសារទេ ត្រូវតែមានចំណុចសំខាន់ ៣ ជាប់ខ្លួនជាដរាប ដើម្បីជម្រុញចិត្តស្វាមីបំបាត់ភាពនឿយហត់៖
១.ការគោរព
បុរសអាចតាមលួងលោមប្រពន្ធ ហើយអាចអនុញ្ញាតឲ្យប្រពន្ធធ្វើបាបតាមចិត្តដែលចង់បានដែរ ប៉ុន្តែមិនមែនមានន័យថា អាចអត់ធ្មត់ចំពោះទង្វើរមិនគោរពពីប្រពន្ធឡើយ។ ហេតុនេះ ទោះបីជាបុរសមិនសូវមានប្រាក់ច្រើន គ្មានការងារខ្ពង់ខ្ពស់ តួនាទីល្អ ក្នុងនាមជាប្រពន្ធដាច់ខាតត្រូវតែគោរពប្តី។
២.ការកោតសរសើរ
សកម្មភាពនេះជាអ្វីដែលប្តីគ្រប់រូបតែងតែចង់បានពីប្រពន្ធ ជាជាងពាក្យថា"ស្រលាញ់"។ ជាពិសេស នៅពេលដែលបុរសជាប្តីត្រូវបានទទួលស្គាល់និងកោតសរសើរពីសមត្ថភាពរបស់គាត់ភ្លាម ដែលជាហេតុធ្វើឲ្យគាត់កាន់តែស្រលាញ់ប្រពន្ធលើសដើម។
ម្យ៉ាងទៀត ដោយមានទំនួលខុសត្រូវជាច្រើនក្នុងគ្រួសារទាំងមូលត្រូវស្ថិតនៅលើស្មារបស់គាត់ជាអ្នកទទួលខុសត្រូវ ដូច្នេះ ក្រោយធ្វើអ្វីមួយ បុរសតែងចង់ពាក្យសរសើរ និងការលើកទឹកចិត្តពីមាត់ប្រពន្ធរបស់គាត់ ដើម្បីបំភ្លេចភាពនឿយហត់ទាំងអស់ ថែមទាំងបានជួយគាត់ឲ្យមានស្មារតីឡើងវិញ ព្រមទាំងជឿជាក់លើខ្លួនគាត់បន្ថែមទៀតផងដែរ។
៣.គោរពកន្លែងឯកជន
បុរសទាំងអស់នៅក្នុងពិភពលោកតែងមានបំណងប្រាថ្នាមួយគឺចង់មានកន្លែងផ្ទាល់ខ្លួននៅពេលចាំបាច់ ព្រោះកន្លែងមួយនេះអាចធ្វើឱ្យបុរសមានផាសុកភាពពេលលះបង់តណ្ហារបស់ខ្លួន។ ក្នុងករណីនេះប្រពន្ធប្រសិនបើគ្រប់គ្រងបុរសតឹងរឹងពេក នៅថ្ងៃណាមួយប្រាកដណាស់អាចធ្វើឱ្យអាពាហ៍ពិពាហ៍កាន់តែតានតឹង មានតែភាពមួហ្មង រហូតដល់បែកគ្នាជាក់ជាមិនខាន៕
ប្រភព៖ បរទេស
ព័ត៌មានថ្មីៗ
