នារីឈ្លាសវៃមិនរំលងអាហារ ៥ មុខនេះទេ ព្រោះអាចបន្សាបជាតិពុល ជួយឲ្យស្បែកស្អាត
ខាងក្រោមទាំង ៥ នេះគឺជាអាហារដែលមនុស្សជាច្រើនធ្លាប់បានស្គាល់ តែស្រ្តីខ្លះក៏រំលង ព្រោះមិនបានស៊ីជម្រៅមើលឃើញនូវប្រយោជន៍របស់វា៖
៥) ផ្លែល្មុត
ប្រសិនអ្នកចង់ឲ្យស្បែករបស់អ្នកស មានសំណើមបែបធម្មជាតិ និងអាចបន្សាបជាតិពុលលើស្បែកផងនោះ ល្មុតជាផ្លែឈើដែលអ្នកមិនគួរមើលរំលងឡើយ។
វាមានវីតាមីនចម្រុះ ដែលជួយសម្រួលដល់សរសៃឈាម បន្សាបជាតិពុល និងការពារថ្លើម។ លើសពីនេះ ល្មុតក៏ជួយឲ្យពោះវៀនមានសំណើម និងកាត់បន្ថយចលនាពោះវៀន បង្កើនភាពសុាំដល់រាងកាយផងដែរ។
៤) ទំពាំងបាយជូរក្រៀម
ផ្លែឈើនេះមានជីវជាតិច្រើន និងល្អចំពោះសុខភាព វាក៏ជួយបំពេញឈាម ធ្វើឲ្យស្បែកស ធ្វើឲ្យប្រសើរឡើងនូវសារធាតុពណ៌នៃស្បែក។ លើសពីនេះ វាក៏មានជាតិ Procyanidin ដែលជួយរក្សាស្បែកឲ្យទន់រលោង និងពន្យារភាពចាស់នៃស្បែកផងដែរ។
មិនត្រឹមតែប៉ុណ្ណោះ វាសម្បូរទៅដោយជាតិដែក ជាតិសរសៃ អាចបន្សាបជាតិពុល សម្អាតពោះវៀន កាត់បន្ថយសម្ពាធឈាម និងជាតិខ្លាញ់លើស ហើយក៏ថែមទាំងធ្វើឲ្យសរសៃប្រសាទដំណើរការល្អ។
៣) ត្រីសមុទ្រ
ជាអាហារដែលសម្បូរទៅដោយអាស៊ីតខ្លាញ់អូមេហ្គា ៣ ជួយឲ្យស្បែកទន់ មានសំណើម។ វាក៏មានប្រសិទ្ធភាពកាត់បន្ថយការរលាក ការកើតមុន និងធ្វើឲ្យស្បែកស្រស់ថ្លា។
លើសពីនេះវាក៏ផ្ទុកនូវវីតាមីន E ជាសារធាតុប្រឆាំងអុកស៊ីតកម្ម ជួយប្រឆាំងនឹងការខូចខាតរ៉ាឌីកាល់សេរី។ ការទទួលទានត្រីសមុទ្រច្រើន នឹងអាចជួយឲ្យស្បែកភ្លឺបែបពណ៌ស៊ីជម្ពូ ហើយសម្រួលដល់ការផលិតកោសិកាថ្មី។
២) ផ្លែបឺរ
នេះសម្បូរទៅដោយជាតិខ្លាញ់ដែលមានសុខភាពល្អ មានប្រយោជន៍សម្រាប់រាងកាយ រួមទាំងសុខភាពស្បែកផងដែរ។ វាក៏ជួយស្បែករក្សាសំណើម និងរក្សាភាពយឺត។ តាមការស្រាវជ្រាវ ការទទួលទានផ្លែបឺរ អាចជួយការពារស្បែកពីការខូចខាតដោយសារពន្លឺព្រះអាទិត្យ។
១) គ្រាប់ Walnut
វាមានអាស៊ីតខ្លាញ់សំខាន់ៗ ដែលរាងកាយមនុស្សមិនអាចផលិតដោយខ្លួនឯងបាន។ ក្រៅពីនេះ Walnut ក៏មានសារធាតុចិញ្ចឹមជាច្រើនទៀតដូចជា ស័ង្កសី សេលេញ៉ូម វីតាមីន E ដែលផ្តល់ប្រយោជន៍ដល់ស្បែក ដូច្នេះបើអ្នកចង់ឲ្យស្បែកស្អាត អ្នកមិនអាចមើលរំលងវាបានឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
