តាមហោរាសាស្ត្រពីថ្ងៃ ២១-៣១ មករា ម្ចាស់ឆ្នាំទាំង ៣ នឹងប្រទះលាភធំ សម្ងំចាយមិនអស់
តាមការទស្សន៍ទាយរបស់ហោរាសាស្រ្ត សម្រាប់ម្ចាស់ឆ្នាំទាំង ៣ នៅចន្លោះ ១០ ថ្ងៃចុងក្រោយនៃខែមករា ពោលពីថ្ងៃទី ២១ ដល់ ៣១ នោះនឹងឈានចូលដល់ពេលវេលាត្រូវប្រទះលាភធំ ទ្រព្យសម្បត្តិហូរចូលផ្ទួន អាចឲ្យអ្នកចាយមិនអស់៖
អ្នកកើតឆ្នាំរោង – នាគ
ម្ចាស់ឆ្នាំរោង រមែងមានចិត្តមុតស្រួច រឹងមាំ មិនងាយឲ្យនរណាមកមាក់ងាយបានស្រួលៗឡើយ។ មនុស្សនេះ ចូលចិត្តប្រដៅណែនាំអ្នកដទៃ ហើយមានច្បាប់ទម្លាប់ខ្ពស់ណាស់ក្នុងការរស់នៅ។
កន្លងទៅនេះ អ្នកកើតឆ្នាំនាគ ហាក់ជួបបញ្ហាច្រើន ទាំងក្នុងអាជីពការងារ និងការរកស៊ី ពោលមានការខាតបង់ ប្រៀបនឹងដើរថយក្រោយទៅហើយ តែយ៉ាងណា ដោយសារការខិតខំ ការនៅតែបន្តឆន្ទៈខ្ពស់ក្នុងជីវិត ឥឡូវបូកផ្សំសំណាងផង ពេលវេលាស្រង់យកលាភ គឺចូលមកដល់ហើយ។
១០ ថ្ងៃចុងក្រោយនៃខែមករានេះ គឺ ជាពេលវេលាកើបមាស កើបប្រាក់ សម្រាប់ម្ចាស់ឆ្នាំរោង លុយចាយមិនអស់ ហើយបើមនុស្សនេះចេះសន្សំផង ក៏នឹងសល់លុយច្រើនក្នុងកំឡុងពេលខាងមុខ។ ជាងនេះគេក៏នឹងទទួលបានការកោតសរសើរពីមនុស្សជុំវិញខ្លួនថែមទៀតផង។
អ្នកកើតឆ្នាំឆ្លូវ – គោ
ម្ចាស់ឆ្នាំឆ្លូវ ជាមនុស្សដែលមានបញ្ញាខ្ពស់ មនុស្សមានភាពស្ងប់ស្ងាត់ ហើយដោះស្រាយអ្វីដោយសន្តិវិធី។ ១០ ថ្ងៃចុងក្រោយនៃខែមករាសម្រាប់អ្នកកើតឆ្នាំគោ ក៏ជាពេលវេលាល្អ អាចនាំឲ្យពួកគេឆ្ពោះទៅរកភាពជោគជ័យក្នុងជីវិតផងដែរ ហើយបើបញ្ហាសេសសល់ពីឆ្នាំចាស់ មកដល់ចុងខែនេះ ពួកគេនឹងអាចដោះស្រាយបាន។
ជារួមចំណូលនឹងផ្ទុះខ្លាំង ជាពិសេសនៅកំឡុងថ្ងៃចូលឆ្នាំចិនខាងមុខ ហើយនាំឲ្យជីវិតពួកគេមានភាពធូរស្រាល មិនតានតឹងដូចមុនឡើយ។
អ្នកកើតឆ្នាំរកា - មាន់
ជាមនុស្សដែលតែងតែប្រកាន់ខ្ជាប់ការគិតបែបសុទិដ្ឋិនិយម និងមានភាពជឿជាក់ក្នុងជីវិត។ បើទោះស្ថិតក្នុងស្ថានភាពបែបណាក៏ដោយ ពួកគេតែងតែមានភាពក្លាហានជានិច្ច ក្នុងការបោះជំហានទៅមុខ។
អ្នកកើតឆ្នាំរកា តាមហោរាសាស្រ្តទាយមកថា នៅពេលខាងមុខ ១០ ថ្ងៃចុងក្រោយនៃខែមករា មនុស្សនេះ នឹងជោគជ័យខ្លាំង បើជាមន្រ្តី នោះនឹងអាចឡើងឋានៈថែមទៀត។ បើមានអាជីពអ្វីមួយក្នុងដៃ នោះក៏នឹងឃើញផ្លែផ្កាធំ រីឯស្នេហាក៏នឹងរីករាយ ពោរពេញដោយក្តីសុខយ៉ាងពេញលេញផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
