ក្បួនហុងស៊ុយ តើដាក់ទឹក ៣ ពែង ឬ ៥ ពែងលើអាសនៈ មានអត្ថន័យបែបណា ហើយមួយណាល្អជាង?
តើនៅលើអាសនៈ ការដាក់ទឹកតែ ៣ ពែង ឬ ៥ ពែង តើមានអត្ថន័យបែបណា? ហើយមួយណាដែលអ្នកគួរតែអនុវត្ត ដើម្បីទទួលបានលាភសំណាងពិតប្រាកដ?
អត្ថន័យចំនួនពែងទឹកលើអាសនៈ៖
ក្រៅពីចានដង្វាយផ្លែឈើ នំនែក ទឹកក៏ជារបស់ដែលមិនអាចខ្វះបានផងដែរ។ សម្រាប់ទឹក ៣ ពែង ដាក់លើអាសនៈ គឺសំដៅទៅការបង្ហាញចិត្តស្មោះត្រង់ ការគោរពចំពោះព្រះ និងបុព្វការីជន ដោយពែងទាំងសងខាង ជូនដូនតាញាតិកាទាំង ៧ សន្តាន ហើយពែងកណ្តាលជូនដល់ព្រះ។
រីឯសម្រាប់អាសនៈដែលគេដាក់ពែង ៥ និយាយឲ្យងាយយល់ទៅ គឺមិនខុសពីអត្ថន័យនៃពែង ៣ នោះទេ ដោយពែងសងខាងចំនួន ២ គឺដាក់គោរពដល់ដូនតាបីជំនាន់ ឬញាតិកាទាំង ៧ សន្តាន ហើយពែងកណ្ដាល ៣ ដាក់ជាដង្វាយដល់ព្រះ។ តែយ៉ាងណា មូលហេតុគេប្រើប្រាស់លេខ ៥ នេះសោត តាមជំនឿខ្លះ គេគោរពដល់ធាតុទាំង ៥ មានភ្លើង ដី មាស ទឹក និងឈើ។
ដូច្នេះសរុបមក បើសួរថា តើគួរដាក់ពែង ៣ ឬពែង ៥ លើទីតាំងអាសនៈ ហើយសួរថា មួយណាល្អជាងមួយណា? នេះក៏អាស្រ័យលើទំហំនៃអាសនៈ បើអាសនៈតូចដាក់ ៣ ពែងបានហើយ តែបើអាសនៈធំដាក់ ៥ ពែងទៅល្អ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
