ថ្ងៃចូលឆ្នាំចិន បើសុខៗកើតរឿងទាំង ៥ នោះជាប្រផ្នូលល្អ នាំឲ្យអ្នកសំណាងពេញមួយឆ្នាំ
នៅកំឡុងថ្ងៃចូលឆ្នាំចិន រាប់ចាប់ពីថ្ងៃទី ៣១ ដល់ ៣ មករា ប្រសិនអ្នកប្រទះឃើញរឿងរ៉ាវទាំង ៥ ខាងក្រោមកើតឡើងដោយចៃដន្យ នោះគឺជាសញ្ញានៃប្រផ្នូលល្អ ជាប្រផ្នូលហៅទ្រព្យ ហៅសំណាងចូលដល់អ្នកនិងសមាជិកគ្រួសារ៖
៥) ផ្កាអង្គាសីលរីកស្គុះស្គាយ
ទំនៀមទម្លាប់របស់បងប្អូនសែស្រឡាយចិន និយមដាក់តាំងផ្កាអង្គាសីល ដើម្បីស្វាគមន៍ឆ្នាំថ្មី ហើយប្រសិនចំថ្ងៃចូលឆ្នាំចិន ផ្កាទាំងនោះរីកស្គុះស្គាយ វាគឺជាប្រផ្នូលបង្ហាញពីការរីកសាយនៃទ្រព្យសម្បត្តិរបស់ម្ចាស់ផ្ទះដូចគ្នា។
៤) ឆ្កែមិនស្គាល់ម្ចាស់រត់ចូលផ្ទះ
បើសុខៗមានសត្វឆ្កែដែលមិនស្គាល់ប្រភព រត់ចូលមកក្នុងផ្ទះរបស់អ្នកនៅកំឡុងថ្ងៃចូលឆ្នាំចិន នោះគឺបង្ហាញពីហុងស៊ុយខ្ពស់។ វាតំណាងឲ្យអត្ថន័យ ដែលថាផ្ទះនោះ នឹងទទួលបានការគោរពស្រលាញ់ ឲ្យតម្លៃខ្ពស់ពីញាតិជុំវិញខ្លួន។
៣) រើសបានលុយ
ប្រសិនចំថ្ងៃចូលឆ្នាំចិន អ្នកបែរជាចៃដន្យរើសបានលុយដែលគេជ្រុះ ដោយមិនស្គាល់ម្ចាស់ មិនថាតិចច្រើនទេ វាគឺជាសញ្ញាល្អ។ នេះបង្ហាញថា មួយឆ្នាំពេញ អ្នកនឹងជួបសំណាងសឹងតែរៀងរាល់ថ្ងៃ។
២) ច្រឡំស្លៀកខោអាវបញ្ច្រាស
បើវាកើតឡើងដោយធម្មជាតិ មានន័យថា អ្នកមិនបានគិតទុកជាមុន ឬជាចេតនា ហើយអ្នកសុខៗបែរជាស្លៀកពាក់ខោ ឬអាវបញ្ច្រាស នោះគឺជាសញ្ញាល្អ ដែលមានន័យថា រាល់គ្រោះទាំងឡាយនៅឆ្នាំចាស់ គឺត្រូវបានរសាត់អស់ហើយ ដោយជំនួសមកវិញ នូវអំណោយនៃលាភ ហូរចូលដូចទឹក។
១) សត្វល្អិតចូលផ្ទះ
សុខៗបែរជាឃើញសត្វកណ្ដូប មេអំបៅ ជាដើម មកចូលខាងក្នុងផ្ទះ នោះបង្ហាញថា ឆ្នាំថ្មីនេះ អ្នកនឹងទទួលបានភ្ញៀវដ៏ពិសេស ឬមានតម្លៃចូលមកលេង។ បុគ្គលនេះ នឹងនាំដំណឹងល្អសម្រាប់អ្នក ទាំងសម្រាប់រឿងការងារ និងរឿងស្នេហា៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
