សញ្ញា ២ បង្ហាញថាអ្នកចាស់ជាងវ័យ ហើយត្រូវប្រញាប់ទៅប៉ូវអាហារ ៥ នេះជាបន្ទាន់
សម្រាប់មនុស្សស្រី ភាពចាស់ជាងវ័យ គឺជារឿងដែលគ្មាននរណាចង់ជួបប្រទះនោះទេ តែពេលខ្លះក៏ជៀសមិនជួបមិនបាន ក៏ដោយសាររបបអាហារអ្នកជ្រើសរើសមកទទួលទាន និងទម្លាប់រស់នៅមួយចំនួន។
ជាទូទៅសញ្ញាធំ ២ ដែលបង្ហាញថា អ្នកកំពុងចាស់ជាងវ័យមានដូចខាងក្រោម៖
២) មានស្នាមជ្រួញលើស្បែក
នៅពេលរាងកាយមានការផលិតកាឡាជែនធ្លាក់ចុះ នោះសញ្ញានៃភាពជ្រីវជ្រួញក៏ចាប់ផ្តើមរំលេចចេញមកបណ្តើរៗហើយ។ ដូច្នេះបើនៅល្បាក់អាយុ ២០ ស្តើង ឬចូលជិត ៣០ ស្នាមជ្រីវជ្រួញក៏ស្តាប់តែលេចចេញលើផ្ទៃមុខ ក៏ដូចជាស្បែក នោះកំពុងបង្ហាញថា សំណើមនៃស្បែកចាប់ផ្តើមបាត់បង់បន្តិចម្តងៗ ហើយដំណើរការផលិតកូឡាជែនក៏កំពុងធ្លាក់ចុះ ពោលជាសញ្ញានៃភាពចាស់ជាងវ័យ។
១) ស្បែកស្ងួត និងមានស្នាមអុជខ្មៅ
ពេលដែលក្រពេញខ្លាញ់ និងក្រពេញញើសក្នុងរាងកាយធ្លាក់ចុះ នោះនឹងបណ្តាលឲ្យស្បែកមិនមានសំណើម ហើយស្ងួតយ៉ាងឆាប់រហ័ស។ ដូចគ្នាទៅនឹងភាពស្បែកដែលរងផលប៉ះពាល់ពីកាំរស្មី UV យូរទៅ ក៏នាំឲ្យកើតមានស្នាមអុជខ្មៅ ឬត្នោតរោលមកលើស្បែក ទាំងអស់នេះក៏ជាសញ្ញានៃភាពចាស់ជាងវ័យដូចគ្នា។
តទៅនេះ Knongsrok ណែនាំប្រភេទអាហារទាំង ៥ ដែលអ្នកគួរតែបំប៉នទទួលទានឲ្យបានច្រើន៖
៥) ភ្លៅកង្កែប
វាសម្បូរទៅដោយវីតាមីណ A និង C ហើយក៏មានសារធាតុប្រឆាំងអុកស៊ីតកម្មដ៏ល្អផងដែរ ដែលអាចកាត់បន្ថយភាពជ្រីវជ្រួញ លើសពីនេះវាក៏មានជាតិកាល់ស្យូម ផូស្វ័រ វីតាមីន B1, B2 មានមុខងារជម្រះស្បែកខាងក្នុង និងផ្តល់មីក្រូសារជាតិដល់កោសិកាខាងក្នុងរាងកាយ។
៤) ល្ហុង
មានផ្ទុកនូវសារធាតុប្រឆាំងអុកស៊ីតកម្ម ជួយប្រឆាំងនឹងឥទ្ធិពលនៃរ៉ាឌីកាល់សេរី ដែលបង្កគ្រោះថ្នាក់ដល់ស្បែក។ លើសពីនេះវីតាមីន និងសារធាតុរ៉ែមួយចំនួន ដែលមាននៅក្នុងផ្លែល្ហុង ក៏អាចពង្រឹងភាពយឺតនៃស្បែកថែមទៀតផង។
៣) ស្ពៃខ្មៅ
មានផ្ទុកវីតាមីន C ខ្ពស់ ជួយបង្កើនការផលិតកូឡាជែន រក្សាស្បែករបស់អ្នកឲ្យរឹងមាំ និងរលោង។ លើសពីនេះស្ពៃខ្មៅ ឬ ស្ពៃខៀវ ក៏សម្បូរទៅដោយវីតាមីន A, K ជាតិដែក ដែលល្អសម្រាប់សុខភាពទូទៅដូចគ្នា។
២) ម្ទេសប្លោក
វាសម្បូរទៅដោយសារធាតុ carotenoids ដែលជាសារធាតុប្រឆាំងអុកស៊ីតកម្ម វាក៏ជួយការពារស្បែកពីការប៉ះនឹងពន្លឺព្រះអាទិត្យ និងបរិស្ថានពីខាងក្រៅ។ វាក៏ មានវីតាមីន C ខ្ពស់ ជួយជំរុញដល់ការផលិតកូឡាជែន ធ្វើឲ្យស្បែករបស់អ្នកស្រស់ថ្លាឡើងវិញ។
១) ផ្កាខាត់ណា
វាមានផ្ទុកនូវវីតាមីន C និង K ជាច្រើន ដែលជួយឲ្យស្បែកផលិតនូវកូឡាជែន បង្កើនភាពយឺតនៃស្បែក ធ្វើឲ្យស្បែកទន់រលោង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
