អត់បាច់ទៅពិនិត្យឯណាឆ្ងាយ រាងកាយខ្វះជាតិកាល់ស្យូមឬអត់ មើលតែ ៥ ចំណុចនេះដឹងហើយ
ដើម្បីចង់ដឹងថា រាងកាយរបស់អ្នកកំពុងមានកង្វះជាតិកាល់ស្យូមឬអត់ អ្នកអាចឆ្លៀតពិនិត្យតាមរយៈចំណុចទាំង ៥ ខាងក្រោមបាន៖
៥) ឧស្សាហ៍រមួលក្រពើ
បើអ្នកធ្លាប់តែមានសុខភាពល្អ តែមួយរយៈក្រោយទៀត ក៏រកឃើញជារឿយៗថាខ្លួនរមែងជួបបញ្ហារមួលក្រពើ នោះអាចជារោគសញ្ញាដំបូងនៃកង្វះជាតិកាល់ស្យូម។ ជាពិសេសអ្នកមានអារម្មណ៍ឧស្សាហ៍ឈឺសាច់ដុំ ជាពិសេសភ្លៅ ដៃ ក្លៀក ពេលកំពុងធ្វើចលនាស្រាលៗ នោះក៏ជារោគសញ្ញាដែរ។
៤) គេងមិនលក់
អ្នកដែលកង្វះជាតិកាល់ស្យូម ក៏ឧស្សាហ៍ជួបបញ្ហាគេងមិនលក់ដូចគ្នា ហើយចំណាំមើល ពេលគេងគឺពិបាកគេងលក់ណាស់ រួចពេលងើបមក ចេះតែមានអារម្មណ៍ថាខ្លួនឯងដូចអស់កម្លាំង។
៣) មានអារម្មណ៍ថាស្បែកស្ងួត
ធ្លាប់តែមានស្បែកភ្លឺចែងចាំង ហើយយូរទៅស្បែកប្រែជាស្ងួត នោះក៏អាចមករាងកាយ កំពុងមានកង្វះខាតជាតិកាល់ស្យូម និងវីតាមីនដូចគ្នា។ ដូច្នេះចូរបន្ថែមវាមកវិញ តាមរយៈអាហារ ឬភេសជ្ជៈមួយចំនួន។
២) ក្រចកខ្សោយនិងផុយ
សភាពក្រចក ដែលត្រូវការជាតិកាល់ស្យូម គឺជាមនុស្សដែលមានក្រចកផុយ ឆាប់បាក់ ឆាប់ប្រេះ នោះច្បាស់ណាស់ រាងកាយអ្នកកំពុងខ្វះជាតិកាល់ស្យូមហើយ។
១) ឆាប់មួម៉ៅខឹង
ជាតិកាល់ស្យូមក៏មានផ្សារភ្ជាប់ទៅកាន់ផ្លូវអារម្មណ៍របស់អ្នកផងដែរ ដោយវាអាចនាំឲ្យប៉ះពាល់ដល់ប្រព័ន្ធប្រសាទ ភ្លេចភ្លាំងច្រើន អស្ថិរភាពផ្លូវចិត្ត ឆាប់ខឹង ឈឺក្បាល អារម្មណ៍ប្រែប្រួលលឿន។ ដូច្នេះចូរពិនិត្យខ្លួនឯង បើប៉ះ ២-៣ ចំណុចដូចខាងលើ នោះអ្នកកំពុងខ្វះជាតិកាល់ស្យូមច្បាស់ណាស់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
