ឱសថ ១០ មុខមិនប្តូរ ក្រពះជ្រូកផ្តល់ប្រយោជន៍ធំ ៤ ដល់សុខភាព តែមិនសូវមានអ្នកដឹង
សាច់ជ្រូកជាអាហារដែលគេពេញនិយមទទួលទាន ព្រោះវាងាយស្រួលរកទិញនៅលើទីផ្សារ ហើយតម្លៃរបស់វាក៏មិនជាថ្លៃពេកនោះដែរ។ យ៉ាងណាការទទួលទានសាច់ជ្រូក ក៏មានផ្នែកខ្លះដែលអាចជួយសុខភាពជាច្រើន តួយ៉ាងដូចជាបេះដូង ថ្លើម ក្រពះ... ដែលមានតម្លៃអាហារូបត្ថម្ភខ្ពស់ខ្លាំងណាស់។
យ៉ាងណាក្នុងអត្ថបទនេះ យើងណែនាំនូវប្រយោជន៍ធំ ៤ ដែលអ្នកអាចទទួលបានពីការទទួលទានក្រពះជ្រូក ដែលឱសថល្មមៗសុំអត់ប្តូរទេ៖
៤) ព្យាបាលអ្នកមានភាពស្លេកស្លាំង
មនុស្សដែលមានភាពស្លេកស្លាំង គឺមកពីខ្វះជាតិដែក ហើយផលិតឈាមមិនគ្រប់គ្រាន់។ ទន្ទឹមនេះ ងាកមកការទទួលទានក្រពះជ្រូក គឺអាចទៅបំពេញចន្លោះប្រហោងទាំងអស់នោះបាន ដែលវាមានសារធាតុចិញ្ចឹមច្រើន ជាពិសេសគឺជាតិដែក។
៣) បង្កើនភាពរឹងមាំ
ក្រពះជ្រូក ជាជម្រើសល្អក្នុងការបំពេញបន្ថែមនូវសារធាតុដែលរាងកាយត្រូវការជាចាំបាច់ ពោលប្រៀបដូចជាឱសថប៉ូវកម្លាំង ធ្វើឲ្យរាងកាយរឹងមាំ ជាពិសេសសម្រាប់បុរសៗ។
២) បំពេញអុកស៊ីហ្សែន និងឈាម
នៅរដូវរងា មនុស្សឧស្សាហ៍ឈឺចុកចាប់រាងកាយ និងខ្សោយសរីរាង្គមួយចំនួន មើលទៅដូចស្ពឹកស្រពន់។ វាអាចមកពីចរន្តឈាមរត់មិនបានល្អ ហើយខ្វះអុកស៊ីហ្សែនក្នុងរាងកាយ ដូច្នេះការទទួលទាន ក្រពះជ្រូក គឺអាចជួយឲ្យឈាមរត់ស្រួល និងអាការៈខាងលើប្រែទៅជាធូរស្រាលបាន។
១) ពង្រឹងមុខងារលំពែងនិងក្រពះ
ទទួលទានក្រពះជ្រូក ក៏អាចជួយដល់ក្រពះមនុស្សដូចគ្នា ដូចគ្នាទៅនឹងមុខងារលំពែងក៏ត្រូវបានពង្រឹងផងដែរ។ ការទទួលទានវា គឺអាចចូលរួមកាត់បន្ថយអ្នកមានបញ្ហាឈឺពោះ ហើមពោះ និងមិនស្រួលក្នុងក្រពះ ពោះវៀនជាដើម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
