បើកបៀអានសារបន្ទាន់ពីចក្រវាលផ្ញើរមកកាន់អ្នក ចាំដល់ណារើសសន្លឹកបៀដែលចាប់អារម្មណ៍មួយទៅ
សួស្តីប្រិយមិត្តនៃគេហទំព័រ Knongsrok ថ្ងៃនេះយើងខ្ញុំសូមនាំអ្នកទៅបើកសន្លឹកបៀមួយដែលអ្នកចូលចិត្ត ដើម្បីអានសារបន្ទាន់ពីចក្រភព ផ្ញើរមកឲ្យអ្នកដើម្បីលើកទឹកចិត្តអ្នកនៅក្នុងឆ្នាំថ្មីនេះ ។
សន្លឹកបៀទី 1
អ្នកជាមនុស្សពូកែអាចកាត់ផ្តាច់រឿងរ៉ាវមួយចំនួនឱ្យដាច់ស្រេច មិនឲ្យខ្ជះខ្ជាយពេលវេលាយូរចូលមករាំងស្ទះឱកាសខ្លួនឯង សម្រាប់អ្នកគោលដៅជីវិតគឺធំជាងអ្វីៗទាំងអស់ ។ ដូច្នេះភាពជោគជ័យ ទ្រព្យសម្បត្តិកំពុងរង់ចាំនៅខាងមុខ សុបិនជាច្រើនកំពុងរង់ចាំអ្នកឆាប់ៗ អ្នកនឹងមានឱកាសច្រើនក្នុងការបង្កើតកេរ្តិ៍ឈ្មោះឲ្យបានជោគជ័យ ដូច្នេះចូលកុំស្តាយបើនៅតាមផ្លូវអ្នកនឹងជួបរឿងជូរចត់ ព្រោះជើងលេខអ្នកត្រូវជួបខ្លះហើយ ម្ល៉ោះហើយត្រូវមានមោទនភាពចំពោះការតាំងចិត្តនិងស្ថិរភាពរបស់ខ្លួន ។
សន្លឹកបៀទី 2
យើងមិនអាចកែប្រែនរណាម្នាក់បានទេ ប្រសិនបើអ្នកមិនគិតកែប្រែខ្លួនឯងមុន យើងដឹងថាអ្នកជាមនុស្សតស៊ូ តែអ្នកមិនអាចផ្លាស់ប្តូរការគិតនរណាបានទេ។ យ៉ាងណាមិញអ្វីដែលកើតឡើងចំពោះអ្នកនៅពេលនេះ ចក្រវាលចង់ឱ្យអ្នកព្យាយាមស្ងប់ស្ងាត់សិន កុំទាន់អាលមានគម្រោងចាត់វិធានចេញសកម្មភាព ព្រោះអ្នកដឹងថាវាលទ្ធផលនឹងបញ្ចប់ដដែលៗ ដូច្នេះពេលនេះសូមផ្តល់ការស្រឡាញ់ឲ្យខ្លួនឯង ទាក់ទាញចំណុចល្អៗមកផ្តល់កំលាំងចិត្តឲ្យខ្លួនឯងសិន ។
សន្លឹកបៀទី 3
អ្នកកំពុងទាក់ទាញមនុស្សដែលមានគំនិតដូចគ្នា ជាស្នេហា ជាមិត្តភាព និងរឿងរ៉ាវល្អៗ ចំណែករឿងអាក្រក់ៗនៅក្នុងជីវិតរបស់អ្នក នឹងត្រូវបានរុញចេញដោយស្វ័យប្រវត្តិពីថ្ងៃនេះទៅ។ ចូលរៀបចំខ្លួនអ្នកឲ្យសមស្របសម្រាប់ជីវិតថ្មី ត្រូវមានផែនការសម្រាប់ខ្លួនឯង ត្រូវចេះអត់ធ្មត់ ប្រឹងប្រែងធ្វើការ សន្សំប្រាក់ដើម្បីសម្រេចក្តីសុបិន ព្រោះក្នុងអំឡុងពេលនេះ អ្នកនឹងទទួលបានលាភជាច្រើនលើសពីការរំពឹងទុក។
សន្លឹកបៀទី 4
អ្វីក៏ដោយដែលកើតឡើងដដែលៗ ធ្វើឲ្យអ្នកខកចិត្តម្តងហើយម្តងទៀត រហូតមានអារម្មណ៍ព្រងើយកន្តើយវាជាសញ្ញានៃការឆ្លងវាឲ្យផុត ព្រោះមិនដឹងថាត្រូវទ្រាំដើម្បីអ្វីតទៅទៀតទេ ។ តាមពិតអ្នកមានសមត្ថភាពគ្រប់គ្រាន់អ្នកមិនចង់រស់នៅឱបទុក្ខយូរទេ ហើយឆាប់ៗនេះអ្នកនឹងមានផែនការថ្មីសម្រាប់ខ្លួនឯង ប៉ុន្តែត្រូវចាំថាការអភ័យទោសឲ្យមនុស្សដែលអ្នកស្អប់ ឬរឿងរ៉ាវមិនល្អដែលកើតឡើងកន្លងមក វានឹងធ្វើឲ្យអ្នកកាន់តែឆាប់ដល់គោលដៅទ្វេដង ៕
ប្រភព៖ Knongsrok
ព័ត៌មានថ្មីៗ
