គ្រប់គ្នាមើលរំលង! នេះទម្លាប់សាមញ្ញ ៤ ល្អទាំងចំពោះសុខភាព ល្អទាំងសម្រាប់អ្នកចង់ស្រកទម្ងន់
ក្រៅពីការកែសម្រួលរបបអាហារ ការធ្វើលំហាត់ប្រាណ ក៏នៅមានមធ្យោបាយផ្សេងទៀត ដែលជួយឲ្យអ្នកសម្រកទម្ងន់បានយ៉ាងឆាប់រហ័ស និងមានប្រសិទ្ធភាព។ ខាងក្រោមយើងបង្ហាញ ៤ វិធីដែលអ្នកគួរដឹង៖
៤) ងូតទឹកក្តៅ
នេះគឺជាវិធីល្អមួយ ដើម្បីបំបាត់ភាពតានតឹង តែវាក៏ចូលរួមចំណែកដុតកាឡូរីរាងកាយបានមួយផ្នែកផងដែរ។ យោងតាមការស្រាវជ្រាវ ការងូតទឹកក្តៅ ឬត្រាំខ្លួនក្នុងទឹកក្តៅរយៈពេល ១ ម៉ោង អាចជួយដុតបំផ្លាញ ១៣០ កាឡូរី នេះជាយុទ្ធសាស្រ្តដ៏ល្អមួយក្នុងការសម្រកទម្ងន់។
៣) ធ្វើការងារផ្ទះ
ការធ្វើការងារផ្ទះ ក៏អាចសម្រកទម្ងន់របស់អ្នកបានដែរ ដោយការចំណាយពេលលាងចាន ១ ម៉ោង អាចដុតបំផ្លាញ ១០០ កាឡូរី ឬការជូតបន្ទប់ទឹករយៈពេល ៣៥ នាទី វាស្មើនឹងការដុតកាឡូរីប្រហែលនឹងការដើរលើម៉ាស៊ីនហាត់ប្រាណ ៣៥ នាទីផងដែរ។
២) ផឹកតែបៃតង
ផឹកតែបៃតង ដែលមានផ្ទុកនូវសារធាតុប្រឆាំងអុកស៊ីតកម្ម វាមិនត្រឹមតែជួយឲ្យស្បែកក្មេងជាងវ័យប៉ុណ្ណោះទេ តែថែមទាំងអាចដុតបំផ្លាញកាឡូរីយ៉ាងមានប្រសិទ្ធភាពថែមទៀតផង។ តាមទម្លាប់ គេណែនាំឲ្យទទួលទានតែបៃតង ៣-៥ ពែងក្នុងមួយថ្ងៃ ដោយវាមានប្រសិទ្ធភាពជំរុញដល់ការរំលាយអាហារ និងជួយឲ្យរាងកាយបំបែកជាតិខ្លាញ់កាន់តែងាយ។
១) ការថយចុះកម្តៅ
ការស្ថិតក្នុងបន្ទប់ត្រជាក់ គឺអាចជួយឲ្យអ្នកស្រកទម្ងន់បាន។ នោះគឺត្រង់ថា បន្ទប់ត្រជាក់ អាចនាំឲ្យរាងកាយមានប្រតិកម្មក្នុងការដុតកាឡូរី ដែលវាចូលរួមចំណែកយ៉ាងសំខាន់ដល់ការសម្រកទម្ងន់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
