អាហារ ៥ ប្រភេទ ហាមដាច់ខាតញាំជាមួយទឹកដោះគោ ដោយសារអាចបង្កឲ្យរាគនិងគ្រួសក្នុងតម្រងនោម
អាហារូបត្ថម្ភក្នុងទឹកដោះគោមានខ្ពស់ណាស់ ហើយមនុស្សជាច្រើនតែងតែមានទម្លាប់ទទួលទានទឹកដោះគោជារៀងរាល់ថ្ងៃផងដែរ។ ទោះជាយ៉ាងណាក៏ដោយ អ្នកទាំងអស់គ្នាក៏ត្រូវឈ្វេងយល់ឲ្យបានច្បាស់ ប្រសិនបើអ្នកផឹកទឹកដោះគោខុសវិធីក៏អាចនាំឱ្យកើតជំងឺគ្រោះថ្នាក់ជាច្រើនសម្រាប់រាងកាយ ជាពិសេសនៅពេលដែលយើងផ្សំទឹកដោះគោជាមួយនឹងអាហារខាងក្រោមនេះ។
សូកូឡា
មនុស្សជាច្រើនគិតថា ទឹកដោះគោសម្បូរប្រូតេអ៊ីន សូកូឡាសម្បូរថាមពល ដូច្នេះការទទួលទានវាក្នុងពេលតែមួយនឹងល្អសម្រាប់រាងកាយ។ ប៉ុន្តែ ខណៈពេលដែលអ្នកលាយទឹកដោះគោរាវ-សូកូឡា នឹងធ្វើឱ្យជាតិកាល់ស្យូមនៅក្នុងទឹកដោះគោ និងអាស៊ីត oxalic មានប្រតិកម្មគ្នាទៅវិញទៅមក បង្កើតជាសមាសធាតុកាល់ស្យូម oxalate ដែលបង្កគ្រោះថ្នាក់ដល់រាងកាយ។ ការប្រើប្រាស់រយៈពេលយូរ បណ្តាលឱ្យកង្វះជាតិកាល់ស្យូម, រាគ, ការលូតលាស់យឺត, សក់ស្ងួត, ងាយប្រេះស្រាំ និងបង្កើនអត្រានៃក្រួសក្នុងតម្រងនោម។
ស៊ុត
អ្នកជំនាញបានចង្អុលបង្ហាញថា កុមារជាង ៩% ផឹកតែទឹកដោះគោ និងញ៉ាំស៊ុតនៅពេលព្រឹក ទើបធ្វើឲ្យពួកគេខ្វះសារធាតុចិញ្ចឹម។ ការផឹកទឹកដោះគោ បូករួមជាមួយស៊ុត សម្រាប់អាហារពេលព្រឹក អាចផ្តល់តែប្រូតេអ៊ីនច្រើន តែមិនមានថាមពលគ្រប់គ្រាន់នោះទេ។
ចេក
ផ្លែចេក ជាផ្លែឈើមួយប្រភេទដែលមនុស្សជាច្រើនចូលចិត្ត ព្រោះវាសម្បូរទៅដោយវីតាមីន B6 និងជាតិសរសៃផ្សេងទៀតល្អសម្រាប់រាងកាយ។ ប៉ុន្តែ ការផ្សំចេកជាមួយទឹកដោះគោពិតជា មិនល្អនោះទេ ព្រោះអាចបង្កឱ្យមានប្រតិកម្មមិនល្អដូចជា រាគ រំលាយអាហារមិនបានល្អ ធ្វើឱ្យមានជំងឺផ្តាសាយ និងតឹងច្រមុះជាដើម។
ទឹកក្រូច ឬទឹកក្រូចឆ្មា
មនុស្សមួយចំនួនណែនាំឱ្យបន្ថែមទឹកក្រូច ឬទឹកក្រូចឆ្មារបន្តិចទៅក្នុងទឹកដោះគោ ដើម្បីឲ្យមានជីវជាតិនិងរសឆ្ងាញ់ជាង។ សកម្មភាពទាំងនេះ ស្តាប់មើលទៅល្អណាស់ ប៉ុន្តែតាមពិត ទឹកក្រូច ឬក្រូចឆ្មាមានជាតិអាស៊ីតខ្លាំងណាស់ ដូច្នេះ ការជួបគ្នារវាងអាស៊ីតនឹងប្រូតេអ៊ីននៅក្នុងទឹកដោះគោ នឹងធ្វើឱ្យប្រូតេអ៊ីនប្រែទៅជា denature កាត់បន្ថយតម្លៃអាហារូបត្ថម្ភនៃប្រូតេអ៊ីន។
ស្ក
អ្នកមិនគួរបន្ថែមស្ករទៅក្នុងទឹកដោះគោទេ ជាពិសេសទឹកដោះគោក្តៅ។ ដោយសារការរួមបញ្ចូលគ្នានឹងធ្វើឱ្យ lysine ដែលមាននៅក្នុងទឹកដោះគោមានប្រតិកម្មជាមួយនឹងជាតិស្ករ បង្កើតជា fructose lysine ដែលមានជាតិពុលបង្កគ្រោះថ្នាក់ដល់រាងកាយ។
ប្រភព៖ បរទេស
ព័ត៌មានថ្មីៗ
