សប្ដាហ៍ដំបូងឆ្នាំថ្មី ៣-៩ មករា អបអរដល់ម្ចាស់ឆ្នាំទាំង ៣ ចាំត្រងយកលាភធំលុយធំ
សម្រាប់សប្តាហ៍ដំបូងនៅឆ្នាំ ២០២២ នៅថ្ងៃចន្ទ-អាទិត្យ ៣-៩ មករា តាមក្បួនហោរាសាស្ត្រម្ចាស់ឆ្នាំទាំង ៣ ខាងក្រោម គឺយើងសូមចូលរួមអបអរ ដោយពួកគេអាចចាំត្រងយកលាភធំ លុយធំ ពោលមានរាសីខ្ពស់ត្រដែតជាងឆ្នាំដទៃណាទាំងអស់៖
ឆ្នាំឆ្លូវ - គោ
អ្នកកើតឆ្នាំឆ្លូវ រមែងជាមនុស្សដែលមានចរិតសុភាពរាបសា ហើយមានគេស្រលាញ់រាប់អានច្រើននៅជុំវិញខ្លួន។ ជីវិតមនុស្សអ្នកកើតឆ្នាំឆ្លូវនេះ មិនលោភលន់ចង់មានបានខ្លាំងពេកនោះទេ តែជារឿយៗសំណាងច្រើនតែកើតមានដល់ពួកគេ។
តាមហោរាសាស្ត្រអ្នកកើតឆ្នាំឆ្លូវ នៅចន្លោះពេល ៧ ថ្ងៃខាងមុខ ជីវិតពួកគេនឹងប្រែបញ្ហាក្លាយមកជាលាភ ដោយនឹងជួបពេលវេលានិងឱកាសល្អច្រើន ហើយអាចបង្កើនប្រាក់ចំណូលអណ្តែតដូចទឹកហូរ។ មនុស្សនេះឈ្លាសវៃណាស់ បើមានឱកាសហើយ រមែងមិនងាយឲ្យរបូតផុតពីដៃឡើយ។
ឆ្នាំខាល - ខ្លា
ជាមនុស្សដែលឧស្សាហ៍ព្យាយាម មិនខ្លាចនឹងការប្រឈមឧបសគ្គ។ ពួកគេមានបុគ្គលិកលក្ខណៈរឹងមាំ អាចធន់នឹងការរស់នៅក្នុងការលំបាក ហើយតែងតែគិតវិជ្ជមានជានិច្ចក្នុងជីវិត។
គួបផ្សំនឹងអំណោយទានពីធម្មជាតិនេះដែរ សម្រាប់អ្នកកើតឆ្នាំខាល នៅកំឡុងសប្តាហ៍ថ្មី នៃឆ្នាំ ២០២២ រយៈពេល ៧ ថ្ងៃខាងមុខនេះ ពួកគេក៏ដល់ពេលទទួលបានលាភសំណាងពីទេវតាទ្រព្យហើយ។ អាជីពការងារ និងជំនួញរកស៊ីរបស់អ្នកកើតឆ្នាំខាល នឹងរីកសាយក្លាយទៅជាទ្រព្យដែលទទួលបានលើសពីការរំពឹងទុករបស់ពួកគេទៅទៀត។
ឆ្នាំកុរ - ជ្រូក
ជាមនុស្សដែលមិនចេះរង់ចាំឱកាស តែជីវិតរបស់ពួកគេគឺចេះទៅកែច្នៃបង្កើតឱកាសដោយខ្លួនឯង។ អ្នកកើតឆ្នាំកុរ មិនសូវកើតមកក្នុងគ្រួសារដែលមានបានពីដើមមកឡើយ តែពួកគេរមែងអាចធ្វើឲ្យគ្រួសារនោះក្លាយជាអ្នកមាននៅពេលខាងមុខបាន។
តាមហោរាសាស្រ្តសម្រាប់អ្នកកើតឆ្នាំកុរ នៅរយៈពេលមួយសប្តាហ៍ខាងមុខ អាចរាប់ថាជាសំណាងបើកឆាកឆ្នាំថ្មីសម្រាប់ពួកគេ ដោយមានគេប្រាប់មកឲ្យអ្នកត្រៀមខ្លួនឲ្យហើយទៅ ដើម្បីទទួលយកភាពរីករាយ ទាំងទ្រព្យនិងសុភមង្គលផ្លូវចិត្តនៅពេលខាងមុខ។ យ៉ាងណាកំឡុងពេលនោះ សម្រាប់អ្នកកើតឆ្នាំជ្រូក ក៏មានលាយឡំបញ្ហាបន្តិចបន្តួចដែរ តែមិនជាធំដល់ថ្នាក់គ្របលាភជិតនោះទេ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
