គ្រោះនៅនឹងមុខ ត្រូវតែប្រយ័ត្ន បើសុខៗរាងកាយអ្នកឲ្យប្រផ្នូលចំៗទាំង ៤ នេះ
ខាងក្រោមជាសញ្ញាទាំង ៤ ដែលអាចបង្ហាញថា នៅពេលខាងមុខ ជីវិតអ្នកអាចនឹងជួបគ្រោះ ឬប្រឈមការខាតបង់ណាមួយ ដែលអ្នកត្រូវប្រុងប្រយ័ត្នខ្ពស់៖
៤) ជ្រុះរោមចិញ្ចើម
ចិញ្ចើមតំណាងឲ្យសំណាង ហើយប្រសិនសុខៗមានការខូចទ្រង់ទ្រាយ ជ្រុះរោមចិញ្ចើមច្រើន នោះវាជាប្រផ្នូលបង្ហាញថា ជីវិតខាងមុខគឺច្របូកច្របល់ ដែលអ្នកអាចមានទំនាក់ទំនងមិនល្អជាមួយសមាជិកសាច់ញាតិ។
៣) គម្លាតរវាងម្រាមដៃធំពេក
នៅពេលដែលគម្លាតឬចន្លោះរវាងម្រាមដៃពីមួយទៅមួយ ឃើញចន្លោះធំពេក នោះបង្ហាញថា ជាមនុស្សដែលមានលុយហើយមិនសូវចេះថែរក្សា ពោលគឺតែងតែងាយនឹងបាត់បង់ និងជាប់បំណូលគេ។
២) ញាក់មាត់
យើងធ្លាប់តែលឺប្រផ្នូលញាក់ភ្នែក តែមនុស្សដែលសុខៗញាក់មាត់ឥតឈប់ វាក៏ហាក់ដូចជាបង្ហាញពីអាជីពការងារ ការរកស៊ីរបស់អ្នក ដូចជាមិនអាចដំណើរការរលូនទៅពេលខាងមុខ ហើយងាយនឹងធ្លាក់ចុះទៅក្នុងស្ថានភាពលំបាក។
១) ភ្លៅមិនពេញ
សាច់ភ្លៅស្រកខ្លាំងពេក មិនពេញ ច្រើនតែជាមនុស្សដែលកៀកនឹងធ្លាក់ទៅក្នុងជីវភាពលំបាក ផ្លូវខាងមុខពិបាករកចំណូលណាស់ ដូច្នេះហើយគួរចេះរក្សាទុកដាក់ឲ្យបានល្អ។ សូម្បីតែអ្នកមានទេពកោសល្យប៉ុណ្ណាក៏ដោយ ប្រសិនមានភ្លៅតូច ក៏មិនងាយនឹងក្លាយជាអ្នកមានបានដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
