ប្រយ័ត្នពុកឆ្អឹង ផុយឆ្អឹងអត់ដឹងខ្លួន ដោយសារការទទួលទានអាហារ ៤ នេះញឹកញាប់
កាល់ស្យូមជាសារធាតុមិនអាចខ្វះបាន សម្រាប់ជួយឲ្យអ្នកមានឆ្អឹងនិងសន្លាក់រឹងមាំ ហើយវាក៏ជួយឲ្យសាច់ដុំ និងសរសៃប្រសាទធ្វើការយ៉ាងរលូនផងដែរ។ ហេតុនេះហើយអ្នកត្រូវទទួលទានអាហារឬភេសជ្ជៈ ដែលមានតួនាទីមកបំពេញជាតិកាល់ស្យូមជាប្រចាំ យ៉ាងណាមិញរបស់ទាំង ៤ ខាងក្រោម វាបែរជាផ្ទុយស្រឡះ ហើយរារាំងដល់ដំណើរការស្រូបយកជាតិកាល់ស្យូម បង្កជាគ្រោះថ្នាក់ដល់ឆ្អឹងដោយមិនដឹងខ្លួន៖
៤) អាហារមានជាតិប្រៃខ្ពស់
អាហារដែលយើងទទួលទានរាល់ថ្ងៃ គួរគិតឲ្យបានល្អិតល្អន់ ជាពិសេសអាហារដែលមានបរិមាណអំបិលច្រើន ដែលវានឹងធ្វើឲ្យបាត់បង់ជាតិកាល់ស្យូមពីរាងកាយលឿនជាងមុន ដោយវាបញ្ចេញទៅតាមរយៈតម្រងនោម។
យោងតាមការណែនាំរបស់អង្គការ WHO បានឲ្យដឹងថា មនុស្សពេញវ័យមិនគួរទទួលទានអាហារមានជាតិអំបិលច្រើនពេកទេ ពោលគឺត្រឹមតែ ៥ ក្រាម/ថ្ងៃ គឺគ្រប់គ្រាន់ហើយសម្រាប់រាងកាយ។ ទោះជាយ៉ាងណាបរិមាណដែលមនុស្សភាគច្រើនទទួលទានបច្ចុប្បន្ន គឺលើស ២ ដងនៃការណែនាំហើយ។
៣) ភេសជ្ជៈមានជាតិកាបូន
ភេសជ្ជៈមានជាតិកាបូន ការដែលអ្នកទទួលទានច្រើនពេក ក៏នាំឲ្យបង្កើនហានិភ័យនៃការបាក់ឆ្អឹងផងដែរ ហើយជាតិកាល់ស្យូមក៏ត្រូវបានកាត់បន្ថយយ៉ាងឆាប់រហ័ស។
២) កាហ្វេ
កាហ្វេមានផ្ទុកជាតិកាហ្វេអ៊ីនច្រើន ដែលជួយឲ្យយើងមានការផ្តោតអារម្មណ៍និងបំពេញថាមពលក្នុងការធ្វើកិច្ចការងារផ្សេងៗ។ យ៉ាងណាវាក៏ពន្លឿនដល់ការបាត់បង់ជាតិកាល់ស្យូម ដែលល្អសម្រាប់ឆ្អឹងផងដែរ។
ការទទួលទានកាហ្វេច្រើនពេក វាធ្វើឲ្យមានការកកស្ទះសរសៃឈាម ហើយពេលសរសៃឈាមរួមតូច បរិមាណទឹកនោមក្នុងរាងកាយក៏កើនឡើង រួចជាតិកាល់ស្យូមក៏មានបញ្ចុះមកតាមនោះច្រើនដែរ។
១) សាច់ដែលមានជាតិខ្លាញ់
សាច់ដែលមានជាតិខ្លាញ់ ដូចជាផ្នែកស្បែកទាំងសាច់ជ្រូក សាច់មាន់ សាច់ទា ត្រង់ផ្នែកនោះ គឺមានជាតិខ្លាញ់ខ្ពស់ ហើយកាល់ស្យូមទាប។ លើសពីនេះស្រទាប់ខ្លាញ់ក្រោមស្បែក ក៏ផ្ទុកនូវកូលេស្តេរ៉ុលនិងអាស៊ីដខ្លាញ់ច្រើនផងដែរ។ ប្រសិនទទួលទានវាច្រើនពេក អាចធ្វើឲ្យប៉ះពាល់ដល់ដំណើរការស្រូបយកជាតិកាល់ស្យូម ហើយក៏បង្កទៅជាជំងឺសរសៃឈាមបេះដូងថែមទៀតផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
