ផ្ញើទៅប្រុសៗ! ប្រយ័ត្នអាយុខ្លីមិនដឹងខ្លួន បើនៅបន្តទម្លាប់អាក្រក់ ៥ នេះរៀងរាល់ព្រឹក
ការមានអាយុវែង និងមានសុខភាពល្អ ជាក្តីសុបិនរបស់មនុស្សយើងគ្រប់រូប តែទោះជាយ៉ាងណា សកម្មភាពរាល់ថ្ងៃ វាបានធ្វើឲ្យយើងមានចន្លោះប្រហោង ហើយដូចកំពុងបន្ថយអាយុខ្លួនឯង។ សម្រាប់បុរស ខាងក្រោម Knongsrok ណែនាំទម្លាប់អាក្រក់ ៥ ដែលត្រូវជៀសវាង បើមិនចង់អាយុខ្លី៖
៥) ការជក់បារីនៅពេលព្រឹក
សម្រាប់អ្នកជក់បារី ពួកគេបើកភ្នែកមិនទាន់ទេ តែងតែជក់មួយដើមពីរនៅពេលព្រឹក ដើម្បីឲ្យបាត់ងងុយគេង តែយ៉ាងណាទម្លាប់នេះមិនល្អនោះទេ ព្រោះវាអាចបង្កផលប៉ះពាល់ទៅដល់សួត ក្រោយទទួលរងនូវជាតិនីកូទីនច្រើនពេក។
៤) ការរំលងអាហារពេលព្រឹក
មនុស្សសម័យនេះ រវល់នឹងការងារពេក តែងតែរំលងអាហារពេលព្រឹក។ ខ្លះទៀតដាច់យប់ ក៏គេងយូរ ហើយចាំទទួលទានបាយថ្ងៃសរុប។ យ៉ាងណាតាមការស្រាវជ្រាវអ្នកដែលរំលងអាហារពេលព្រឹក រមែងមានហានិភ័យកើតជំងឺសរសៃឈាមបេះដូងដល់តៅ ២៧ ភាគរយ ជាងអ្នកដែលទទួលទានអាហារពេលព្រឹកទៀងទាត់។
ក៏ដោយសារបន្ទាប់ភ្ញាក់ពីគេង ក្រពះទទេ ហើយការបញ្ចេញអាស៊ីដក្រពះក៏ច្រើនឡើងដែរ។ ដូច្នេះបើគ្មានអាហារចូលពោះ នោះស្រទាប់ការពារក្រពះ នឹងរកការខូចខាតដល់សារការបញ្ចេញអាស៊ីដច្រើនពេក។
៣) ការងូតទឹកត្រជាក់
បុរសជាច្រើនមានទម្លាប់ងូតទឹកត្រជាក់ ជាជាងងូតទឹកក្តៅនៅពេលព្រឹក។ តាមពិតទៅនៅពេលព្រឹក ការជ្រាបទឹកត្រជាក់ចូលរាងកាយ គឺមិនល្អទេ ព្រោះវាអាចបង្កើនហានិភ័យនៃការដាច់សរសៃឈាមខួរក្បាលមួយរំពេច។ ជាងនេះសាច់ដុំក៏លាតសន្ធឹងមិនបានល្អ ហើយប៉ះពាល់ដល់ឆ្អឹងខ្នងតាំងពីក្មេងវ័យថែមទៀត។
២) ការក្រោកភ្លាមៗ
នៅពេលបើកភ្នែក នៅពេលព្រឹក សម្ពាធឈាមក្នុងរាងកាយកំពុងមានការកើនឡើង ដូច្នេះការដែលស្ទុះក្រោកឡើងភ្លាមៗ វាពិតជាគ្រោះថ្នាក់ខ្លាំងណាស់ អាចរំញោចឲ្យដាច់សរសៃឈាម ឬកកឈាមបាន និងក្លាយទៅជាជំងឺបេះដូងបាន។ យកល្អគួរពត់ខ្លួន ឬកម្រើករាងកាយស្រាលៗបន្តិចម្តង មុនងើបចេញពីគ្រែ។
១) ប្រើកម្លាំងខ្លាំងក្នុងការបន្ទោបង់
ភ្ញាក់ពីគេងនៅពេលព្រឹក ការបន្ទោបង់ ឬដំណើរចលនាពោះវៀន គឺជារឿងធម្មតា តែយ៉ាងបើបន្ទោបង់មិនចេញទេ ក៏អ្នកមិនគួរព្យាយាមប្រើកម្លាំងក្នុងការបញ្ចេញខ្លាំងពេកដែរ ព្រោះដំណើរការនេះ វាអាចបណ្តាលឲ្យខូចដល់បេះដូងនិងសរសៃឈាមខួរក្បាល៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
