អ្នកកើតឆ្នាំ ៣ បើកើតចំម៉ោងមាសទាំងនេះទៀត តាមជើងលេខចាស់ទៅនឹងក្លាយជាអ្នកមាន
សម្រាប់អ្នកកើតឆ្នាំរោង រកា និងកុរ ហើយកើតចំពេលវេលាដូចបង្ហាញខាងក្រោមទៀត តាមហោរាសាស្ត្របានទស្សន៍ទាយ ជីវិតអ្នកទៅថ្ងៃមុខនឹងរស់ស្រួល អាចក្លាយជាអ្នកមាន មិនចាំបាច់ខ្វល់រឿងហូបចុក រឿងស្លៀកពាក់មានមិនខ្វះនោះទេ៖
អ្នកកើតឆ្នាំរោង នៅម៉ោង ៧ ដល់ ៨:៥៩ នាទីព្រឹក
សម្រាប់បុគ្គលដែលកើតឆ្នាំរោង ហើយចំម៉ោងមាសខាងលើនេះ ភាគច្រើនជោគវាសនារបស់ពួកគេ គឺតែងតែកើតមកជាមនុស្សឈ្លាសវៃ មានអំណោយទានរូបសម្រស់ពីធម្មជាតិ ហើយគ្រប់យ៉ាងក្នុងជីវិត គឺតែងតែសម្រេចទៅបានដោយពេញលេញបរិបូរណ៍។
ទន្ទឹមនេះផងដែរ ពួកគេក៏ជាមនុស្សដែលរមែងទទួលបានការគោរពស្រលាញ់ពីមនុស្សជុំវិញខ្លួន ហើយនិយាយពីរឿងលុយកាក់ ដូចគេជប់ ដោយធ្លាក់មកជាបន្តបន្ទាប់ចាយមិនអស់តកូនតចៅច្រើនជំនាន់។
អ្នកកើតឆ្នាំរកា នៅម៉ោង ៣ ដល់ម៉ោង ៤:៥៩ នាទីព្រឹក
នេះជាមនុស្សកើតលើគំនរទ្រព្យ ហើយពួកគេតែងតែមានរូបសម្បត្តិល្អ ដូចទេវតារៀបចំទុក។ ជាងនេះបុគ្គលិកលក្ខណៈរបស់ពួកគេ ក៏តែងតែមានភាពស្មោះត្រង់ ហើយចេះបត់បែនគ្រប់ស្ថានភាពជីវិត។
នៅដំណាក់កាលដំបូងនៃជីវិត អាចថាជោគវាសនារបស់ពួកគេ មិនទាន់ជាភ្លឺចិញ្ចាចពេកទេ តែចាំមើលចូលដល់ពាក់កណ្តាលអាយុ ឬរាងចំណាស់បន្តិច គឺចូលដល់វ័យអាចក្លាយជាអ្នកមានបាន ពោលនាំឲ្យជីវិតសឹងតែផ្លាស់ប្តូរ ១៨០ ដឺក្រេ។
អ្នកកើតឆ្នាំកុរ នៅម៉ោង ៧ ដល់ម៉ោង ៨:៥៩ នាទីព្រឹក
សម្រាប់មនុស្សនេះវិញ គឺតែងតែជាមនុស្សឆ្លាត មានប្រាជ្ញា មានភាពរឹងមាំ និងតែងតែគិតឃើញផ្លូវវិជ្ជមានជានិច្ចក្នុងជីវិត។
ផ្អែកតាមការទស្សន៍ទាយនៅពេលវេលាដែលពួកគេកើត មនុស្សនេះក៏មិនចេះខ្វាយលុយចាយនោះដែរ ហើយក្នុងអាជីពការងារ តែងតែឆាប់បានឡើងកាន់តំណែងធំ ដោយនៅកន្លែងតូចមិនយូរនោះទេ។ ចំណែកឯការរកស៊ីវិញ ក្រៅពីការខិតខំផ្ទាល់ខ្លួន វាគួបផ្សំសំណាងផង ដែលអាចយឹតយោងឲ្យអ្នកកើតឆ្នាំកុរ ត្រូវម៉ោងខាងលើ ឆាប់មានឆាប់បាន មានកិត្តិយសលើកមុខលើកមាត់ទាំងគ្រួសារ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
