ចូលរួមចំណែកដល់អនាគតទំពាំងស្នងប្ញស្សី ជាមួយនឹងកម្មវិធីសប្បុរសធម៌សមាគមន៍ក្មេងៗក្តាត នៅកំពត
កម្មវិធីសប្បុរសធម៌សមាគមន៍ក្មេងៗក្តាត នៅកំពត ត្រូវបានធ្វើឡើងជាញឹកញាប់ជារៀងរាល់ឆ្នាំ ដើម្បីយកសំភារៈសប្បុរសធម៌ ដល់ក្មេងៗដែលនៅក្នុងសមាគមន៍ក្តាតឡាតង់ ដែលមានបង្រៀនភាសាខ្មែរ អង់គ្លេស របាំ និងការថែរក្សាបរិស្ថានជាដើម ដោយសមាគមន៍នេះមានទីតាំង ស្ថិតនៅភូមិក្តាត ស្រុកទឹកឈូ ដែលមានចំងាយ 23km ពីទីរួមខេត្តកំពត ផ្លូវជាតិលេខ៣ ទៅកំពង់សោម។
នៅថ្មីនេះផងដែរ កម្មវិធីសប្បុរសធម៌សមាគមន៍ក្មេងៗក្តាត បានធ្វើឡើងជាថ្មីម្តងទៀត ដោយមានការផ្តួចផ្តើមតាមរយៈលោក ឈន ភារម្យ ដោយលោកបានរៀបរាប់ថា ក្មេងៗនៅសមាគមន៍មានចំនួនប្រហែល ៦០នាក់ ដែលកំពុងតែត្រូវការជំនួយនៅក្នុងការសិក្សា និងវិជ្ជាជីវៈបន្ថែមទៀត។ ដោយពេលនេះកំពុងតែត្រូវការជំនួយ និងបរិច្ចាកបន្ថែមទៀត ហើយកម្មវិធីនាំយកសំភារៈទាំងនេះ អាចនឹងធ្វើឡើង នៅក្នុងខែ តុលា ឬវិច្ឆិកា តាមភាពជាក់ស្តែងនៅពេលដែលទទួលបានជំនួយពីសប្បុរសជនបានគ្រប់គ្រាន់។
លើសពីនេះ លោក ឈន ភារម្យ បានបន្ថែមថា សប្បុរសក្រៅពីអាចជួយជាថវិកាតាមសទ្ធាហើយ ក៏អាចជួយជាសំភារៈផ្សេងៗដទៃទៀតក៏បាន ដូចជាកាបូបស្ពាយ សំលៀកបំពាក់ ស្បែកជេីង សំភារៈក្មេងលេង ថ្មី ឬចាស់ ក៏បាន។ សម្រាប់ព័ត៌មានបន្ថែមអាចសាកសួរលោក ឈន ភារម្យ ផ្ទាល់តាមរយៈគណនីហ្វេសប៊ុក https://web.facebook.com/phearom.iqlick ឬទំនាក់ទំនងមកលេខទូរស័ព្ទ 016 69 42 52 ចំពោះការបរិច្ចាកជាថវិកា អាចធ្វើការផ្ញើមកកាន់គណនី ABA: 000124483 Chhorn Phearom ៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
