ជ្រើសរើសសត្វចចកមួយ ដើម្បីទម្លាយនូវភាពខ្លាំងពីធម្មជាតិរបស់អ្នក?
មនុស្សយើងម្នាក់ៗជាការពិត តែងតែមានអំណោយផលពីធម្មជាតិលើចំណុចណាមួយផ្សេងៗគ្នា។ យ៉ាងណាពេលខ្លះ យើងក៏មិនបានចាប់អារម្មណ៍នូវចំណុចទាំងអស់ហ្នឹងដោយខ្លួនឯងដែរ ដល់តែគេនិយាយទើបយើងនឹកគិត ហើយមើលឃើញថាវាអ៊ីចឹងមែន។
តាមរយៈការតេស្តបែបវិទ្យាសាស្រ្តក្នុងអត្ថបទនេះ Knongsrok សូមឲ្យអ្នកអានជ្រើសរើសនូវរូបភាពចចកមួយ ក្នុងចំណោមសត្វចចកក៏ដូចជាឆ្កែព្រៃ ៣ ក្បាល ហើយចម្លើយនឹងបង្ហាញដូចខាងក្រោម៖
រូបភាពទី ១
ការជ្រើសរើសរបស់អ្នកបង្ហាញមកថា អ្នកជាមនុស្សដែលពោរពេញដោយភាពច្នៃប្រឌិត។ អ្នកតែងតែបំផុសមើលឃើញចក្ខុវិស័យថ្មី គំនិតថ្មីជារៀងរាល់ថ្ងៃក្នុងជីវិត។
ពេលខ្លះរបស់តូចមួយទេ តែក្នុងកែវភ្នែករបស់អ្នកបានមើលឃើញពីតម្លៃពិតប្រាកដរបស់វា ហើយចេះកែច្នៃរបស់នោះ ឲ្យមានតម្លៃជាងអ្វីដែលមនុស្សទូទៅមើលឃើញ។ នេះហើយជាចំណុចខ្លាំងរបស់អ្នកដែលបានជ្រើសរើសរូបភាពទី ១។
រូបភាពទី ២
អ្នកត្រូវបានគេចាត់ទុក ថាជាមនុស្សដែលរមែងមានសកម្មភាព និងការគិតវិជ្ជមាន ហើយតែងតែទទួលបានអារម្មណ៍កក់ក្តៅ សុវត្ថិភាព និងគិតថាអ្នកជាមនុស្សរួសរាយរាក់ទាក់។
ដូច្នេះហើយ ធ្វើឲ្យមនុស្សជាច្រើនចូលចិត្តនៅក្បែរអ្នក ពោលចំណុចខ្លាំងរបស់អ្នក គឺទាក់ទាញមនុស្ស ទាក់ទាញការគិតអវិជ្ជមាន ឲ្យប្រែក្លាយជាវិជ្ជមាន។ គ្រប់កិច្ចការពារពាក់ព័ន្ធនឹងប្រាស្រ័យទាក់ទងជាធំ គឺអ្នករមែងមានប្រៀបជាងមនុស្សដទៃ។
រូបភាពទី ៣
អ្នកគឺជាមនុស្សដែលមានភាពរឹងមាំទាំងផ្លូវកាយ និងផ្លូវចិត្ត អ្នកមានការតស៊ូ ការអត់ធន់ខ្ពស់ ហើយតែងតែមិនរុញរាក្នុងការឆ្លងកាត់ឧបសគ្គអ្វីមួយ ព្រោះអ្នកជឿថា បញ្ហាជាកត្តាដែលនាំឲ្យអ្នកអាចសម្រេចគោលដៅពិតក្នុងជីវិត។
ភាពអត់ធ្មត់ខ្ពស់នេះហើយ ជាចំណុចលេចធ្លោរបស់អ្នកពីធម្មតា ដោយគ្មាននរណាអាចមកកាត់ផ្តាច់វាបានឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
