១០ ថ្ងៃពាក់កណ្ដាលខែកញ្ញា អ្នកកើតឆ្នាំ ៣ នឹងកើនមាសកើនប្រាក់ មានលុយកាន់ពេញដៃ
បើតាមក្បួនហោរាសាស្រ្តបានទស្សន៍ទាយជោគជតារាសីសម្រាប់អ្នកកើតឆ្នាំ ៣ ដែលនឹងមានរាសីឡើងខ្ពស់ត្រដែត នៅចន្លោះខែកញ្ញា ចាប់ពីថ្ងៃទី ១០ ដល់ថ្ងៃទី ២០ ដូចខាងក្រោម៖
អ្នកកើតឆ្នាំរោង (នាគ)
មនុស្សដែលកើតឆ្នាំនាគ គឺរមែងជាមនុស្សឈ្លាសវៃ រហ័សរហួន ដោយពួកគេតែងតែមានគោលដៅដឹកនាំ ត្រួសត្រាយផ្លូវខ្លួនឯងឲ្យទទួលបានភាពរីកចម្រើនជាបន្តបន្ទាប់។ ដូច្នេះពួកគេគឺជាមនុស្សដែលច្រើនតែមានសំណាង មិនខ្វះលុយចាយនោះទេ។
ដោយឡែកនៅចន្លោះពេល ១០ ថ្ងៃ រាប់ពីថ្ងៃទី ១០ ដល់ ២០ កញ្ញានៃពាក់កណ្តាលខែនេះ គឺពួកគេនឹងជួបតែសេចក្តីសុខ ហើយទទួលបានលាភសំណាងពរជ័យច្រើនមកក្នុងជីវិត ហើយក៏មានគេស្រលាញ់គាំទ្រ នៅសកម្មភាពដែលបម្រុងនឹងធ្វើ។ រាសីស្តេចនាគ មិនស្រុតចុះទេ គឺហោះឡើងទៅលើជានិច្ច ហើយត្រជាក់ត្រជំដូចមហាសមុទ្រសាគរ។
អ្នកកើតឆ្នាំរកា (មាន់)
តាមពិតទៅនៅខែកញ្ញា អ្នកកើតឆ្នាំរកា បានជាប់ក្នុងបញ្ជីឆ្នាំឡើងរាសីសឹងតែរាល់សប្តាហ៍ តែនៅចន្លោះ ១០ ថ្ងៃខាងមុខនេះ ពួកគេអាចមានឱកាសក្លាយជាអ្នកដឹកនាំ ក្លាយជាថៅកែធំ ក្នុងអាជីពការងារ ឬស្ថាប័នណាមួយទៀតផង។
ក្រៅពីនេះ មនុស្សដែលកើតឆ្នាំរកា បន្ទាប់ពីទទួលបានការផ្លាស់ប្តូរធំក្នុងជីវិតហើយ ទៀតសោតក៏នឹងធ្វើឲ្យមនុស្សជាច្រើនច្រណែនចង់បានជីវិតដូចអ្នក ព្រោះអ្នកដទៃខ្លះគេខំដូចជាអ្នកដែរ តែវាសនាគេមិនអំណោយទាននៅពេលនេះ ទើបគេមិនអាចសម្រេចបំណងធំបាន។
អ្នកកើតឆ្នាំទន្សាយ (ថោះ)
អ្នកកើតឆ្នាំថោះ គឺនឹងមានភាពរលូន ដោយសារមានគេជួយជ្រោមជ្រែងច្រើននៅពេលខាងមុខ។ ក្នុងរយៈពេល ១០ ថ្ងៃនៃពាក់កណ្តាលខែកញ្ញា សម្រាប់អ្នកកើតឆ្នាំថោះ នឹងមានសំណាងចូលមកផ្ទួនៗ ដោយមានមិត្តរួមការងារស្រលាញ់ចូលចិត្ត មានថ្នាក់លើសរសើរឲ្យតម្លៃខ្ពស់។
បើក្នុងកិច្ចការងាររកស៊ីបោះទុនធំ នឹងមានកុងត្រាលុយមូលចូលមកដល់ ហើយបញ្ហាស្មុគស្មាញផ្នែកទ្រព្យទាំងឡាយនឹងរសាត់បាត់អស់។ តែបានលុយកាន់នឹងដៃហើយ កុំចាយខ្ជះខ្ជាយពេល រៀនសន្សំទុកខ្លះផង កាន់តែសន្សំអ្នកនឹងកាន់តែឃើញលាភចូលច្រើនៗ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
