លក្ខណៈទម្រង់មុខ នារីមានហុងស៊ុយ! បុរសៗណាបានមកធ្វើជាភរិយា ដឹងតែសំណាងធំ
ថ្ងៃនេះគេហទំព័រ Knongsrok នឹងនាំអារម្មណ៍ប្រិយមិត្ត ទៅមើលទម្រង់មុខនារីៗដែលមានហុងស៊ុយ ស័ក្តិសមនឹងដណ្តឹងមកធ្វើជាភរិយា តោះទៅមើលទាំងអស់គ្នា ថាតើពួកគាត់មានទម្រង់មុខបែបណា ។
ថ្ងាសខ្ពស់ស្រឡះ
ស្ត្រីដែលមានថ្ងាសខ្ពស់ នឹងជាមនុស្សម្នាក់ដែលមិនចេះនៅស្ងៀម តែងតែស្វែងរកចំណេះដឹងសម្រាប់ខ្លួនឯង ហើយក៏ជាមនុស្សម្នាក់ដែលចេះគិតបានវែងឆ្ងាយ។ ប្រសិនបើបុរសៗណា ដែលកំពុងទាក់ទង់ជាមួយនារី ដែលមានមុខទម្រង់ថ្ងាសបែបនេះ អាចប្រាប់បានថា អ្នកពិតជាសំណាងណាស់ នាងប្រាកដជានាំមកនូវភាពរុងរឿងជាមិនខាន។
ថ្ងាសធំទូលាយ
ស្ត្រីដែលមានថ្ងាសធំទូលាយ គឺជាចរិតលក្ខណៈដែលមិនខ្សត់ពិបាក មានប្រវត្តិគ្រួសារសម្បូរបែប និងធូធារ ។
មុខមូលក្រឡង់
នារីភាគច្រើនមិនចូលចិត្តទម្រង់មុខមូលទេ តែបើតាមក្បួនហុងស៊ុយ វាគឺជាទម្រង់មុខល្អបំផុត ព្រោះនារីមានទម្រង់មុខមូលរមែងទទួលបានស្វាមីផ្គាប់ផ្គុនចិត្ត ផ្តល់នូវជីវិតសុខស្រួលឲ្យនាង ។
រោមចិញ្ចើមក្រាស់ មិនក្រវេមក្រវាម
ចំណុចមួយនេះគឺឲ្យសង្កេតមើលចិញ្ចើមមុនពេលតុបតែងមុខ ប្រសិនបើនារីមានរោមចិញ្ចើមក្រាស់ មានន័យថានាងជាមនុស្សឧស្សាហ៍ព្យាយាម សម្រាប់បុរសៗដែលបាននារីប្រភេទនេះជាភរិយា ច្បាស់ជាសំណាងធំហើយ ។
កន្ទុយភ្នែកគ្រវាត់ឡើង មានភ្នែកភ្លឺថ្លា
នារីដែលមានលក្ខណៈភ្នែកទាំងនេះ គឺជាលក្ខណៈរបស់ស្ត្រីដែលមានភាពរឹងមាំ និងមានកិត្យានុភាព បើបុរសចង់បានប្រពន្ធល្អ កសាងគ្រួសារជាមួយគ្នា ស្ត្រីប្រភេទនេះគឺល្អឥតខ្ចោះ។
ចុងច្រមុះមានរាងមូលក្រាស់ មិនស្រួចស្តើង
យោងតាមក្បួនហុងស៊ុយ ច្រមុះត្រូវបានគេចាត់ទុកថា ថង់ទ្រព្យនៃផ្ទៃមុខ ដូច្នេះស្ត្រីដែលមានច្រមុះមូល អាចរក្សារបស់របរបានគង់វង្ស អាចកសាងឋានៈឲ្យប្រសើរឡើង លើសពីនេះនាងក៏ជាមនុស្សដែលស្រឡាញ់គ្រួសារដែរ ។
បបូរមាត់ពេញតឹងណែន
នារីដែលមានបបូរមាត់ពេញ ធំល្មម នាងជាមនុស្សពូកែរកចំណូល ពូកែនិយាយបញ្ចុះបញ្ចូលមនុស្សឱ្យស្លុងតាម ។
ចង្ការាងមូល
នារីដែលមានចង្ការាងមូល ជាមនុស្សដែលមានចិត្តសប្បុរស ហើយតែងតែជាមនុស្សដែលមានគំនិតថ្មីៗរហូត ៕
ប្រភព៖ Knongsrok
ព័ត៌មានថ្មីៗ
