ច្បាស់ណាស់! បើមនុស្សស្រីនៅបញ្ចេញទង្វើបែបនេះ បន្ទាប់ពីបែកគ្នា វាក៏មានន័យថា នាងនៅមិនទាន់អស់ចិត្តឡើយ
នៅក្នុងទំនាក់ទំនងស្នេហា ការបែកគ្នា គឺជារឿងដែលមិនសប្បាយចិត្តឡើយ។ យ៉ាងណាក៏ដោយ ការបែកគ្នា ក៏មានន័យថា ជាការបញ្ជប់នូវស្នេហាមួយនេះ រវាងអ្នកទាំងពីរដើរដល់ផ្លូវបំបែកហើយ។ ប៉ុន្តែ នេះនៅត្រូវមើលពីភាពខុសគ្នារវាងមនុស្សផងដែរ ព្រោះថាមានអ្នកខ្លះយល់ថាការបែកគ្នា គឺជារឿងល្អជាងនៅជាមួយគ្នាមានតែការឈឺចាប់ ហើយក៏សង្ឃឹមថាបែកគ្នាដោយភាពរីករាយផងដែរ។
តាមពិតទៅ ការបែកគ្នា ទោះជាសប្បាយចិត្ត ឬកើតទុក្ខ ក៏នៅតែត្រូវអាស្រ័យលើថានៅមានក្តីស្រលាញ់ឬអត់ដែរ។ បើបន្ទាប់ពីបែកគ្នាហើយ មនុស្សស្រីនៅមានទង្វើទាំងពីរនេះ អាចបញ្ជាក់ថានាងនៅតែមានក្តីស្រលាញ់ចំពោះអ្នកដដែល។
១. ដើរចេញមិនរួចពីស្រមោលអតីត
នៅក្នុងទំនាក់ទំនងប្រុស និងស្រី បើមនុស្សពីរនាក់បែកគ្នាមួយរយៈពេលហើយនោះ ខាងស្រីនៅមិនទាន់ដើរចេញបានទៀត ឬក៏និយាយថា មិនអាចដកចិត្តចេញពីមនុស្សប្រុសម្នាក់នេះបាន នេះបញ្ជាក់ថា នារីម្នាក់នោះនៅមានចិត្តស្រលាញ់នៅឡើយ។
ដូច្នេះ ពេលដែលបែកគ្នាមិនមានន័យថាមិនស្រលាញ់នោះទេ គឺអាចជាគំនិតមួយប្រភេទផ្សេងទៀត ដែលគិតថា ពេលដែលមិននៅជាមួយគ្នា បែរជាស្រលាញ់គេកាន់តែខ្លាំង។ មនុស្សភាគច្រើន គឺបែបនេះ បាត់បង់ទៅហើយទើបនឹកស្តាយក្រោយ បែកគ្នាហើយទើបដឹងថាដកចិត្តមិនបាន។
២. នៅតែ Follow អ្នក Like ឬ Comment លើរូប ឬ Status អ្នក
នៅក្នុងទំនាក់ទំនងស្នេហា បើនាងបានបែកគ្នាពីអ្នកហើយ តែនាងនៅតែ Follow អ្នក Like Comment ឬក៏រំឭករឿងអ្នកប្រាប់ដល់មិត្តនាង ឬក៏សួរនាំរូបអ្នកពីមិត្តរបស់អ្នក នេះបញ្ជាក់ថា នាងនៅតែមិនអាចបំភ្លេចអ្នកបានឡើយ។
ដូច្នេះក៏ប្រើវិធីស្តីទាំងនេះ ដើម្បីមកទាក់ទាញចំណាប់អារម្មណ៍ពីអ្នក ដើម្បីឱ្យអ្នកនៅដឹងថានាងនៅតាមដានអ្នក ចង់ដឹងពីរឿងរបស់អ្នក តាំងពីថ្ងៃបែកគ្នាដល់ពេលបច្ចុប្បន្ន នាងតែងតែមានវត្តមាននៅក្នុងជីវិតអ្នករហូតមក៕
អត្ថបទ ៖ Mythical Bird / Knongsrok
ព័ត៌មានថ្មីៗ
