ទម្លាប់ ៣ អាចធ្វើឲ្យអ្នកដាច់សរសៃឈាមខួរក្បាលទាំងព្រឹក ជាពិសេសចំណុចទី ២
ជំងឺដាច់សរសៃឈាមខួរក្បាលបានឆក់យកជីវិតមនុស្សជាច្រើនដោយមិនដឹងខ្លួន ហើយទម្លាប់មួយចំនួនដូចខាងក្រោម បើអ្នកនៅតែបន្តធ្វើរៀងរាល់ព្រឹក វាក៏ជាហានិភ័យមួយដែរ ដែលអ្នកគួរតែជៀសវាង៖
៣) ក្រោកមកភ្លាមៗនៅពេលព្រឹក
ពេលអ្នកក្រោកពីគេង ចូរទម្រេតខ្លួននៅលើគ្រែ ២-៣ នាទីសិន សឹមក្រោកមកម្តងបន្តិចៗ។ ការអនុវត្តបែបនេះ ដើម្បីធ្វើឲ្យឈាមរត់ស្រួល និងមិនបណ្តាយឲ្យស្ទះសរសៃឈាមខួរក្បាលមួយរំពេច។
ប្រសិនអ្នកកំពុងគេងសុខៗ ហើយស្ទុះក្រោកមកភ្លាម មួយរំពេចនោះអាចវិវត្តឲ្យអ្នកមានអាការៈវិលមុខទាំងព្រឹក ហើយឈានទៅដល់ការដាច់សរសៃឈាមខួរក្បាល។ ដូច្នេះចំណុចនេះគឺស្រួចស្រាល់អាចបង្កគ្រោះថ្នាក់ខ្លាំងបំផុត ដែលអ្នកត្រូវតែប្រុងប្រយ័ត្នខ្ពស់។
២) ការធ្វើលំហាត់ប្រាណនៅខាងក្រៅ
ការធ្វើលំហាត់ប្រាណនៅខាងក្រៅតែម្នាក់ឯង ក៏ជារឿងគួរឲ្យបារម្ភមួយដែរ ជាពិសេសនៅពេលដែលរាងកាយរបស់អ្នកកំពុងមិនស្រួល អាចថាក្តៅខ្លួនឬផ្តាសាយ ចូរអ្នកសម្រាកឲ្យបានច្រើន ជៀសវាងការទៅហាត់ប្រាណទាំងព្រឹក ដែលអាចនាំឲ្យកើតមានបញ្ហាដាច់សរសៃឈាម ជាពិសេសសម្រាប់អ្នកមានជំងឺលើសឈាម ទឹកនោមផ្អែម ឬរាងកាយខ្សោយស្រាប់។
ដូច្នេះដំបូន្មានដ៏ល្អ ការធ្វើលំហាត់ប្រាណនេះ ត្រូវមើលទៅតាមស្ថានភាពរាងកាយយើងដែរ មិនចេះតែធ្វើតាមតែចិត្ត ឬតាមគេនោះទេ ព្រោះស្ថានភាពសុខភាពមនុស្សយើងម្នាក់ៗគឺខុសគ្នា។ ប្រភេទលំហាត់ប្រាណដ៏ល្អបំផុត គួរតែជាលំហាត់ប្រាណស្រាលៗ ដែលអ្នកអាចធ្វើបាន គឺ Yoga ការសមាធិ និងការរាំងតាមចង្វាក់យឺតៗ ពោលជាលំហាត់ប្រាណដែលមិនប្រើកម្លាំងខ្លាំង។
១) ទទួលទានអំបិលនិងខ្លាញ់ច្រើននៅពេលព្រឹក
ប្រភេទអាហារពេលព្រឹក ចាំបាច់មិនគួរទទួលទានអាហារដែលចៀន ឬបំពងឡើយ ព្រោះទម្លាប់បែបនេះយូរទៅនឹងធ្វើឲ្យកើនឡើងសម្ពាធឈាម ជាហានិភ័យនៃជំងឺដាច់សរសៃឈាមខួរក្បាល។
ដើម្បីការពារសុខភាពអ្នក គួរប្តូរមកទទួលទានបន្លែបៃតង ផ្លែឈើ ប្រភេទសាច់ត្រី និយាយទៅគឺកាត់បន្ថយសាច់ឲ្យបានច្រើនតាមដែលអាចធ្វើទៅបាន ហើយជៀសវាងការប្រើប្រាស់អំបិលច្រើន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
