ទាហាន Gurkha ម្នាក់ប្រដាប់តែកាំបិទកោងមួយប្រយុទ្ធជាមួយចោរព្រៃ៤០នាក់ក្នុងរថភ្លើងនៅឥណ្ឌាចាត់ទុកជាវីរបុរស
នៅថ្ងៃទី ២ ខែកញ្ញាឆ្នាំ ២០១០ Bishnu Shrestha បានធ្វើដំណើរតាមរថភ្លើង Maurya Express និងគយគន់ទេសភាពតាមដងផ្លូវនៅពេលដែលអង្គុយនៅលើកៅអីជាប់បង្អួចរបស់គាត់ ក្នុងព្រៃក្រាស់នៃតំបន់ West Bengal ប្រទេសឥណ្ឌា។ គាត់ជាអតីតទាហាន Gurkha អាយុ ៣៥ ឆ្នាំហើយគាត់បានត្រឡប់ទៅផ្ទះជួ៍បជុំគ្រួសារវិញ បន្ទាប់ពីបានចូលនិវត្តន៍ពីតួនាទី Naik ដែលជាឋានៈមួយក្នុងជួរថ្មើរជើង Gurkha ។ ឪពុករបស់គាត់ធ្លាប់ធ្វើជាទាហានដែរ។ ខណៈកំពុងគយគន់ទេសភាពតាមព្រឹក្សព្រៃលើរថភ្លើង គាត់មិនបានដឹងថានឹងមានអ្វីកើតឡើងបន្ទាប់ពីនោះទេ។
នៅពាក់កណ្តាលអធ្រាត្ររថភ្លើងបានឈប់ ហើយភ្លាមៗនោះមានមនុស្សជាច្រើនប្រដាប់ដោយអាវុធបានដើរពីគ្រប់ទិសទី ពួកគេខ្លះបានក្លែងធ្វើជាអ្នកដំណើរហើយចាប់ផ្តើមបំភ័យអ្នកដំណើរផ្សេងទៀតដោយដោយទាញកាំបិត ដំបងបន្លាដែក និងដាវ។ ចោរប្រហែលជា ៤០ នាក់នោះក្នុងចំណោមពួកគេទាំងអស់ មានខ្លះបានប្លន់កាបូបលុយ គ្រឿងអលង្ការ កុំព្យូទ័រយួរដៃ សូម្បីនាឡិកាដោយពួកគេគ្រវីកាំបិតនៅចំពោះមុខចំណាប់ខ្មាំងដែលរងការបំភ័យ។ Bishnu បាននិយាយអំពីឧប្បត្តិហេតុនេះដល់កាសែត The Times of India ថា៖
" រំពេចនោះមានសំលេងស្រែកហើយលឺសូរជើងមនុស្សរត់មករកខ្ញុំ។ មានមនុស្សម្នាក់ទាញកាតាបនៅលើគ្រែរបស់ខ្ញុំ។ ខ្ញុំអង្គុយធម្មតា ហើយឃើញមនុស្សមួយចំនួនទៀតឈរក្បែរជើងខ្ញុំ។ ពួកគេទាមទារឱ្យខ្ញុំប្រគល់ប្រាក់ និងរបស់របរទាំងអស់របស់ខ្ញុំ។ មានមនុស្សម្នាក់ច្រឡំថាខ្ញុំជាទាហានឥណ្ឌា។ ពេលលឺហើយក្រុមឧក្រិដ្ឋជនបានបិទទ្វារហើយដើរចេញពីកន្លែងខ្ញុំ ហើយងាកទៅចាប់អារម្មណ៍នឹងកន្លែងផ្សេងទៀត .... ពួកគេបានប្រមូលគ្រឿងអលង្ការ ទូរស័ព្ទដៃ ប្រាក់ កុំព្យូទ័រយួរដៃ និងរបស់របរផ្សេងទៀតពីអ្នកដំណើរ"។
Bishnu នៅរក្សាភាពស្ងៀមស្ងាត់ រហូតដល់ចោរប្លន់បានបង្វែរការចាប់អារម្មណ៍ទៅលើក្មេងស្រីអាយុ ១៨ ឆ្នាំម្នាក់ហើយប៉ុនប៉ងរំលោភបូកនៅមុខឪពុកម្តាយរបស់នាង។ ត្រង់ចំណុចនេះ Bishnu មិនអាចអត់ធ្មត់ទៀតទេ។ គាត់បានក្រោកឡើងទាញកាំបិត Khukri របស់គាត់ហើយបានវាយប្រហារពួកចោរប្លន់ដូចជាទាហាន Gurkha ប្រយុទ្ធក្នុងសមរភូមិនានាដែរ។ ពិតណាស់ក្នុងរថភ្លើងមានលក្ខខណៈចង្អៀតហើយមនុស្សច្រើនពិបាកប្រយុទ្ធណាស់។
គាត់តែម្នាក់ឯងអាចកាប់ចោរទាំងនោះស្លាប់ម្ដងមួយៗ។ រថភ្លើងបានបើកទៅមុខឡើងវិញតិចៗ គាត់ចាប់បានចោរដែលប្រុងរំលោភក្មេងស្រី ហើយយកធ្វើជាខែលប្រយុទ្ធជាមួយចោរដទៃទៀតដែលមានកាំបិទ និងដាវ។ គាត់បានសម្លាប់ចោរ ៣ នាក់និងកាប់ឲ្យរបួសធ្ងន់ ៨ នាក់ផ្សេងទៀត។ ចោរប្លន់ដែលនៅសេសសល់រត់គេចខ្លួនបាត់។ បន្ទាប់ពីឧប្បត្តិហេតុនេះ Bishnu បានរងរបួសយ៉ាងធ្ងន់ធ្ងរនៅលើដៃឆ្វេងរបស់គាត់ ប៉ុន្តែនោះមិនបានបញ្ឈប់គាត់ពីការធានាសុវត្ថិភាពរបស់អ្នកដំណើរនៅជុំវិញគាត់ទេ។ ឈុតឆាកប្រយុទ្ធទាំងមូលចប់ក្នុងរយៈពេល ២០ នាទី។
ប៉ូលីស និងបុគ្គលិកសង្គ្រោះបន្ទាន់កំពុងរង់ចាំនៅស្ថានីយ៍ខាងមុខ។ ពួកគេបាននាំ Bishnu ទៅកាន់មន្ទីរពេទ្យភ្លាមៗ។ គាត់បានចំណាយពេលជិតពីរខែ ដើម្បីជាសះស្បើយទាំងស្រុង។ យ៉ាងណាក៏អរគុណដល់ប៉ូលីសបានចាប់ខ្លួនក្រុមចោរប្លន់នៅសល់ បានរកឃើញវត្ថុមានតម្លៃដែលមានតំលៃជាង ៤០០,០០០រ៉ូពីជាប្រាក់, ខ្សែកមាស, ទូរស័ព្ទដៃ, កុំព្យូទ័រយួរដៃនិងរបស់របរជាច្រើនទៀតដែលចោយកទៅមិនបាន។
ក្រោយមក! Bishnu បានទទួលមេដាយចំនួន ២ សម្រាប់ភាពក្លាហានរបស់គាត់រួមជាមួយរូបកាំបិត kukri ពណ៌ទឹកប្រាក់ និងប្រាក់ចំនួន ៥០០០០ រ៉ូពី ព្រមទាំងប្រាក់ចាច្រើនទៀតយកបានពីក្រុមចោរ។ ក្រុមគ្រួសារក្មេងស្រីដែលគាត់បានជួយសង្គ្រោះ ក៏បានផ្តល់ប្រាក់រង្វាន់ដល់គាត់ ប៉ុន្តែទាហានក្លាហានរបស់យើងបានបដិសេធទទួលយក។ គាត់មានប្រសាសន៍ថា“ ការប្រយុទ្ធនឹងសត្រូវនៅក្នុងសមរភូមិគឺជាកាតព្វកិច្ចរបស់ខ្ញុំក្នុងនាមជាទាហាន។ ការទទួលយករបស់ចោរនៅលើរថភ្លើងគឺជាកាតព្វកិច្ចរបស់ខ្ញុំដែលជាមនុស្ស"។
ច្បាស់ណាស់ Bishnu គឺជាវីរបុរសពិតដែលដូចនឹងនិយមន័យនៃពាក្យស្លោកប្រចាំទាហាន Gorkha ថា៖"សុខចិត្តស្លាប់ប្រសើរជាងធ្វើជាមនុស្សកំសាក” ៕
ព័ត៌មានថ្មីៗ
