ក្មេងប្រុសអាយុ ១៧ ឆ្នាំម្នាក់ រកឃើញភពថ្មីមួយធំជាងភពផែនដីជិត ៧ ដង ក្រោយចុះហាត់ការ ៣ ថ្ងៃនៅ NASA
ក្មេងប្រុសវ័យ ១៧ ឆ្នាំដែលកំពុងសិក្សានៅថ្នាក់វិទ្យាល័យមួយរូប មកពីទីក្រុង New York បានសិក្សារកឃើញភពថ្មីមួយដែលធំជាងភពផែនដី ៦.៩ ដង បន្ទាប់ពីចុះកម្មសិក្សាហាត់ការរយៈពេល ៣ ថ្ងៃលើគម្រោង TESS នៅអង្គការ NASA។
តាមរយៈការចុះផ្សាយរបស់ NASA បានបញ្ជាក់ថាការស្រាវជ្រាវរកឃើញភពថ្មីនោះ ក្រោមឈ្មោះថា 'TOI 133 b' ដែលវាមានទំហំធំជាងភពផែនដីយើងដល់ទៅ ៦.៩ ដង ឬទំហំប៉ុនការធៀបរវាងភពណិបទូននិងអ៊ុយរ៉ានុស។ ដោយវាមានប្រវែងប្រមាណ ១ ៣០០ ឆ្នាំពន្លឺ (Light Year) ពីផែនដី ដែលស្ថិតក្នុងចំណោមក្រុមផ្កាយដែលជាក្រុមផ្កាយតូចមួយនៅអឌ្ឍគោលខាងត្បូង។
ក្មេងប្រុសដែលរកឃើញនោះសិក្សានៅវិទ្យាល័យ Skarddale នៅទីក្រុង New York សហរដ្ឋអាមេរិកដែលបានចុះហាត់ការ ៣ ថ្ងៃជាមួយ NASA។ ឈ្មោះរបស់គេគឺ Wolfkooker ដោយគេបាននិយាយថា៖ "ពីដំបូងខ្ញុំគិតថាវាគ្រាន់តែជាសូរ្យគ្រាសមួយប៉ុណ្ណោះ ប៉ុន្តែវាក៏ប្រែក្លាយទៅជាភពមួយ។
ត្បិតបច្ចុប្បន្នមិនទាន់ដាក់ឈ្មោះពិតប្រាកដណាមួយសម្រាប់ភពថ្មីនេះក៏ដោយ ប៉ុន្តែបងប្រុសរបស់ក្មេងប្រុសអាយុ ១៧ ឆ្នាំខាងលើ បានទទូចស្នើឲ្យដាក់ឈ្មោះថា 'Wolftopia'៕
ប្រភព៖ Voicetv
ព័ត៌មានថ្មីៗ
