តើអ្នកដឹងទេថា! ការមើលតាមរយៈភ្នែករបស់សត្វនីមួយៗ មិនដូចការមើលឃើញរបស់មនុស្សយើងឡើយ
ភ្នែករបស់សត្វ មើលទិដ្ឋភាពគ្រប់យ៉ាងនៅលើពិភពលោកនេះ មិនដូចអ្វីដែលមនុស្សយើងមើលឃើញនោះឡើយ។ តស់! មកដឹងទាំងអស់គ្នាថា តើសត្វនីមួយៗមើលឃើញបែបណាខ្លះ ខុសពីមនុស្សយើង។
១. សត្វពស់ ៖ របៀបនៃការមើលឃើញពិភពលោករបស់សត្វពស់ គឺខុសគ្នាទាំងស្រុងពីមនុស្សយើង។ នៅក្នុងរន្ធច្រមុះក្រោមភ្នែករបស់សត្វពស់ គឺមានញាណពិសេសសម្រាប់ចាប់សញ្ញាមួយដែលអាចមើលឃើញកម្ដៅវិទ្យុសកម្មនៃថនិកសត្វដែលមានឈាមក្តៅ។
២. សត្វគោ ៖ មិនអាចមើលឃើញពណ៌ក្រហមទេ វាអាចមើលឃើញតែការប្រែប្រួលនៃពណ៌ខៀវ និងបៃតងប៉ុណ្ណោះ។ សត្វគោ ក៏មិនចូលចិត្តឱ្យមនុស្សឈរនៅពីក្រោយវានោះដែរ ភ្នែករបស់វាអាចមើលឃើញតែអ្វីដែលនៅចំពោះមុខ និងនៅជិតវាតែប៉ុណ្ណោះ។
៤. សត្វត្រី ៖ កែវភ្នែករបស់ត្រីមានរាងស្វ៊ែរដែលអាចឱ្យពួកវាមើលឃើញ ៣៦០ដឺក្រេ និងសឹងតែអាចមើលឃើញគ្រប់ពណ៌ទាំងអស់ដូចភ្នែកមនុស្សយើងដែរ។ ប៉ុន្តែដោយសារពន្លឺមានស្ថានភាពខុសគ្នានៅក្រោមទឹក ពួកវាពិបាកនឹងសម្គាល់ពណ៌ក្រហម និងស្រមោលរបស់វាណាស់។ ត្រីសមុទ្រជ្រៅអាចមើលឃើញក្នុងទីងងឹតបានយ៉ាងងាយដែលត្រជាក់គួរសម។ ម្យ៉ាងវិញទៀត ត្រីឆ្លាម មិនអាចបែងចែកពណ៌បានឡើយ ប៉ុន្តែពួកវាឃើញច្បាស់នៅក្រោមទឹកច្រើនជាងយើង។
៥. សត្វបក្សី ៖ បក្សីមានវិធីពិសេសមួយចំនួនដើម្បីមើលពិភពលោក។ សត្វស្លាបអាចមើលឃើញពន្លឺយូវី ដែលអាចឱ្យវាបែងចែកភាពខុសគ្នារវាងសត្វឈ្មោល និងញី ក៏ដូចជាការរុករកកាន់តែប្រសើរឡើងនៅក្នុងតំបន់ជុំវិញរបស់ពួកវា។ ម្យ៉ាងវិញទៀត ពពួកសត្វស្លាបពូកែផ្តោតអារម្មណ៍ណាស់។ ឧទាហរណ៍ សត្វក្លែង និងឥន្ទ្រីអាចផ្តោតលើកណ្តុរតូចមួយនៅក្នុងវាលរហូតដល់ចម្ងាយមួយម៉ាយល៍។
៦. សត្វព្រាប ៖ សត្វព្រាបអាចមើលឃើញព័ត៌មានលម្អិតតូចៗ ដូច្នេះប្រសិនបើអ្នកត្រូវការស្វែងរករបស់ ឬវត្ថុតូចៗនៅលើចិញ្ចើមផ្លូវ អ្នកអាចពឹងឱ្យសត្វព្រាបជួយរកអ្នកបាន ចំពោះភ្នែករបស់សត្វស្លាប អាចមើលឃើញដល់កម្រិត 340 ដឺក្រេ ហើយជាទូទៅ ចក្ខុវិស័យរបស់វាត្រូវបានគេចាត់ទុកថាល្អជាងភ្នែករបស់មនុស្សពីរដង។
៧. សត្វល្អិត ៖ សត្វល្អិតដូចជាសត្វរុយមានភ្នែកតូចៗរាប់ពាន់ដែលធ្វើការរួមគ្នា ដើម្បីផ្តល់ឱ្យពួកគេនូវរូបភាពដ៏ធំនៃអ្វីដែលកំពុងកើតឡើងនៅជុំវិញពួកគេក្នុងស្ថានភាពយឺតៗ និងអាចចាប់ពន្លឺយូវីបានយ៉ាងល្អ។ រីឯសត្វឃ្មុំមើលឃើញពណ៌ក្រហមទៅជាពណ៌ខៀវងងឹត។
៨. សត្វឆ្មា ៖ សត្វឆ្មាមើលមិនឃើញស្រមោលក្រហម ឬបៃតងទេ ប៉ុន្តែពួកវាឃើញពណ៌ត្នោត លឿង និងខៀវបានយ៉ាងច្បាស់។ លើសពីនេះ ពួកវាទទួលបានទិដ្ឋភាពធំទូលាយ ដែលអាចមើលឃើញវត្ថុសងខាងបានច្រើនជាងមនុស្ស។ ទោះយ៉ាងណាក៏ដោយ នៅពេលដែលយប់ ឬស្ថិតក្នុងស្ថានភាពងងឹត សត្វឆ្មាប្រៀបដូចជា Ninja អ៊ីចឹង ហើយអាចមើលឃើញល្អជាងយើងដល់ទៅ ៦ ដង។
៩. សត្វសុនខ ៖ សត្វឆ្កែ មិនអាចមើលឃើញពណ៌ក្រហម ឬពណ៌ទឹកក្រូចទេ ប៉ុន្តែពួកវាអាចមើលឃើញពណ៌ខៀវ និងពណ៌ស្វាយបានយ៉ាងល្អ។ លើសពីនេះ វាអាចបែងចែកពណ៌ប្រផេះចំនួន ៤០ ប្រភេទផ្សេងគ្នា៕
ព័ត៌មានថ្មីៗ
