ឆ្នាំទាំង ៣ ត្រៀមខ្លួនកើបលុយ ទិញឡានទិញផ្ទះ ក្នុងឆ្នាំ ២០២៤
ហោរាសាស្រ្តបានឱ្យដឹងថា ចាប់ពីពេលនេះរហូតដល់ដាច់ឆ្នាំ ២០២៤ អ្នកកើតក្នុងឆ្នាំទាំង ៣ នេះ នឹងមានសំណាងខ្លាំងជាងឆ្នាំណាៗទាំងអស់ ដោយការខិតខំប្រឹងប្រែងទាំងថ្ងៃទាំងយប់ មិនខ្លាចហត់នឿយ ជួយឱ្យអ្នករកលុយបានកាន់តែច្រើន សន្សំទ្រព្យទុក ថ្ងៃមុខអាចទិញឡានទិញផ្ទះបានដោយងាយ។
១. ឆ្នាំច
ក្នុងហោរាសាស្ត្រនៃឆ្នាំទាំង ១២ បានឱ្យដឹងថា អ្នកកើតឆ្នាំច ជាមនុស្សមានចិត្តខិតខំ ឧស្សាហ៍ព្យាយាម។ ពួកគេធ្វើការដោយភាពក្លៀវក្លា និងខិតខំអស់ពីសមត្ថភាព។ ក្នុងជីវិត ទោះជួបការលំបាកយ៉ាងណាក៏គេមិនខ្លាចនឹងគិតរកដំណោះស្រាយ និងមិនព្រមចុះចាញ់នឹងវាសនាឡើយ។
ការខិតខំប្រឹងប្រែងរបស់អ្នកឆ្នាំច ត្រូវបានទទួលស្គាល់ដោយមនុស្សគ្រប់គ្នា។ ក្រោយមក ការងារកាន់តែសំខាន់ដែលអ្នកនឹងទទួលបាន នាំមកនូវប្រាក់ចំណេញខ្ពស់ លើសពីការរំពឹងទុក។
អ្នកដែលធ្វើការក្នុងមុខតំណែងជាអ្នកដឹកនាំមានទស្សនៈវិស័យ និងមានបទពិសោធន៍ច្រើន ដែលជួយឱ្យអ្នកធ្វើការសម្រេចចិត្តបានត្រឹមត្រូវ នាំមកនូវអត្ថប្រយោជន៍ដ៏អស្ចារ្យដល់ក្រុមការងារ។ ជាពិសេស ដោយសារតែកត្តាល្អទាំងនេះ ទើបឆ្នាំច ត្រូវបានគេព្យាករណ៍ថា ជាឆ្នាំមួយ ដែលមានលេខសំណាង ក្នុងរយៈពេល ២ ឆ្នាំខាងមុខ។ ទ្រព្យសម្បត្តិរបស់ពួកគេកើនឡើងឥតឈប់ឈរ ជីវិតរបស់ពួកគេកាន់តែរីកចម្រើនទៅថ្ងៃអនាគត។
២. ឆ្នាំមមី
អ្នកដែលកើតក្នុងឆ្នាំសេះ នឹងសម្រេចបាននូវដំណាក់កាលអភិវឌ្ឍន៍ជាក់លាក់ជារៀងរាល់ឆ្នាំ។ ពួកគេមិនចូលចិត្តនៅនឹងមួយកន្លែងទេ។ ថ្មីៗនេះ អ្នកឆ្នាំសេះមិនបានរកឃើញឱកាសដើម្បីអភិវឌ្ឍសក្តានុពលរបស់ពួកគេ។ ប៉ុន្តែក្នុងរយៈពេល ២ ឆ្នាំខាងមុខ អ្នកនឹងឡើងដូចខ្លែងក្នុងខ្យល់។
យ៉ាងណាមិញ អ្នកឆ្នាំសេះត្រូវចេះចាប់យកឱកាសដ៏កម្រ ដើម្បីបង្កើនទ្រព្យសម្បត្តិទ្វេដង។ ក្រៅពីនេះ អ្នកមិនចាំបាច់ខ្វល់ខ្វាយពីមនុស្សតូចតាចដែលតាមយាយី ផ្ចាញ់ផ្ចាលធ្វើបាបអ្នកនោះឡើយ កុំឱ្យខាតពេលវេលា ដើម្បីសម្រេចកិច្ចការធំ។
៣. ឆ្នាំរកា
ឆ្នាំរកា ជាឆ្នាំមួយដែលល្អ ទទួលបានពរជ័យពីទេវតាទ្រព្យ ងាយទទួលបានជោគជ័យបំផុត។ សម្រាប់អ្នកប្រកបអាជីវកម្ម នឹងទទួលបានការទុកចិត្តពីអតិថិជន ដៃគូសហការប្រព្រឹត្តទៅដោយរលូន។ វិនិយោគិនក៏ស្វែងរកគម្រោងល្អដែលនាំមកនូវប្រាក់ចំណេញខ្ពស់។
អ្នកដែលកើតឆ្នាំរកា បើធ្វើការងារបានប្រាក់ខែខ្ពស់ ជាមនុស្សឧស្សាហ៍ព្យាយាម មិនខ្លាចការលំបាក ដូច្នេះហើយបានជាថ្នាក់លើ និងសហការីទុកចិត្ត។ អ្នកឆ្នាំមាន់នេះតែងតែចាប់យកមុខតំណែងសំខាន់ៗ ដែលនាំមកនូវប្រាក់ចំណេញយ៉ាងច្រើនដល់ក្រុមហ៊ុន និងខ្លួនគាត់។ ទន្ទឹមនឹងនោះដែរ បើអ្នកខំប្រឹងប្រែងអាចត្រូវបានគេលើកតម្កើងជីវិតរុងរឿងខ្លាំងក្នុងអាជីពទៅថ្ងៃមុខ៕
* អត្ថបទសម្រាប់ជាឯកសារយោងប៉ុណ្ណោះ!
ព័ត៌មានថ្មីៗ
